Sourav Ganguly Birthday : ગાંગુલીએ ભારત માટે 113 ટેસ્ટ અને 311 વનડે રમી

Sourav Ganguly Birthday: સૌરવ ગાંગુલી (Sourav Ganguly)ટીમ ઈન્ડિયાના પૂર્વ કેપ્ટન છે. આજે ગાંગુલીનો જન્મદિવસ(Sourav Ganguly Birthday) છે. સૌરવ ગાંગુલી કેપ્ટનશિપની સાથે ફાસ્ટ બેટિંગમાં પણ નિષ્ણાત હતો. સૌરવ ગાંગુલીનો જન્મ 8 જુલાઈ 1972ના રોજ કોલકાતામાં થયો હતો. ગાંગુલીને 'પ્રિન્સ ઓફ કોલકાતા' અને 'દાદા' તરીકે પણ ઓળખવામાં આવે છે. સૌરવ ગાંગુલી આજે પોતાનો 52મો જન્મદિવસ ઉજવી રહ્યો છે.

ગાંગુલીએ કેપ્ટનશિપમાં ઘણી મેચો જીતી

ભારતીય ટીમના સ્ટાર દિગ્ગજ ખેલાડી સૌરવ ગાંગુલી આજે પોતાનો 52મો જન્મદિવસ ઉજવી રહ્યો છે. આપણે તેમને ‘દાદા’ તરીકે ઓળખીએ છીએ. પણ તેની સાથે જ સૌરવ ગાંગુલીને 'પ્રિન્સ ઓફ કોલકાતા', 'લોર્ડ ઓફ ધ ઓફ સાઇડ', 'બેંગાલ ટાઇગર' જેવા નામોથી પણ ઓળખવામાં આવે છે. તેણે પોતાના ક્રિકેટ ઈતિહાસમાં ઘણા ઝંડા જીત્યા છે. તેણે તેની પ્રથમ બે ટેસ્ટ મેચમાં બે વિકેટ પણ લીધી છે. તેણે પોતાની કેપ્ટનશિપમાં ઘણી મેચો જીતી છે. દેશ ઉપરાંત વિદેશમાં પણ તેણે આ સિદ્ધિ મેળવી છે. વીરેન્દ્ર સેહવાગ, હરભજન સિંહ, યુવરાજ સિંહ જેવા સ્ટાર ક્રિકેટરોની કારકિર્દી ઘડવામાં 'દાદા'એ મહત્વની ભૂમિકા ભજવી હતી. એમ એસ ધોનીએ પણ ગાંગુલીની કપ્તાની હેઠળ ભારત માટે ડેબ્યુ કર્યું હતું.

ભારતે ઓસ્ટ્રેલિયન ટીમની જીતનો દોર રોકી દીધો

સૌરવ ગાંગુલી મેદાન પર મોડા આવવા માટે જાણીતો હતો. કોલકાતાના ઈડન ગાર્ડન્સમાં આયોજિત ઐતિહાસિક ટેસ્ટ મેચના પ્રથમ દિવસે ઓસ્ટ્રેલિયન કેપ્ટન સ્ટીવ વો ટોસ માટે સમયસર પહોંચ્યા, પરંતુ ગાંગુલી રાહ જોતો રહ્યો. દાદા થોડા મોડા પહોંચ્યા કારણ કે તેમનું બ્લેઝર ખોવાઈ ગયું હતું, જેને શોધવા માટે ઘણી મહેનત કરવી પડી હતી. જ્યારે ગાંગુલી ટોસ માટે મોડા પહોંચ્યો ત્યારે સ્ટીવ વો ખૂબ ગુસ્સે થયો હતો. ફોલોઓન રમવા છતાં ભારતીય ટીમે તે ટેસ્ટ મેચ જીતી લીધી હતી. યાદગાર જીત સાથે ભારતે ઓસ્ટ્રેલિયન ટીમની જીતનો દોર રોકી દીધો હતો. તે મેચ પહેલા ઓસ્ટ્રેલિયાએ સતત 16 ટેસ્ટ મેચ જીતી હતી.

ગાંગુલીએ ભારત માટે 113 ટેસ્ટ અને 311 વનડે રમી

ગાંગુલી ડાબા હાથથી બેટિંગ અને જમણા હાથથી બોલિંગ કરતો હતો. સૌરવ ગાંગુલીએ ભારત માટે 113 ટેસ્ટ અને 311 વનડે રમી છે. ગાંગુલીએ ટેસ્ટ મેચોમાં 42.17ની એવરેજથી 7212 રન બનાવ્યા, જેમાં 16 સદી અને 35 અડધી સદી સામેલ છે. જ્યારે ODIમાં ગાંગુલીના નામે 41.02ની એવરેજથી 11363 રન છે. ગાંગુલીએ વનડેમાં 22 સદી અને 72 અડધી સદી ફટકારી છે. બોલિંગની વાત કરીએ તો ગાંગુલીએ આંતરરાષ્ટ્રીય ક્રિકેટમાં 132 વિકેટ ઝડપી છે. જો જોવામાં આવે તો સૌરવ ગાંગુલીએ 49 ટેસ્ટ અને 147 ODI મેચમાં ભારતની કેપ્ટનશિપ કરી હતી. ગાંગુલીની કેપ્ટનશિપમાં જ ટીમ ઈન્ડિયા 2003માં વર્લ્ડ કપની ફાઇનલમાં પહોંચી હતી. તે જ સમયે, ભારતીય ટીમ 2002 ચેમ્પિયન્સ ટ્રોફીમાં સંયુક્ત વિજેતા રહી હતી. ગાંગુલી 2019-22 દરમિયાન BCCIના પ્રમુખ પણ હતા.

ગાંગુલીએ 2008માં ક્રિકેટમાંથી નિવૃત્તિ લીધી

311 ODI મેચોમાં, તેણે 41.02 ની સરેરાશથી 11363 રન બનાવ્યા, જેમાં 22 સદી અને 72 અડધી સદી સામેલ છે. ગાંગુલીની કપ્તાની હેઠળ ભારતીય ક્રિકેટ ટીમ ચેમ્પિયન્સ ટ્રોફી 2001 અને 2003 વર્લ્ડ કપની ફાઇનલમાં પહોંચી હતી. આ સિવાય ભારતે 2002માં ઈંગ્લેન્ડ સામે નેટ વેસ્ટ સિરીઝ જીતી હતી, ત્યારબાદ તેણે પોતાનો શર્ટ ઉતારીને લોર્ડ્સની બાલ્કનીમાં લહેરાવ્યો હતો. ગાંગુલીએ 2008માં ઓસ્ટ્રેલિયા સામેની હોમ ટેસ્ટ સિરીઝ દરમિયાન ક્રિકેટમાંથી નિવૃત્તિ લીધી હતી.

આ પણ  વાંચો  - ભારતની ZIMBABWE સામે 100 રનથી વિશાળ જીત, SERIES હવે 1-1 થી બરાબર

આ પણ  વાંચો  - 24 કલાકમાં જ ઝીરોથી હીરો બન્યો ABHISHEK SHARMA, શાનદાર શતક બનાવી બનાવ્યો આ રેકોર્ડ

આ પણ  વાંચો  - Jay Shah: T20 વર્લ્ડકપ બાદ ફરી જય શાહએ કરી મોટી ભવિષ્ય વાણી