Abhradeep Saha : મલ્ટી ઓર્ગન ફેલ્યોરના કારણે જાણીતા YouTuber નું નિધન...
સોશિયલ મીડિયા સેન્સેશન અને એંગ્રી રેન્ટમેન તરીકે જાણીતા યુટ્યુબર અભ્રદીપ સાહા (Abhradeep Saha)નું 27 વર્ષની વયે અવસાન થયું. તેમના પરિવારે બુધવારે આ માહિતી આપી હતી. તેમના પરિવારે એક ફેસબુક પોસ્ટમાં જણાવ્યું હતું કે, "ઘણા દુખ સાથે અમે આજે સવારે 10:18 વાગ્યે અભ્રદીપ સાહા (Abhradeep Saha) ઉર્ફે એન્ગ્રી રેન્ટમેનના નિધનની જાહેરાત કરીએ છીએ." તેમણે તેમની પ્રામાણિકતા, રમૂજ અને અતૂટ ભાવનાથી લાખો લોકોના જીવનને પ્રભાવિત કર્યું. તેને ખૂબ મિસ કરશે. પરિવારે પોસ્ટમાં લખ્યું છે કે, અમે તેમના નિધન પર શોક વ્યક્ત કરીએ છીએ, ચાલો તેઓ અમારા જીવનમાં લાવેલી ખુશીઓને યાદ કરીએ.
મલ્ટીપલ ઓર્ગન ફેલ્યોરને કારણે થયું મૃત્યુ...
અભ્રદીપ સાહા (Abhradeep Saha) , જેનું મૃત્યુ મલ્ટીપલ ઓર્ગન ફેલ્યોરને કારણે થયું હતું, તે કોલકાતાનો રહેવાસી હતો અને કન્ટેન્ટ સર્જક હતો. ગયા મહિને, તેને બેંગલુરુની એક હોસ્પિટલમાં દાખલ કરવામાં આવ્યો હતો જ્યાં તેની મોટી સર્જરી કરવામાં આવી હતી. પરંતુ આ અઠવાડિયે તેમની તબિયત બગડી હતી અને તેઓ વેન્ટિલેટર પર હતા. મલ્ટીપલ ઓર્ગન ફેલ્યોર થવાને કારણે YouTuber નું મૃત્યુ થયું.
યુટ્યુબ પર તેના 4.8 લાખથી વધુ સબસ્ક્રાઈબર્સ...
સાહા ચેલ્સીનો ચાહક હતો. ઇંગ્લિશ પ્રીમિયર લીગ ક્લબ પર તેના 'નો પેશન, નો વિઝન' નિવેદન વાયરલ થયા પછી તે 2017 માં લોકપ્રિય બન્યો હતો. ત્યારથી સાહાએ તેની યુટ્યુબ ચેનલ પર સ્પોર્ટ્સ અને ફિલ્મો સાથે જોડાયેલા ઘણા વીડિયો બનાવ્યા છે. યુટ્યુબ પર તેના 4.8 લાખથી વધુ સબસ્ક્રાઈબર્સ છે. ઈન્સ્ટાગ્રામ પર તેના 120 હજારથી વધુ ફોલોઅર્સ છે. તેનો પહેલો વિડિયો અન્નાબેલે મૂવી પર હતો, જેનું શીર્ષક હતું 'હું અન્નાબેલે મૂવી કેમ જોઉં નહીં.'
ISL ફૂટબોલ ક્લબોએ સાહાના નિધન પર શોક વ્યક્ત કર્યો...
ઈન્ડિયન સુપર લીગ (ISL)ની ઘણી ફૂટબોલ ક્લબોએ સોશિયલ મીડિયા પોસ્ટ દ્વારા સાહાના નિધન પર શોક વ્યક્ત કર્યો હતો. બેંગલુરુ એફસીએ ફેસબુક પોસ્ટમાં લખ્યું, “BFC પરિવાર #ભારતીય ફૂટબોલના વફાદાર અભ્રદીપ સાહા (Abhradeep Saha)ના નિધન વિશે જાણીને દુઃખી છે. અભ્રદીપના રમતગમત પ્રત્યેના પ્રેમની કોઈ સીમા ન હતી. તેનો જુસ્સો અને ઉત્સાહ ચૂકી જશે. તેમની આત્માને શાંતિ મળે.
આ પણ વાંચો : OnePlus નો આ પ્રીમિયમ ફોન 18 એપ્રિલે નવી સ્ટાઈલમાં થશે લોન્ચ
આ પણ વાંચો : Israel Defense Forces: કોઈપણ હુમલાને અસફળ બનાવે છે ઈઝરાયેલ હવાઈ સુરક્ષા, જાણો કેવી રીત
આ પણ વાંચો : મારુતી સુઝુકીની બાદશાહત ખતમ, TATA Punch ગાડીએ તમામ ગાડીઓને ફિક્કી પાડી