સુરત પાલિકા દ્વારા કચરાના ઢગલા દૂર કરવા નિર્ણય

સુરત મહાનગપાલિકા (Surat Municipal Corporation) દ્વારા શહેરમાં થતી તમામ કામગીરીઓને ઝડપી બનાવવા આયોજન કરાયું છે. મનપાની 50% ઝડપી બનાવવા મશીનરી સાથે મેન પાવરનો પણ ઉપયોગ કરવા પાલિકા કમિશનરે સૂચના આપી છે.સાથે જ ખજોદમાંથી રોજના 6 હજાર ટન લેખે 1 વર્ષમાં 15 લાખ ટન કચરો (Garbage) કાઢી તે જગ્યાને ઉપયોગમાં લેવા નિર્ણય કરાયો છે.

સુરતના ખજોદ ડિસ્પોઝલ પ્લાન્ટ ખાતેની બાયો માઇનિંગ સાઇટ પર ખડકાયેલા કચરાના ડૂંગરોને આગામી એક વર્ષમાં દૂર કરી દેવાના હેતુ થી મનપા કમિશનર શાલિની અગ્રવાલે કામગીરી તેજ કરી છે.  બાયો માઇનિંગ સાઇટ પરના કચરાના ઢગલા દૂર કરવા માટે તમામ મશીનરીઓ, ટ્રોલી, જેસીબી, મેન પાવર કામે લગાડી દીધાં છે. અગાઉ દૈનિક 4200 મેટ્રિક ટન કચરો સાઇટ પરથી દૂર કરવામાં આવતો હતો તેમાં વધારો કરી હવે રોજનો 6 હજાર મેટ્રિક ટન કચરો દૂર કરવામાં આવશે.

આ અંગે મનપા કમિશનર શાલીની અગ્રવાલે જણાવ્યું હતું કે પાલિકા દ્વારા એક્શન પ્લાન બનવામાં આવ્યો છે. સુરત શહેરમાં સ્વચ્છતા સાથે પાણી,રોડ ,જંગલ કટિંગ ના તમામ વિભોગની ટીમ બનાવી કામગીરી શરૂ કરવામાં આવી છે. બે પ્રકારના વેસ્ટ માટે જૂના વેસ્ટ નિકાલની પ્રકિયા હાથ ધરાશે. સાથે જ હાલમાં જમાં થયેલા નવા કચરાનો પણ નિકાલ કરાશે. આ તમામ જગ્યાને સાફ સફાઈ કરી ને ઉપયોગમાં લેવાશે, જ્યાં વિવિધ પ્રકારના ગાર્ડન,સ્પોર્ટ્સના સાધન મુકાશે. આવનારા દિવસોમાં સુરત વેજ્ઞાનિક રૂપે કામગીરી કરશે.

બે મહિનામાં જ 1800 મેટ્રિક ટન કચરો વધુ દૂર કરવામાં પાલિકાને સફળતા મળી છે. આગામી દિવસોમાં તેમાં પણ વધારો કરી ને 7 મેટ્રિક ટન થી વધુ લઈ જવા કામગીરી કરાશે. સાથે જ ખાલી પડેલી જગ્યાની સાફ સફાઈ કરી એ જગ્યા સ્પોર્ટ્સ અથવા અન્ય કોઈ કામમાં ઉપયોગમાં લેવાશે.

આ પણ વાંચો--ગાંધીનગરમાં કોરોનાની એન્ટ્રી,કોર્પોરેશનમાં 3 કર્મચારી કોરોના પોઝિટીવ, ચેતજો