PM મોદીએ અમેરિકી ઉપરાષ્ટ્રપતિ કમલા હેરિસ સાથે કર્યું ભોજન, જાણો શું છે Menu
વડાપ્રધાન મોદી (PM Narendra Modi) ના અમેરિકા પ્રવાસનો આજે છેલ્લો દિવસ છે. કેનેડી સેન્ટર ખાતે US-India સ્ટ્રેટેજિક પાર્ટનરશિપ ફોરમ (USISPF) ઈવેન્ટને સંબોધિત કરવા માટે PM મોદી ટૂંક સમયમાં વોશિંગ્ટન ડીસી પહોંચવાના છે. કેનેડી સેન્ટરમાં PM મોદીની રાહ જોવાઈ રહી છે. જણાવી દઇએ કે, વડાપ્રધાન નરેન્દ્ર મોદી ત્રણ દિવસીય અમેરિકાના પ્રવાસે છે ત્યારે આ કડીમાં, તેમના પ્રવાસના છેલ્લા દિવસે, વડાપ્રધાન મોદીએ યુએસ સ્ટેટ ડિપાર્ટમેન્ટ દ્વારા આયોજિત લંચમાં હાજરી આપી હતી.
વડાપ્રધાન નરેન્દ્ર મોદીએ યુએસ સ્ટેટ ડિપાર્ટમેન્ટ દ્વારા આયોજિત લંચમાં હાજરી આપી
અમેરિકી ઉપરાષ્ટ્રપતિ કમલા હેરિસ (Kamala Harris), વિદેશ સચિવ એન્ટની બ્લિંકન (Antony Blinken) અને વડાપ્રધાન નરેન્દ્ર મોદીએ યુએસ સ્ટેટ ડિપાર્ટમેન્ટ દ્વારા આયોજિત લંચમાં હાજરી આપી હતી. દરમિયાન સેક્રેટરી ઓફ સ્ટેટ એન્ટની બ્લિંકને PM મોદીનું સ્વાગત કરતા કહ્યું કે, "હવે અમે તેને અમેરિકન સ્વપ્ન કહીએ કે ભારતીય સ્વપ્ન... અમારા લોકો તકમાં વિશ્વાસ કરે છે. આપણે કોણ છીએ અથવા ક્યાંથી આવ્યા છીએ તેનાથી કોઈ ફરક પડતો નથી. અમે પોતાને કંઈક સારું બનાવી શકીએ છીએ. યુએસ સેક્રેટરી ઑફ સ્ટેટ એન્ટની બ્લિંકને કહ્યું, “અહીં અમેરિકામાં, ભારત આપણા રોજિંદા જીવનનો એક ભાગ છે. અમે મિન્ડી કલિંગની કોમેડી પર હસીએ છીએ. અમે કોચેલ્લામાં દિલજીતની ધૂન પર ડાન્સ કરીએ છીએ. યોગ કરીને અમે અમે ખુદને ફિટ અને સ્વસ્થ રાખીએ છીએ."
સ્ટેટ ડિપાર્ટમેન્ટના લંચમાં PM ને શું પીરસવામાં આવ્યું?
સમોસા-
વડાપ્રધાન નરેન્દ્ર મોદીને લંચમાં સ્ટાર્ટર તરીકે સમોસા પીરસવામાં આવ્યા હતા. તેમને સ્પિનચ અને આદુ-કોથમીર-મિન્ટ પેસ્ટો સાથે પીરસવામાં આવ્યું હતું.
ખીચડી
મુખ્ય કોર્સમાં વડાપ્રધાન મોદીને ખીચડી પીરસવામાં આવી હતી. PM ને બાજરી, દાળ, અથાણું ભીંડા, દહીં ફિંગર લાઈમ, ચણાના લોટની ચટણી અને ધાણા તેલ સાથે ખીચડી પીરસવામાં આવી હતી.
કેરીનો હલવો
વડાપ્રધાનને પીરસવામાં આવેલી મીઠાઈમાં કેરીનો હલવો પીરસવામાં આવ્યો હતો. આ સાથે પારલે-જી બિસ્કિટ ક્રસ્ટ, કેસર કેરી, ઈલાઈચી, આદુ, રબડી અને ચાંદીના પાન પીરસવામાં આવ્યા હતા.
મસાલા ચા
લંચ દરમિયાન વડાપ્રધાનને મસાલા ચા પણ પીરસવામાં આવી હતી. તેમાં આદુ, ઈલાઈચી અને ડેમેરા ખાંડ (શેરડીમાંથી બનેલી ખાંડ જેનો સ્વાદ દાળ જેવો હોય છે) નો સમાવેશ થતો હતો.
