IPL 2023 : કોહલીનું 'વિરાટ' સ્વપ્ન ફરી તૂટ્યું, GT એ 6 વિકેટથી જીત મેળવી

સ્ટાર બેટ્સમેન વિરાટ કોહલીનું IPL ટાઈટલ જીતવાનું સપનું ફરી એકવાર ચકનાચૂર થઈ ગયું છે. 21 મે (રવિવાર)ના રોજ એમ ચિન્નાસ્વામી સ્ટેડિયમમાં રમાયેલી મેચમાં રોયલ ચેલેન્જર્સ બેંગ્લોરને ડિફેન્ડિંગ ચેમ્પિયન ગુજરાત ટાઇટન્સ દ્વારા છ વિકેટે હરાવ્યું હતું. જો આ મેચ RCB જીતી ગઈ હોત તો પ્લેઓફમાં પ્રવેશી શકી હોત, પરંતુ હાર્દિક પંડ્યાની ટીમે કરોડો ચાહકોની અપેક્ષાઓ તોડી નાખી. RCB ની હારને કારણે મુંબઈ ઈન્ડિયન્સને બમ્પર ફાયદો થયો અને તેણે ટોપ-ફોરમાં જગ્યા બનાવી.

કોહલીની સદી પણ આરસીબીને પ્લેઓફની ટિકિટ ન મળી શકી

16 વર્ષથી IPL ટ્રોફીની રાહ જોઈ રહેલી રોયલ ચેલેન્જર્સ બેંગ્લોર (RCB) ફરી એકવાર ખાલી હાથ રહી. શુભમન ગીલની ઇનિંગ્સે વિરાટ કોહલીની સતત બીજી સદીને ઢાંકી દીધી, જેના કારણે ગુજરાત ટાઇટન્સે રોયલ ચેલેન્જર્સ બેંગ્લોર (RCB) ને 6 વિકેટથી હરાવ્યું અને IPL પ્લેઓફમાં પહોંચવાની તેમની આશાઓ પર પાણી ફરી વળ્યું. RCBની આ હાર સાથે મુંબઈ ઈન્ડિયન્સ પ્લેઓફમાં જગ્યા બનાવનારી ચોથી ટીમ બની ગઈ છે. આ પહેલા તેણે સનરાઈઝર્સ હૈદરાબાદને આઠ વિકેટે હરાવીને પોઈન્ટની સંખ્યા 16 પર લઈ લીધી હતી. આરસીબીએ 14 પોઈન્ટ સાથે છઠ્ઠા સ્થાને રહીને તેમના અભિયાનનો અંત કર્યો.

સોશિયલ મીડિયા પર મજાક ઉડાવી હતી

ગુજરાત ટાઇટન્સ માટે લીગ સ્ટેજમાં ટોચ પર રહેવાનું પહેલાથી જ નક્કી હતું. તેણે 20 પોઈન્ટ સાથે તેના લીગ તબક્કાના અભિયાનનો અંત કર્યો. તેઓ મંગળવારે પ્રથમ ક્વોલિફાયરમાં ચેન્નાઈ સુપર કિંગ્સ સામે ટકરાશે જ્યારે મુંબઈ ઈન્ડિયન્સ બુધવારે એલિમિનેટરમાં લખનૌ સુપરજાયન્ટ્સ સામે ટકરાશે. RCB ની ઇનિંગ્સ કોહલીની આસપાસ ફરતી હતી. છેલ્લી મેચમાં સનરાઈઝર્સ હૈદરાબાદ સામે સદી ફટકારનાર આ સ્ટાર બેટ્સમેને 61 બોલમાં 13 ચોગ્ગા અને એક છગ્ગાની મદદથી અણનમ 101 રન બનાવ્યા હતા. આ સાથે આરસીબીએ પાંચ વિકેટે 197 રન બનાવ્યા હતા.

બીજી વિકેટ માટે 123 રનની ભાગીદારી

ગિલે પોતાનું શાનદાર ફોર્મ ચાલુ રાખીને 52 બોલમાં અણનમ 104 રન બનાવ્યા જેમાં પાંચ ચોગ્ગા અને આઠ છગ્ગાનો સમાવેશ થાય છે. તેણે વિજય શંકર (35 બોલમાં 53 રન, સાત ચોગ્ગા, બે છગ્ગા) સાથે બીજી વિકેટ માટે 123 રનની ભાગીદારી કરી હતી. આ સાથે ગુજરાતે 19.1 ઓવરમાં ચાર વિકેટે 198 રન બનાવીને જીત મેળવી હતી. તેની સદી સાથે કોહલીએ ક્રિસ ગેલને પાછળ છોડીને IPL માં સૌથી વધુ સદી ફટકારવાનો રેકોર્ડ પણ બનાવ્યો હતો.

આ પણ વાંચો : વિરાટ કોહલીએ રચ્યો ઇતિહાસ, IPLમાં સૌથી વધુ સદી ફટકારનાર ખેલાડી બન્યો