18 રાજ્યોમાં 91 FM ટ્રાન્સમિટર લોન્ચ, PM મોદીએ કહ્યું હવે હું પણ હોસ્ટ બની ગયો છું

વડાપ્રધાન નરેન્દ્ર મોદીએ શુક્રવારે 18 રાજ્યો અને 2 કેન્દ્રશાસિત પ્રદેશોના 84 જિલ્લાઓમાં 91 FM ટ્રાન્સમિટર્સનું ઉદ્ઘાટન કર્યું. વડા પ્રધાન મોદીએ કહ્યું, જ્યારે રેડિયો અને એફએમની વાત આવે છે, ત્યારે મારો સંબંધ તેની સાથે ઉત્સુક શ્રોતા અને હોસ્ટ જેવો છે.આજે ઓલ ઈન્ડિયા રેડિયો (AIR) એફએમ સેવાનું વિસ્તરણ એ ઓલ ઈન્ડિયા એફએમ બનવા તરફનું એક મોટું અને મહત્વપૂર્ણ પગલું છે. ઓલ ઈન્ડિયા એફએમના 91 એફએમ ટ્રાન્સમિટર્સનું આ લોન્ચિંગ દેશના 85 જિલ્લાના 2 કરોડ લોકોને ભેટ સમાન છે.

મન કી બાતથી રેડિયોની લોકપ્રિયતા વધી
આ પ્રસંગે બોલતા કેન્દ્રીય માહિતી અને પ્રસારણ મંત્રી અનુરાગ ઠાકુરે કહ્યું, ‘આ એક ઐતિહાસિક પગલું છે. તે મનોરંજન, રમતગમત અને ખેતી સંબંધિત માહિતી સ્થાનિક લોકો સુધી પહોંચાડવામાં ખૂબ મદદરૂપ થશે. મન કી બાતથી રેડિયોની લોકપ્રિયતા વધી. વડાપ્રધાન કાર્યાલય દ્વારા જાહેર કરાયેલા નિવેદન અનુસાર, 18 રાજ્યો અને 2 કેન્દ્રશાસિત પ્રદેશોના 84 જિલ્લાઓમાં 91 નવા 100 વોટ એફએમ ટ્રાન્સમીટર સ્થાપિત કરવામાં આવ્યા છે.’

રેડિયોની મહત્વની ભૂમિકા પર દ્રઢ વિશ્વાસ
બિહાર, ઝારખંડ, ઓડિશા, પશ્ચિમ બંગાળ, આસામ, મેઘાલય, નાગાલેન્ડ, હરિયાણા, રાજસ્થાન, ઉત્તર પ્રદેશ, ઉત્તરાખંડ, આંધ્ર પ્રદેશ, કેરળ, તેલંગાણા, છત્તીસગઢ, ગુજરાત, મધ્યપ્રદેશ, મહારાષ્ટ્ર, લદ્દાખ અને આંદામાન અને નિકોબાર ટાપુઓ,રાજ્યો અને કેન્દ્રશાસિત પ્રદેશો સામેલ છે.પીએમઓએ જણાવ્યું હતું. પીએમઓએ વધુમાં જણાવ્યું હતું કે, “ઓલ ઈન્ડિયા રેડિયોની એફએમ સેવાના આ વિસ્તરણ સાથે, વધારાના 2 કરોડ લોકોને આવરી લેવામાં આવશે, જેમની પાસે આ માધ્યમનો ઉપયોગ ન હતો. આના પરિણામે કવરેજનું લગભગ 35,000 ચોરસ કિમી વિસ્તારમાં થશે.જનતા સુધી પહોંચવામાં રેડિયોની મહત્વપૂર્ણ ભૂમિકામાં દૃઢપણે વિશ્વાસ છે.

સરકાર માત્ર રોડ, રેલ જ નહીં, સામાજિક જોડાણ પણ જરૂરી
કનેક્ટિવિટીનો ઉલ્લેખ કરતાં પીએમ મોદીએ કહ્યું કે, ભૌતિક જોડાણ ઉપરાંત, અમારી સરકારે સોશિયલ કનેક્ટિવિટી વધારવા પર એટલો જ ભાર મૂક્યો છે જેટલો રોડ, રેલ અને એરપોર્ટ પર છે. આજે દેશના દરેક ખૂણે ડિજિટલ સાહસિકો ઉભરી રહ્યા છે. હવે લોકોના જીવનમાં ટેક્નોલોજીની ભૂમિકા વધી છે.

આપણ  વાંચો- પહેલવાનોના સમર્થનમાં આવ્યા ઓલમ્પિક ગોલ્ડ મેડાલિસ્ટ નીરજ ચોપડા

ગુજરાત ફર્સ્ટ તમને સમાચારોથી હંમેશા અવગત રાખશે
ગુજરાતની નંબર 1 ગુજરાતી ન્યૂઝ ચેનલ એટલે ગુજરાત ફર્સ્ટ (Gujarat First) – જે ગુજરાતીઓને દરેક સમાચારમાં રાખે છે આગળ. ગુજરાત, રાષ્ટ્રીય, આંતરરાષ્ટ્રીય, ઇલેક્શન, બિઝનેસ, સ્પોર્ટ્સ, મનોરંજન સહિતના દરેક સમાચાર વાંચો ગુજરાત ફર્સ્ટ પર. હવે દરેક સમાચાર આંગળીના ટેરવે આપના મોબાઈલમા, ડાઉનલોડ કરો અમારી લેટેસ્ટ Android અને iOS એપ. લેટેસ્ટ ન્યૂઝથી અપડેટ રહેવા માટે સોશ્યિલ મીડિયામાં અમારી સાથે જોડાઓ