કારને Futuristic બનાવવા કંપની ChatGPT થી થશે સજ્જ

હવે એ દિવસ ટૂંક સમયમાં આવી રહ્યો છે, જ્યારે તમને ડ્રાઇવિંગ કરતી વખતે કંટાળો નહીં આવે. કારણ કે વાહનોમાં ChatGPT આવવાનું છે. જીહા, હવે આ AI તમને ન તો બોર થવા દેશે અને ન તો કારમાં એકલતા અનુભવવા દેશે. મર્સિડીઝ-બેન્ઝે ગુરુવારે જાહેરાત કરી છે કે તે તેના વાહનોને ChatGPT થી સજ્જ કરી રહી છે. આ પહેલીવાર છે જ્યારે મર્સિડીઝ તેના વાહનોમાં ChatGPT લાવી રહી છે.

અમેરિકામાં લગભગ 900,000 મર્સિડીઝ વાહનોમાં બીટા પ્રોગ્રામ હેઠળ ChatGPT સુવિધા શરૂ કરવામાં આવી છે. સોફ્ટવેર અપડેટ કરીને તેઓ તેમના વાહનમાં ChatGPT શરૂ કરી શકે છે. ChatGPT નો ઉપયોગ કરવા માટે, મર્સિડીઝ યુઝર્સને “Hey Mercedes” આદેશ આપવો પડશે.
એટલે કે હવે જો તમને ડ્રાઇવિંગ કરતી વખતે કંટાળો આવતો હોય અથવા વધુ ગીતો સાંભળવાનું મન ન થતું હોય અથવા લાંબા ટ્રાફિકમાં થાકી ગયા હોય તો તમે તમારા ChatGPT સાથે વાત કરી શકો છો. તમે તેને જીવનનો અર્થ પૂછી શકો છો અથવા શેક્સપિયરનું પુસ્તક વાંચવાનું કહી શકો છો.

મર્સિડીઝે કહ્યું કે, ટૂંક સમયમાં જ યુઝર્સ વોઈસ આસિસ્ટન્ટને ડિનરની નવી રેસિપી અને તેમના ગંતવ્યની સાથે મુશ્કેલ પ્રશ્નોના જવાબો પૂછી શકશે. તેઓ રસ્તા પર નજર રાખીને વૉઇસ આસિસ્ટન્ટ પાસેથી વિવિધ માહિતી મેળવી શકે છે. આ પ્રોગ્રામ મર્સિડીઝ બેન્ઝ એપમાં પણ ઉપલબ્ધ છે. જણાવી દઈએ કે, જનરલ મોટર્સ ChatGPT સંચાલિત વોઈસ આસિસ્ટન્ટ પર પણ કામ કરી રહી છે અને ટૂંક સમયમાં આ પ્રકારની સુવિધા તેની કારમાં પણ જોવા મળશે.

આ પણ વાંચો - ELON MUSK જલ્દી જ લઇને આવી રહ્યા છે SMART TV માટે VIDEO APP

ગુજરાત ફર્સ્ટ તમને સમાચારોથી હંમેશા અવગત રાખશે
ગુજરાતની નંબર 1 ગુજરાતી ન્યૂઝ ચેનલ એટલે ગુજરાત ફર્સ્ટ (Gujarat First) – જે ગુજરાતીઓને દરેક સમાચારમાં રાખે છે આગળ. ગુજરાત, રાષ્ટ્રીય, આંતરરાષ્ટ્રીય, ઇલેક્શન, બિઝનેસ, સ્પોર્ટ્સ, મનોરંજન સહિતના દરેક સમાચાર વાંચો ગુજરાત ફર્સ્ટ પર. હવે દરેક સમાચાર આંગળીના ટેરવે આપના મોબાઈલમા, ડાઉનલોડ કરો અમારી લેટેસ્ટ Android અને iOS એપ. લેટેસ્ટ ન્યૂઝથી અપડેટ રહેવા માટે સોશ્યિલ મીડિયામાં અમારી સાથે જોડાઓ