કર્ણાટકનું કોંકડું હજું પણ ગુંચવાયેલું, આજે નવા CMની જાહેરાતની શક્યતા

આજે કર્ણાટકના સીએમના નામ પર સર્જાયેલ સસ્પેન્સનો અંત આવી શકે છે. એવી આશા છે કે આજે કર્ણાટકના સીએમના નામની જાહેરાત થઈ શકે છે. મંગળવારે સીએમ પદના બંને દાવેદારો સિદ્ધારમૈયા અને ડીકે શિવકુમાર મલ્લિકાર્જુન ખડગેને મળ્યા હતા. બેઠકોનો લાંબો રાઉન્ડ ચાલ્યો હતો પરંતુ કોઈ પરિણામ ન આવ્યું. હવે એવું માનવામાં આવે છે કે ખડગે આજે ફરી સિદ્ધારમૈયા અને ડીકે શિવકુમારને મળી શકે છે. આ બેઠક બાદ નામ નક્કી કરવામાં આવશે.

એવું કહેવામાં આવી રહ્યું છે કે ખડગે આ સિદ્ધારમૈયા અને શિવકુમારને અલગ-અલગ મળ્યા બાદ પોતાનો રિપોર્ટ સોનિયા ગાંધીને આપશે. ખડગે રાહુલ ગાંધી સાથે પણ વાત કરી શકે છે. એવા પણ સમાચાર છે કે સોનિયા અને રાહુલ સાથે વાત કર્યા બાદ ખડગે પોતે બેંગ્લોર જવા રવાના થશે. આ તમામ ગતિવિધિઓને જોતા આજે મુખ્યમંત્રીના નામની જાહેરાત કરવામાં આવશે તે વાતને સમર્થન મળે છે. કોંગ્રેસ સામે સૌથી મોટી સમસ્યા એ છે કે શિવકુમાર હટવા તૈયાર નથી.

 ડીકે શિવકુમાર રેસમાંથી હટવા માટે તૈયાર નથી, સિદ્ધારમૈયા પણ કોઈપણ કિંમતે તેમનો દાવો છોડવા માંગતા નથી. જેનું પરિણામ એ આવ્યું છે કે આજે પરિણામ આવ્યે 5 દિવસ થઇ ગયા છે પણ  કોંગ્રેસ હાઈકમાન્ડ મંથન કરીને થાકી ગયું છે પરંતુ નામની જાહેરાત થઈ રહી નથી. હવે આજે દિલ્હીમાં જ કર્ણાટકના નવા સીએમના નામની જાહેરાત કરવામાં આવે તેવી શક્યતા છે.

ડીકે શિવકુમારે મંગળવારે મલ્લિકાર્જુન ખડગે સાથેની બેઠક દરમિયાન પોતાનો પક્ષ રજૂ કર્યો હતો. શિવકુમારે ખડગેને કહ્યું કે તેઓ સંપૂર્ણ 5 વર્ષનો કાર્યકાળ ઈચ્છે છે. સિદ્ધારમૈયાના કારણે પાર્ટી 2019ની ચૂંટણી હારી ગઈ હતી, તેથી આ વખતે પાર્ટીએ યોગ્ય નિર્ણય લેવો પડશે. સિદ્ધારમૈયા પહેલા પણ સીએમ રહી ચૂક્યા છે. આ વખતે લિંગાયત-વોક્કલિગા વોટ વધુ છે. યુવાનોએ પણ કોંગ્રેસને મત આપ્યો છે. એટલા માટે કોંગ્રેસને નવું નેતૃત્વ આપવું જોઈએ. સિદ્ધારમૈયા સીએમ બનશે તો લિંગાયતો નારાજ થશે.

મોટાભાગના ધારાસભ્યોનું સમર્થન મારી સાથે છે. પાર્ટીએ કહ્યું હતું કે સીએમ તે જ બનશે જે ધારાસભ્યના સમર્થનમાં હશે.સીએમ તરીકે મેં સ્થિર સરકાર આપી, પાર્ટીએ કરેલા તમામ વચનો પૂરા કર્યા છે અને 13 વખત બજેટ રજૂ કરવાનો અનુભવ છે. પાર્ટીએ જે 5 ગેરંટી પૂરી કરવાની છે તે મારા દ્વારા જ શક્ય છે. જો હું સીએમ બનીશ તો 2024ની ચૂંટણીમાં રાજ્યનું સામાજિક સમીકરણ કોંગ્રેસની તરફેણમાં રહેશે.

આ પણ વાંચો---રામ મંદિરના નિર્માણનો વધુ એક વીડિયો વાયરલ, જાણો કેટલું પૂર્ણ થયું કામ

ગુજરાત ફર્સ્ટ તમને સમાચારોથી હંમેશા અવગત રાખશે
ગુજરાતની નંબર 1 ગુજરાતી ન્યૂઝ ચેનલ એટલે ગુજરાત ફર્સ્ટ (Gujarat First) – જે ગુજરાતીઓને દરેક સમાચારમાં રાખે છે આગળ. ગુજરાત, રાષ્ટ્રીય, આંતરરાષ્ટ્રીય, ઇલેક્શન, બિઝનેસ, સ્પોર્ટ્સ, મનોરંજન સહિતના દરેક સમાચાર વાંચો ગુજરાત ફર્સ્ટ પર. હવે દરેક સમાચાર આંગળીના ટેરવે આપના મોબાઈલમા, ડાઉનલોડ કરો અમારી લેટેસ્ટ Android અને iOS એપ. લેટેસ્ટ ન્યૂઝથી અપડેટ રહેવા માટે સોશ્યિલ મીડિયામાં અમારી સાથે જોડાઓગુજરાત ફર્સ્ટ તમને સમાચારોથી હંમેશા અવગત રાખશે