ગ્રીષ્મા હત્યા કેસમાં આરોપી ફેનિલને ફાળવાયો 2231 નંબર, ગૃહ મંત્રી ગ્રીષ્માના ઘેર પહોંચ્યા

આ તબક્કે ગૃહ રાજ્ય મંત્રી હર્ષ સંઘવીએ કહ્યું કે મે વચન આપ્યું હતું અને વાયદા મુજબ રેન્જ આઇજીની અધ્યક્ષતામાં એસઆઇટચીની રચના કરી હતી. કોઇ પણ ચૂક ના રહી જાય તે મુજબની તપાસ કરવામાં આવી હતી અને મજબૂત તપાસ કરવામાં આવી હતી. ગુજરાતમાં નવો ઇતિહાસ રચાયો છે અને 70 દિવસમાં હત્યારાને ફાંસીની સજા આપી છે. તેમણે કહ્યું કે આ પ્રકારના કેસો ગુજરાતમાં ના બને તે માટે પોલીસ તૈયાર છે અને મે પરિવારને ન્યાય આપવાનો વાયદો આપ્યો હતો તે પૂર્ણ થયો છે અને તેમને સાંત્વના આપવા આવ્યો છું. વંદન કરવા આવ્યો છું. 

તેમણે ચીમકી આપી હતી કે કોઇ ટપોરી ગુજરાતની દિકરી સામે આંખ ઉંચી કરીને જોશે તો તેને ગુજરાત પોલીસ છોડશે નહી. તેમણેકહ્યું કે ગુજરાતમાં આવી એક પણ ગ્રીષ્મા ગુમાવવી ના પડે તે માટે પોલીસ તૈયાર છે.