IND vs SA TEST : નવા વર્ષમાં રોહિત શર્મા લેશે કડક નિર્ણય, ટીમમાંથી આ ખેલાડીને કરશે બહાર !
IND vs SA TEST : ભારત અને દક્ષિણ આફ્રિકા વચ્ચે ( IND vs SA TEST ) શ્રેણીની બીજી મેચ 3 જાન્યુઆરીથી ન્યૂલેન્ડ્સમાં રમાશે. ટીમ ઈન્ડિયા જ્યારે અહીં પહોંચી ત્યારે સપનું હતું કે અહીં સિરીઝ જીતશે, પરંતુ આ સપનું પણ અધૂરું રહી ગયું. કારણ કે ટીમ ઈન્ડિયાને પ્રથમ ટેસ્ટમાં જ કારમી હારનો સામનો કરવો પડ્યો હતો. હવે ( IND vs SA TEST ) સિરીઝની બીજી ટેસ્ટ અને આ વર્ષની પહેલી ટેસ્ટનો વારો છે.
ટીમ ઈન્ડિયામાં થશે આટલા ફેરફાર
ટીમ ઈન્ડિયા બીજી મેચ ન્યૂલેન્ડ્સ, કેપટાઉનમાં રમશે. જો કેપ્ટન રોહિત શર્મા સિરીઝ ડ્રો કરવા માંગે છે તો તેણે આકરા નિર્ણયો લેવા પડશે. અને એવી આશા રાખવામાં આવે છે કે ભારતીય ટીમ આ મેચમાં બે મોટા ફેરફાર કરી શકે છે.
ટીમ ઈન્ડિયમાં થઈ શકે છે આ બદલાવ
પહેલો ફેરફાર એ છે કે પ્રસિદ્ધ કૃષ્ણને બહારનો રસ્તો બતાવવામાં આવી શકે છે અને તેમની જગ્યાએ મુકેશ કુમારને તક મળી શકે છે. રોહિત શર્માએ મુકેશ કુમાર સાથે બીજી મેચ પહેલા પ્રેક્ટિસમાં નેટ્સમાં લાંબો સમય વિતાવ્યો છે, તેથી એવી અપેક્ષા રાખવામાં આવે છે કે તેને તક મળી શકે છે. આ સિવાય ટીમમાં બીજો ફેરફાર જોવા મળી શકે છે જે રવિન્દ્ર જાડેજાની વાપસી હશે. કારણ કે જાડેજાને પ્રથમ મેચ પહેલા થોડી સમસ્યા હતી, તેથી તે રમી શક્યો ન હતો. પરંતુ હવે જાડેજા ફિટ છે, તેથી જો તે પ્લેઇંગ-11માં આવે છે તો રવિચંદ્રન અશ્વિનને બહાર બેસવું પડી શકે છે.
આ મેદાન પર ટીમ ઈન્ડિયાનું પરફોર્મન્સ
મતલબ કે ટીમ ઈન્ડિયા આ બે મોટા ફેરફાર કરતી જોવા મળી રહી છે. ટીમ ઈન્ડિયા આ મેદાન પર અત્યાર સુધીમાં કુલ 6 મેચ રમી છે જેમાંથી 2 મેચ ડ્રો રહી છે જ્યારે 4 મેચમાં ભારતીય ટીમનો પરાજય થયો છે. તમને જણાવી દઈએ કે ભારતીય ટીમ ( IND vs SA TEST ) પ્રથમ મેચમાં એક ઈનિંગ અને 32 રને હારી ગઈ હતી.
ભારતનું પ્લેઈંગ-11 આવું હોઈ શકે છે.
રોહિત શર્મા, યશસ્વી જયસ્વાલ, શુભમન ગિલ, વિરાટ કોહલી, શ્રેયસ ઐયર, કેએલ રાહુલ, રવિન્દ્ર જાડેજા, જસપ્રિત બુમરાહ, મોહમ્મદ સિરાજ, મુકેશ કુમાર, શાર્દુલ ઠાકુર.
આ પણ વાંચો - Virat Kohli નો વર્લ્ડ કપ હાર બાદ પહેલીવાર જોવા મળ્યો આ Unseen Video
ગુજરાત ફર્સ્ટ તમને સમાચારોથી હંમેશા અવગત રાખશે
ગુજરાતની નંબર 1 ગુજરાતી ન્યૂઝ ચેનલ એટલે ગુજરાત ફર્સ્ટ (Gujarat First) – જે ગુજરાતીઓને દરેક સમાચારમાં રાખે છે આગળ. ગુજરાત, રાષ્ટ્રીય, આંતરરાષ્ટ્રીય, ઇલેક્શન, બિઝનેસ, સ્પોર્ટ્સ, મનોરંજન સહિતના દરેક સમાચાર વાંચો ગુજરાત ફર્સ્ટ પર. હવે દરેક સમાચાર આંગળીના ટેરવે આપના મોબાઈલમા, ડાઉનલોડ કરો અમારી લેટેસ્ટ Android અને iOS એપ. લેટેસ્ટ ન્યૂઝથી અપડેટ રહેવા માટે સોશ્યિલ મીડિયામાં અમારી સાથે જોડાઓ