દિલ્હીમાં 35 વર્ષીય મહિલાની દર્દનાક હત્યા, લોહીથી લથપથ મૃતદેહ અગાસી પરથી મળ્યો
દિલ્હીના સિવિલ લાઈન્સ પોલીસ સ્ટેશન હેઠળના એક વિસ્તારમાં એક ઘરમાંથી 35 વર્ષીય મહિલાની લોહીથી લથપથ લાશ મળી આવી છે. મૃતક મહિલાની ઓળખ સાલીની રાની તરીકે થઈ છે. મહિલા દિલ્હીના સફદરજંગ વિસ્તારની રહેવાસી છે. પોલીસે હત્યાનો ગુનો નોંધી તપાસ શરૂ કરી છે.
#UPDATE | Delhi Police clarifies that the deceased is Rani and Sapna is alive
We received info regarding a dead body of a lady found in Aruna Nagar, Majnu Ka Tila, Civil Lines Delhi. After reaching the spot we found one Sapna (who is alive) and one dead body of a lady,… https://t.co/EZH4yIMxWg pic.twitter.com/4newsmalJ9
— ANI (@ANI) May 30, 2023
આરોપીની ઓળખ થઇ તેની ધરપકડ કરી પોલીસ વધુ તપાસ હાથ ધરશે
સપના નામની મહિલાએ સવારે 7 વાગે પોલીસને ફોન કરીને ઘટનાની જાણ કરી હતી. સપનાએ જણાવ્યું કે, ગઈકાલે રાત્રે તેના ઘરે એક પાર્ટી હતી જેમાં એક છોકરો અને બે વધુ મહિલાઓ હાજર હતી. ત્યારપછી થોડો ઝઘડો થયો અને પછી મહિલાને ચાકુ મારવામાં આવ્યું, જેના કારણે તેનું મોત થયું. આરોપીની ઓળખ થઈ ગઈ છે અને તેની ધરપકડ કરવામાં આવશે. આરોપી અને મૃતક મહિલા ઇવેન્ટ મેનેજમેન્ટ કંપની ચલાવતા હતા.
નોર્થ દિલ્હીના ડીસીપીએ આ સંપૂર્ણ ઘટના અંગે પુષ્ટિ કરી
નોર્થ દિલ્હીના ડીસીપીના જણાવ્યા અનુસાર, સવારે 7 વાગે માહિતી મળી હતી કે મજનુ કા ટીલામાં 35 વર્ષીય રાનીનો મૃતદેહ એક ઘરની છત પરથી મળી આવ્યો હતો. જ્યારે પોલીસ ઘટનાસ્થળે પહોંચી ત્યારે મૃતદેહ પાસે સપના નામની મહિલા ઉભી હતી. જેણે આ મૃતક મહિલાની ઓળખ કરી હતી. પૂછપરછ દરમિયાન સપનાએ પોતાનો ગુનો કબૂલ કર્યો, પોલીસના જણાવ્યા અનુસાર, સપના અને રાની મજનુ કા ટીલા વિસ્તારમાં ભાડાના મકાનમાં રહેતી હતી. રાની ગુરુગ્રામમાં બ્યુટી પાર્લરમાં કામ કરતી હતી જ્યારે સપના લગ્નમાં વેઈટર તરીકે કામ કરતી હતી. સપનાએ છૂટાછેડા લીધા છે અને તેને એક પુત્રી છે.
સપનાએ છરી વડે રાની પર અનેક છરીના ઘા ઝીક્યા
ગઈકાલે રાત્રે સપના, રાની અને મનીષ છેત્રી અને તેનઝીન નામની અન્ય એક યુવતી અને અન્ય 4 થી 5 લોકોએ દારૂ પીને પાર્ટી કરી હતી, દરમિયાન સપના અને રાની વચ્ચે કોઈ બાબતે ઝઘડો થયો હતો. સવારે લગભગ 4.30 વાગ્યે સપનાએ છરી વડે રાની પર અનેક છરીના હુમલાઓ કર્યા, જેના પછી રાનીનું ઘટનાસ્થળે જ મોત નીપજ્યું. પોલીસના જણાવ્યા અનુસાર, સપના નશાની હાલતમાં રાનીના પિતા સાથે દુર્વ્યવહાર કરતી હતી, જેના કારણે બંને વચ્ચે ઝઘડો થયો હતો.