સુરત શહેરમાં યોજાઈ સાયકલોથોન

સુરત (Surat) મહાનગરપાલિકા,સુરત શહેર પોલીસ અને સુરત સ્માર્ટ સિટી ડેવલોપમેન્ટ લિમિટેડ દ્વારા આજે શહેરમાં સાયક્લોથોન (Cyclothon)નું આયોજન કરવામાં આવ્યું હતું. સુરત શહેરમાં નોન મોટરાઈઝડ વ્હિકલોને પ્રોત્સાહન  આપવાના ભાગરૂપે આજે રવિવારે વહેલી સવારે સાયકલોથોનનું આયોજન કરાયું હતું. સાઇકલોથોનને ફ્લેગઓફ કરવા માટે ભાજપના પ્રદેશ અધ્યક્ષ સી આર પાટીલ અને ગૃહ રાજ્યમંત્રી હર્ષ સંઘવી ખાસ ઉપસ્થિત રહ્યા હતા.

આ સાયક્લોથોનમાં સુરતીઓનો ઉત્સાહ જબરજસ્ત જોવા મળ્યો હતો. સાયક્લોથોનમાં ફ્રી રજીસ્ટ્રેશન કરાવવાનું હતું જેમાં 7,000 થી વધુ સાયકલ સ્ટોર દ્વારા રજીસ્ટ્રેશન કરાવવામાં આવ્યું હતું. જોકે વહેલી સવારે જ 10,000 થી વધુ સુરતીઓ પોલીસ પરેડ ગ્રાઉન્ડ ખાતે સાયકલોથોનમાં ભાગ લેવા માટે પહોંચ્યા હતા. સુરતીઓના સહારે સુરત મહાનગરપાલિકા દ્વારા આ સાયક્લોથન ગુજરાતની સૌથી મોટી સાઇકલોથોન હોવાનો દાવો પણ કરવામાં આવ્યો હતો.

સુરત શહેર પ્રદૂષણ મુક્ત બને અને શહેરમાં ટ્રાફિકનું ભારણ હળવું થાય તે માટે સુરત મહાનગરપાલિકા દ્વારા એ વાહનો અને સાયકલિંગ ઉપર ખાસ ભાર મૂકવામાં આવી રહ્યો છે શહેરીજનો સરળતાથી સાયકલ ચલાવી શકે તે માટે મહાનગરપાલિકા દ્વારા સાયકલ ટ્રેક પણ બનાવવામાં આવ્યા છે. વધુમાં વધુ લોકો સાયકલ ટ્રેકનો ઉપયોગ કરે અને લોકોમાં જાગૃતિ આવે તે હેતુથી સાયકલોથોનનું આયોજન કરવામાં આવ્યું હતું.

આ સાયકલોથોનને સુરત મહાનગરપાલિકા દ્વારા બે ભાગમાં વહેંચવામાં આવી હતી.  પ્રથમ ભાગમાં પાંચ કિલોમીટરની ફન સાઇક્લોથન જ્યારે બીજા ભાગમાં 21 km ની સાયક્લોથોન રાખવામાં આવી હતી. પાંચ કિલોમીટરની રેસ માટે નો રૂટ પોલીસ પરેડ ગ્રાઉન્ડથી શરૂ થઈ કારગીલ ચોક કારગિલ ચોક થી સુરત કલેકટર ઓફિસ અને ત્યાંથી પરત પોલીસ પરેડ ગ્રાઉન્ડ સુધી રાખવામાં આવ્યો હતો જ્યારે 21 કિલોમીટરની રેસ માટેનો રૂટ પોલીસ પરેડ ગ્રાઉન્ડથી સુરત એરપોર્ટ એરપોર્ટ થી સુરત કલેકટર કચેરી અને ત્યાંથી પરત પોલીસ પરેડ ગ્રાઉન્ડ સુધીનો રાખવામાં આવ્યો હતો.

આ પણ વાંચો--તાપી જીલ્લાના શિક્ષિત યુવાને ઉપાડી ગરીબ બાળકોના ભણતરની ભૂખ સંતોષવાની જવાબદારી