Delhi Crime : 350 રૂપિયા માટે 16 વર્ષના કિશોરે છરી વડે 100 વખત કર્યા ઘા, CCTV ફૂટેજ જોતા જ પોલીસ પણ ચોંકી ઉઠી...
દિલ્હી પોલીસે ઉત્તર-પૂર્વ દિલ્હીમાં લૂંટ દરમિયાન યુવકની હત્યા કરવા બદલ એક કિશોરની ધરપકડ કરી છે. વેલકમ વિસ્તારની જનતા મઝદૂર કોલોનીમાં મંગળવારે રાત્રે બનેલી આ ઘટનાના CCTV ફૂટેજ પણ સામે આવ્યા છે. યુવક પર એક-બે નહીં પરંતુ લગભગ 100 જેટલા હુમલાઓ છરી વડે કરવામાં આવ્યા હોવાનું જોવા મળ્યું હતું. જયારે તેને ખાતરી થઇ કે યુવક જીવિત નથી, ત્યારે તેણે મૃતકના શરીર પર ડાન્સ પણ કર્યો.આ સનસનાટીભરી ઘટના ઉત્તર પૂર્વ દિલ્હીના વેલકમ વિસ્તારમાં બની હતી. આ ઘટના બાદ વિસ્તારના લોકો આઘાતમાં છે. હકીકતમાં, એક 16 વર્ષના છોકરાએ માત્ર 350 રૂપિયા માટે તેની જ ઉંમરના છોકરાની નિર્દયતાથી હત્યા કરી. આ હૃદયદ્રાવક ઘટના CCTVમાં પણ કેદ થઈ છે.
CCTV દ્વારા રહસ્યનો ખુલાસો થયો
દિલ્હી પોલીસના જણાવ્યા અનુસાર, આ ઘટનાની માહિતી મંગળવારે સવારે 11.15 વાગ્યે મળી હતી. પોલીસે આરોપીની ધરપકડ કરી લીધી છે. પોલીસે આરોપીના નામ વિશે માહિતી આપી નથી કારણ કે તે સગીર છે. પોલીસનું કહેવું છે કે આરોપી સ્કૂલ ડ્રોપ આઉટ છે. તેણે હત્યા કરી ત્યારે તે દારૂના નશામાં હતો. આરોપી જાફરાબાદનો રહેવાસી છે. પોલીસનું કહેવું છે કે ધરપકડ બાદ આરોપીની પૂછપરછ કરવામાં આવી રહી છે. આ સાથે તેનો અગાઉનો કોઈ ગુનાહિત રેકોર્ડ હતો કે કેમ તે શોધવાના પ્રયાસો ચાલુ છે.
લૂંટના પ્રયાસમાં હત્યા
પોલીસના જણાવ્યા અનુસાર આરોપીએ પહેલા પીડિતને લૂંટવાનો પ્રયાસ કર્યો હતો. જ્યારે પીડિતે પૈસા આપવાનો ઇનકાર કર્યો ત્યારે તેણે મારપીટ કરીને તેનું ગળું દબાવ્યું અને તેના પર છરી વડે ઓછામાં ઓછા 100 વાર હુમલો કર્યો. સ્થાનિક લોકો પીડિત છોકરાને જીટીબી હોસ્પિટલમાં લઈ ગયા. પરંતુ રસ્તામાં જ તેનું મોત નીપજ્યું હતું. CCTV ફૂટેજથી આરોપીની ધરપકડ કરવામાં મદદ મળી.નોર્થ ઈસ્ટ ડીસીપી જોય તિર્કીએ જણાવ્યું કે આરોપી અને પીડિતા બંને અગાઉ એકબીજાને ઓળખતા ન હતા. બંને જનતા મઝદૂર કોલોનીમાં રહેતા હતા અને એકબીજાને આ રીતે જોયા હતા. જ્યારે પીડિતે 350 રૂપિયા આપવાનો ઇનકાર કર્યો તો આરોપીએ તેની નિર્દયતાથી હત્યા કરી નાખી.
આ પણ વાંચો : Jammu : આતંકીઓની વધુ એક નાપાક હરકત, LoC નજીક ડ્રોન દ્વારા ફેંકવામાં આવેલા હથિયારો સુરક્ષા દળોએ જપ્ત કર્યા…
