Lok Sabha Election 2024: પીએમ મોદી બન્યા The Terminator..!

લોકસભા ચૂંટણી 2024 (Lok Sabha Election 2024)માં ભાજપ (BJP)ને હરાવવાના ઉદ્દેશ્ય સાથે રચાયેલા વિપક્ષી ગઠબંધન INDIAની ત્રીજી બેઠક 31 ઓગસ્ટ અને 1 સપ્ટેમ્બરે મુંબઈમાં યોજાવા જઈ રહી છે. દરમિયાન, ભારતીય જનતા પાર્ટી (BJP)એ એક ટ્વિટ દ્વારા વિપક્ષી ગઠબંધન પર કટાક્ષ કર્યો છે. ભાજપે વડાપ્રધાન નરેન્દ્ર મોદીની સરખામણી હોલીવુડની પ્રખ્યાત સાયન્સ ફિક્શન ફિલ્મ 'ટર્મિનેટર' સાથે કરી છે. ભાજપે કહ્યું- 'ટર્મિનેટર (Terminator) હંમેશા જીતે છે. મોદી 2024માં પાછા આવવાના છે.

બીજેપીએ ટ્વિટર (હવે X) પર પોસ્ટર શેર કર્યું અને લખ્યું- "વિપક્ષને લાગે છે કે 2024ની લોકસભા ચૂંટણીમાં વડાપ્રધાન નરેન્દ્ર મોદીને હરાવી શકાય છે. પરંતુ વિપક્ષ સપના જોઈ રહ્યો છે, તેથી સપના જોતા રહો, ટર્મિનેટર હંમેશા જીતે છે. મોદી પાછા આવવા જઈ રહ્યા છે. 2024 માં પણ."

પોસ્ટરમાં વડાપ્રધાન નરેન્દ્ર મોદી અને બીજેપીના ચૂંટણી ચિન્હ કમળનું ફૂલ બતાવીને મોદીને ટર્મિનેટર તરીકે દર્શાવવામાં આવ્યા છે. તેમના તરફથી દાવો કરવામાં આવ્યો છે કે, "2024! હું પાછો આવીશ."

તે જ સમયે, અન્ય એક પોસ્ટમાં ભાજપે કોંગ્રેસના ભૂતપૂર્વ શાસનને મજબૂર સરકારનું નામ આપ્યું છે. પોસ્ટમાં લખવામાં આવ્યું હતું કે 'કોંગ્રેસની સરકાર દરમિયાન વચેટિયા લોકોના હક્કો છીનવી લેતા હતા'. આ પોસ્ટમાં મોદી સરકાર વિશે કહેવામાં આવ્યું હતું કે લોકોના અધિકારો કોઈ પણ વચેટિયા વગર સીધા તેમના સુધી પહોંચે છે.

તમને જણાવી દઈએ કે 2024ની લોકસભા ચૂંટણીમાં વિપક્ષની 26 પાર્ટીઓએ ભાજપ વિરુદ્ધ ગઠબંધન કર્યું છે. આ જોડાણનું નામ INDIA રાખવામાં આવ્યું છે. વિપક્ષી ગઠબંધનની પ્રથમ બેઠક 23 જૂને પટનામાં થઈ હતી. બીજી બેઠક બેંગલુરુમાં 17 અને 18 જુલાઈએ યોજાઈ હતી. હવે ત્રીજી બેઠક મુંબઈમાં યોજાવા જઈ રહી છે. મુંબઈમાં વિપક્ષી ગઠબંધનની બેઠક પહેલા, ભાજપના નેતૃત્વવાળી મહારાષ્ટ્ર સરકારે રાજ્યની તમામ 48 લોકસભા બેઠકો માટે બે દિવસીય સમીક્ષા બેઠકની પણ જાહેરાત કરી છે.

આ પણ વાંચો----SMILE PLEASE : રોવર પ્રજ્ઞાને લેન્ડર વિક્રમનો પાડ્યો ફોટો…જુઓ તસવીરો