Starlink Internet ની સ્પીડ કેટલી મળશે? ભારતમાં કેટલી હશે કિંમત? જાણો સમગ્ર માહિતી

• સ્ટારલિંક કંપની ટૂંક સમયમાં ભારતમાં ડેબ્યૂ કરશે
• સરકાર તરફથી કેટલીક મંજૂરીઓ મળી નથી
• એરટેલ અને જિયો સાથે હાથ મિલાવ્યા
• સ્ટારલિંક પ્લાન કેટલી સ્પીડ ઓફર કરે છે

Starlink Internet Cost: સ્ટારલિંક કંપની ટૂંક સમયમાં ભારતમાં( Starlink India) ડેબ્યૂ કરી શકે છે, કંપનીને હજુ સુધી સરકાર તરફથી કેટલીક મંજૂરીઓ મળી નથી પરંતુ સ્ટારલિંકે તેના ડેબ્યૂ પહેલા જ એરટેલ અને જિયો સાથે હાથ મિલાવ્યા છે. ચાલો તમને જણાવીએ કે સ્ટારલિંક પ્લાન કેટલી સ્પીડ ઓફર કરે છે અને આ પ્લાનની કિંમત કેટલી છે?

એરટેલ અને જિયો સાથે  હાથ મિલાવ્યા

Elon Musk ઘણા સમયથી ભારતમાં તેમની સેટેલાઇટ (Starlink)આધારિત ઇન્ટરનેટ સેવા સ્ટારલિંક શરૂ કરવા માંગતા હતા, તેમણે હવે ભારતમાં પ્રવેશવા માટે નવા રસ્તાઓ શોધવાનું શરૂ કર્યું છે. તાજેતરમાં સ્ટારલિંકે ટેલિકોમ કંપનીઓ એરટેલ અને રિલાયન્સ જિયો સાથે હાથ મિલાવ્યા છે, જ્યારથી સ્ટારલિંકે આ બંને કંપનીઓ સાથે ડીલ કરી છે, ત્યારથી દરેક વ્યક્તિ જાણવા માંગે છે કે ભારતમાં સ્ટારલિંકની સ્પીડ કેટલી હશે અને સ્ટારલિંક પ્લાન માટે કેટલા પૈસા ખર્ચવા પડશે?

આ પણ  વાંચો-Starlink Internet: શું 5Gથી સસ્તું હશે? કેવી રીતે કરે છે કામ

સ્ટારલિંક ઇન્ટરનેટ સ્પીડ

સ્ટારલિંક પાસે સ્ટાન્ડર્ડ, પ્રાયોરિટી,મોબાઇલ અને મોબાઇલ પ્રાયોરિટી સર્વિસ પ્લાન છે. સ્ટાન્ડર્ડ પ્લાન 25 થી 100Mbps ડાઉનલોડ સ્પીડ અને 5 થી 10Mbps અપલોડ સ્પીડ આપે છે. પ્રાયોરિટી પ્લાન 40 થી 220Mbps ડાઉનલોડ સ્પીડ અને 8 થી 25Mbps અપલોડ સ્પીડ ઓફર કરે છે.મોબાઇલ સર્વિસ પ્લાન 5 થી 50Mbps ડાઉનલોડ અને 2 થી 10Mbps અપલોડ સ્પીડનો લાભ આપે છે, જ્યારે મોબાઇલ પ્રાયોરિટી પ્લાન 40 થી 220Mbps ડાઉનલોડ અને 8 થી 25Mbps અપલોડ સ્પીડ આપે છે.

આ પણ  વાંચો-એલોન મસ્કની SpaceX સાથે Airtelની ધાંસુ ડીલ, ગ્રાહકોને થશે મોટો ફાયદો!

સ્ટારલિંક ઇન્ટરનેટ ખર્ચ

અમેરિકામાં સ્ટારલિંકના માસિક પ્લાનની કિંમત $120 (લગભગ રૂ. 10,441) થી શરૂ થાય છે. આ ઉપકરણની કિંમત $599 (આશરે રૂ. 52120) છે. ભારતમાં સ્ટારલિંક પ્લાનની કિંમત વિશે કંઈ કહેવું હજુ વહેલું ગણાશે, કિંમતો વિશે ચોક્કસ માહિતી સ્ટારલિંક ભારતમાં ડેબ્યૂ કર્યા પછી જ જાણી શકાશે.બીજી તરફ રિલાયન્સ જિયો ફાઇબર પ્લાનની કિંમત 399 રૂપિયાથી 8499 રૂપિયા સુધીની છે અને જિયો એરફાઇબર પ્લાન માટે 599 રૂપિયાથી 3999 રૂપિયા સુધી ચૂકવવા પડશે. જિયો ફાઇબર અને એર ફાઇબર પ્લાન 30Mbps થી 1Gbps સુધીની સ્પીડ સાથે ઉપલબ્ધ છે.