કમલા હેરિસે PM મોદીનો આભાર માન્યો હતો
અમેરિકન ઉપરાષ્ટ્રપતિ કમલા હેરિસ દ્વારા આયોજિત લંચમાં વડાપ્રધાન મોદીએ કહ્યું કે, “અમારી વ્યૂહાત્મક ભાગીદારીને મજબૂત કરવામાં તમારું યોગદાન અતુલ્ય રહ્યું છે.” આ સાથે જ અમેરિકાના ઉપરાષ્ટ્રપતિ કમલા હેરિસે કહ્યું કે તેઓ અને રાષ્ટ્રપતિ જો. બાઈડેન યુએસ-ભારત સંબંધોને મજબૂત કરવા માટે વડાપ્રધાન મોદીની પ્રતિબદ્ધતા માટે આભારી છે. તેમણે કહ્યું, "જેમ જેમ આપણે ભવિષ્ય તરફ નજર કરીએ છીએ, અમેરિકા અને ભારત સહજપણે એકબીજા તરફ વળે છે અને વધુને વધુ એક સાથે આવી રહ્યા છે." અમેરિકી ઉપરાષ્ટ્રપતિ કમલા હેરિસે આર્ટેમિસ કરારમાં જોડાવાના ભારતના નિર્ણય બદલ વડાપ્રધાન નરેન્દ્ર મોદીનો આભાર માન્યો હતો. વડાપ્રધાન મોદીએ 22 જૂને આની જાહેરાત કરી હતી.
PM મોદીએ અમેરિકા અને ભારતના ટોચના CEO અને ચેરમેન સાથે મુલાકાત કરી
જણાવી દઈએ કે વડાપ્રધાન નરેન્દ્ર મોદીએ આજે વ્હાઇટ હાઉસમાં અમેરિકા અને ભારતના ટોચના CEO અને ચેરમેન સાથે મુલાકાત કરી હતી. માઈક્રોસોફ્ટના CEO સત્ય નડેલા, એપલના CEO ટિમ કૂક, ગૂગલના CEO સુંદર પિચાઈ, નાસાના અવકાશયાત્રી સુનિતા વિલિયમ્સ, મહિન્દ્રા ગ્રૂપના ચેરમેન આનંદ મહિન્દ્રા, રિલાયન્સ ઈન્ડસ્ટ્રીઝના ચેરમેન અને એમડી મુકેશ અંબાણી, ઝેરોધા અને ટ્રુ બીકનના કો-ફાઉન્ડર નિખિલ કામથ અને અન્ય ઘણા લોકો હાજર હતા.
ઉલ્લેખનીય છે કે, કેનેડી સેન્ટરમાં PM મોદી US-India સ્ટ્રેટેજિક પાર્ટનરશિપ ફોરમ (USISPF) ઈવેન્ટને સંબોધિત કરે તે પહેલા વડાપ્રધાન નરેન્દ્ર મોદીએ બોઈંગના CEO ડેવિડ એલ. કેલ્હૌન મળ્યા હતા. અમેરિકી રાષ્ટ્રપતિ જો બાઈડેને વડાપ્રધાન નરેન્દ્ર મોદીને AI પર PM ના કોટ સાથેની ખાસ ટી-શર્ટ ભેટમાં આપી. PM મોદીએ યુએસ સંયુક્ત બેઠકમાં કહ્યું હતું કે, "છેલ્લા કેટલાક વર્ષોમાં, AI-Artificial Intelligence માં ઘણી પ્રગતિ થઈ છે. ઉપરાંત, AI-US અને ભારતમાં અન્ય નોંધપાત્ર વિકાસ થયા છે."
આ પણ વાંચો - અમેરિકન સંસદમાં PM મોદીએ કહ્યુ ભારત જલદી ત્રીજી સૌથી મોટી અર્થવ્યવસ્થા બનશે
ગુજરાત ફર્સ્ટ તમને સમાચારોથી હંમેશા અવગત રાખશે
ગુજરાતની નંબર 1 ગુજરાતી ન્યૂઝ ચેનલ એટલે ગુજરાત ફર્સ્ટ (Gujarat First) – જે ગુજરાતીઓને દરેક સમાચારમાં રાખે છે આગળ. ગુજરાત, રાષ્ટ્રીય, આંતરરાષ્ટ્રીય, ઇલેક્શન, બિઝનેસ, સ્પોર્ટ્સ, મનોરંજન સહિતના દરેક સમાચાર વાંચો ગુજરાત ફર્સ્ટ પર. હવે દરેક સમાચાર આંગળીના ટેરવે આપના મોબાઈલમા, ડાઉનલોડ કરો અમારી લેટેસ્ટ Android અને iOS એપ. લેટેસ્ટ ન્યૂઝથી અપડેટ રહેવા માટે સોશ્યિલ મીડિયામાં અમારી સાથે જોડાઓ