Monsoon Updates : હવામાન વિભાગની આગાહીના એક દિવસ પહેલા કેરળ પહોંચ્યું ચોમાસું
Monsoon Updates : દેશભરમાં ગરમીએ લોકોને પરેશાન કરી દીધા છે. આ ગરમીથી કંટાળી ગયેલા લોકો માટે હવે એક સારા સમાચાર સામે આવ્યા છે. દેશના દક્ષિણ ભાગમાં ચોમાસા (Monsoon) નું આગમન થઇ ગયું છે. IMD અનુસાર, ચોમાસું તેના સામાન્ય સમય પહેલા કેરળ (Kerala) માં પ્રવેશ્યું છે. ગુરુવારે કેરળના તટ સહિત ઉત્તરપૂર્વ (Northeast) ના કેટલાક ભાગોમાં ચોમાસું (2024)નું આગમન થયું છે. રાજ્યના અનેક વિસ્તારોમાં વરસાદી ગતિવિધિઓ વધી છે.
એક દિવસ પહેલા પહોંચ્યું ચોમાસું
ખાસ વાત એ છે કે ભારતીય હવામાન વિભાગની આગાહીના એક દિવસ પહેલા ચોમાસું કેરળ પહોંચી ગયું છે. વિભાગે અગાઉ 31 મેની આગાહી કરી હતી. જ્યારે કેરળમાં ચોમાસાના આગમનની સામાન્ય તારીખ 1 જૂન છે. ચોમાસાના વહેલા પ્રવેશ માટે ચક્રવાત રેમલને પણ એક કારણ માનવામાં આવી રહ્યું છે. હવામાનશાસ્ત્રીઓએ જણાવ્યું હતું કે રવિવારે પશ્ચિમ બંગાળ અને બાંગ્લાદેશમાંથી પસાર થયેલા ચક્રવાત રેમલએ ચોમાસાના પ્રવાહને બંગાળની ખાડી તરફ ખેંચ્યો છે, જે ઉત્તરપૂર્વમાં ચોમાસાના વહેલા આગમનનું કારણ હોઈ શકે છે. ચોમાસું સામાન્ય રીતે ઉત્તરપૂર્વમાં 5 જૂન સુધીમાં આવે છે.
Keralaમાં ચોમાસાનું સત્તાવાર આગમન | Gujarat First @GujaratFirst @IMDAHMEDABAD #Monsoon #Kerala #Rain #IMD #GujaratFirst pic.twitter.com/3UnVSXjNl7
— Gujarat First (@GujaratFirst) May 30, 2024
- કેરળમાં ચોમાસાનું આગમન
- સત્તાવાર આગમન અંગે જાહેરાત
- દક્ષિણ-પશ્ચિમ ચોમાસું પ્રવેશ્યું
- ઉત્તર પૂર્વ તરફ આગળ વધ્યુંઃ IMD
- ચોમાસાના આગમન સાથે વરસાદ
- સમગ્ર કેરળમાં ધોધમાર વરસાદ
ગુજરાતમાં આ તારીખ પહોંચવાની સંભાવના
હવામાન વિભાગના જણાવ્યા અનુસાર કેરળમાં પ્રવેશ્યા બાદ ચોમાસું હવે પૂર્વોત્તરના કેટલાક ભાગો તરફ આગળ વધી રહ્યું છે. હવામાન નિષ્ણાતો આગાહી કરી રહ્યા છે કે ચોમાસું જૂનના અંત સુધીમાં દિલ્હીમાં આવી શકે છે. ચોમાસું સામાન્ય રીતે 27 જૂનની આસપાસ રાજધાનીમાં પહોંચે છે. અહીં, બિહાર, ઝારખંડ, છત્તીસગઢ, મધ્યપ્રદેશના કેટલાક ભાગો અને ગુજરાતના કેટલાક ભાગોમાં ચોમાસાના આગમનની સામાન્ય તારીખ 10 જૂન છે. બિહારમાં ચોમાસું સમયસર પહોંચે તેવી શક્યતાઓ છે. જણાવી દઇએ કે, કેરળમાં છેલ્લા કેટલાક દિવસોથી ભારે વરસાદ પડી રહ્યો છે.
આ રાજ્યોમાં ભારેથી અતિ ભારે વરસાદ પડશે
કેરળ, અરુણાચલ પ્રદેશ, લક્ષદ્વીપમાં આજે ભારેથી અતિ ભારે વરસાદની અપેક્ષા છે, જ્યારે આસામ અને મેઘાલયમાં 30 મે અને 2 જૂને વાદળછાયું વરસાદ જોવા મળશે. આજે અને આવતીકાલે ઉપ-હિમાલયન પશ્ચિમ બંગાળ અને સિક્કિમમાં ભારે વરસાદની સંભાવના છે.
આ પણ વાંચો - ગરમીએ ઉત્તર પ્રદેશમાં 128 વર્ષ તો દિલ્હીમાં 79 વર્ષનો રેકોર્ડ તોડ્યો
આ પણ વાંચો - Monsoon Update : ટૂંક સમયમાં જ ગરમીથી રાહત મળશે, જાણો તમારા રાજ્યમાં ક્યારે આવશે ચોમાસું?