ઉમેદવારી નોંધાયા બાદ હવે શરૂ થશે રાજકીય જંગ, સુરતની 16 બેઠક પર 257 ઉમેદવારોએ નોંધાવી દાવેદારી

ગુજરાત વિધાનસભાની ચૂંટણીમાં પ્રથમ તબક્કાના મતદાન માટે સોમવારે ઉમેરવારી પત્રક ભરવાનો અંતિમ દિવસ હતો, ભાજપ, કોંગ્રેસ અને આમ આદમી પાર્ટીના દાવેદારોએ તેમના સમર્થકો સાથે આવી ચૂંટણી અધિકારી સમક્ષ ફોર્મ ભર્યા હતા. આ પૈકી ભાજપના પ્રત્યેક ઉમેદવારે ચાર ફોર્મ ભર્યા હતા. પક્ષનો મેન્ડેટ મેળવનારા ઉમેદવાર સાથે ભાજપમાં બેઠક દીઠ એક ડમી ઉમેદવારે પણ ફોર્મ ભર્યુ હતું. ડમી ઉમેદવાર તરીકે ભાજપે વર્તમાન અને પૂર્વ કોર્પોરેટરો ઉપર પસંદગી ઉતારી હતી. સુરત શહેરની 12 વિધાનસભા ઉપર ચૂંટણીનો જંગ લડવા દાવેદારોએ ઉમેદવારી ફોર્મ ભરી દીધા છે.

અધિકારીની ઓફિસે રાજકીય માહોલ બરાબર ગરમાયો હતો. ઉમેદવારોએ તેમના સમર્થકો સાથે આવી ચૂંટણી અધિકારી સમક્ષ ફોર્મ ભર્યું હતું. પક્ષના મેન્ડેટ સાથે સત્તાવાર ઉમેદવારી કરનારા ભાજપના ઉમેદવારો સાથે પાર્ટીમાંથી મળેલી સૂચના મુજબ વધુ એક સભ્યે વધુ ફોર્મ ભર્યું હતું. ડમી ઉમેદવાર તરીકે આ ફોર્મ ભરવામાં આવ્યું હતું. આ વખતે ભાજપે ડમી ઉમેદવાર તરીકે મહદઅંશે વર્તમાન અને પૂર્વ કોર્પોરેટરના નામ ઉપર જ પસંદગી ઉતારી હતી. સુરત શહેરની સુરત ઉત્તર, કરંજ, કતારગામ અને કામરેજ એમ ચાર બેઠકો ઉપર વર્તમાન કોર્પોરેટરોએ ફોર્મ ભર્યું હતું. તો, સુરત પૂર્વ, વરાછા સહિતની બેઠકો ઉપર પૂર્વ નગરસેવક અને પક્ષના આગેવાનો દ્વારા ડમી ઉમેદવાર તરીકે દાવેદારી કરવામાં આવી હતી.

આ પણ વાંચો - ભારે વિરોધ વચ્ચે ગાંધીનગર દક્ષિણ બેઠક પર અલ્પેશ ઠાકોરના નામની જાહેરાત