NEET પર ઘમાસાણ!, કોંગ્રેસ નેતાઓએ NTA પર કર્યા ગંભીર આરોપ, ફિઝિક્સવાલાએતો આપ્યા પુરાવા...
NEET નું પરિણામ જાહેર થતાં જ વિદ્યાર્થીઓએ હોબાળો મચાવ્યો હતો. વિદ્યાર્થીઓથી લઈને નિષ્ણાતો સોશિયલ મીડિયા પર વિવિધ પ્રકારના પ્રશ્નો પૂછવા લાગ્યા છે. હવે રાજકારણીઓએ પણ સરકાર અનર NTA ને સવાલો પૂછવાનું શરુ કર્યું છે. આજે પ્રિયંકા ગાંધીએ આ અંગે મોદી સરકાર પર સવાલ ઉઠાવ્યા છે. પ્રિયંકા ગાંધીએ સોશિયલ મીડિયા પર [પોસ્ટ કર્યું છે અને લખ્યું છે કે, પહેલા NEET પરીક્ષાનું પેપર લીક થયું અને હવે વિદ્યાર્થીઓએ આરોપ લગાવ્યો કે તેના પરિણામમાં પણ ગોટાળા થયા છે.
ઉઠાવ્યા ગંભીર સવાલો...
પ્રિયંકાએ વધુમાં લખ્યું છે કે, જ્યારે એક જ સેન્ટરના 6 વિદ્યાર્થીઓએ 720 માંથી 720 માર્ક્સ મેળવ્યા છે ત્યારે ગંભીર સવાલો ઉભા થઇ રહ્યા છે અને અનેક પ્રકારની ગેરરીતિઓ સામે આવી છે. બીજી તરફ પરિણામ સામે આવ્યા બાદ દેશભરમાં અનેક બાળકોએ આત્મહત્યા કરી હોવાના અહેવાલો પણ સામે આવ્યા છે. આ ખૂબ જ દુઃખદ અને આઘાતજનક છે. સરકાર લાખો વિદ્યાર્થીઓના અવાજને કેમ અવગણી રહી છે? વિદ્યાર્થીઓને NEET પરીક્ષાના પરિણામોમાં ગેરરીતિ સંબંધિત કાયદેસરના પ્રશ્નોના જવાબોની જરૂર છે. શું આ કાયદેસરની ફરિયાદોની તપાસ કરવાની જવાબદારી કોની છે સરકારની નથી?
पहले NEET परीक्षा का पेपर लीक हुआ और अब छात्रों का आरोप है कि इसके रिजल्ट में भी स्कैम हुआ है। एक ही सेंटर के 6 छात्रों को 720 में से 720 अंक मिलने पर गंभीर सवाल उठ रहे हैं और कई तरह की अनियमितताओं की बातें सामने आ रही हैं। दूसरी ओर, रिजल्ट आने के बाद देश भर में कई बच्चों के…
— Priyanka Gandhi Vadra (@priyankagandhi) June 7, 2024
રણદીપ સુરજેવાલાએ પણ ઉઠાવ્યા સવાલો...
તમને જણાવી દઈએ કે, કોંગ્રેસ નેતા રણદીપ સુરજેવાલાએ પણ NTA અને સરકારને પ્રશ્નો પૂછ્યા હતા કે, NEET પરીક્ષાના પરિણામોને લઈને વિવાદો અને અનિયમિતતાઓ સામે આવી રહી છે. 24 લાખ વિદ્યાર્થીઓની શંકાઓ અને તેમના માતા-પિતાની આશંકાઓનો કોઈ જવાબ નથી મળી રહ્યો. તેમણે કહ્યું કે, ન તો NTA કે ન તો સરકાર આ બાબતે જવાબ આપી રહી છે. NEET પરીક્ષાનું પરિણામ સાચું છે, શું NTA એ મોટી ભૂલ કરી છે, શું મોદી સરકાર પાસે કોઈ જવાબ છે?
છેલ્લા વર્ષોના ટોપર્સની ગણતરી કરી...
સુરજેવાલાએ પ્રશ્ન કર્યો કે NEET માં 67 બાળકો ટોપ થયા, તે બધાને એક માર્ક (720 માંથી 720) કેવી રીતે મળ્યા? તે કેવી રીતે શક્ય છે. આ પછી તેમણે છેલ્લા કેટલાક વર્ષોના ટોપર્સની સંખ્યા જણાવતા કહ્યું કે, 2019 માં 1 ટોપર હતો, 2020 માં એક ટોપર હતો, 2021 માં ત્રણ ટોપર હતો, 2023 માં બે ટોપર હતો અને 2024 માં 67 ટોપર્સ છે, આ એક અસંભવ વસ્તુ છે કારણ કે NEET ના પેપરમાં પણ નેગેટિવ માર્કિંગ હોય છે. આ એક સંયોગ છે કે પ્રયોગ?
. #NEET एग्जाम को लेकर मेरा वक्तव्य👇#Neet_paper_रद्द_करो pic.twitter.com/Xrz82Xbdfg
— Randeep Singh Surjewala (@rssurjewala) June 6, 2024
ગ્રેસ પર પૂછ્યો સવાલ...
તેમણે વધુમાં પૂછ્યું કે શું એવું શક્ય છે કે 67 મથી 44 ટોપર્સ એવા હોય કે જે ગ્રેસ માર્કના આધારે હોય, એટલે કે તેમના પ્રશ્નો જવાબ જ પેપરમાં ખોટા હતા. પ્રશ્ન એ છે કે, શું NEET ટોપર્સનો નિર્ણય ગ્રેસ માર્કસના આધારે લેવામાં આવશે. એટલું જ નહીં, હરિયાણાના ફરીદાબાદમાં આવું એક પરીક્ષા કેન્દ્ર છે, જ્યાં સીરીયલ નંબર 62 થી સીરીયલ નંબર 69 સુધીના 8 ટોપર્સ છે, છ એવા છે જેમણે 720 માંથી 720 માર્ક્સ મેળવ્યા છે અને 2 એવા છે જેમણે 718 અને 719 માર્કસ મળ્યા છે. આ આશ્ચર્યજનક છે, શું આવું થઇ શકે? શું તેઓ NEET માર્કસની પ્રક્રિયા અને સમગ્ર પરીક્ષાની અખંડિતતા પર પ્રશ્નો ઉઠાવી રહ્યા છે?
નોર્મલાઇઝેશનના આધારે પ્રશ્નો ઉઠાવ્યા...
ચોથી વાત એ છે કે, NTA એ પણ કહ્યું કે ફરીદાબાદના આ કેન્દ્રમાં ખોટા પેપરનું વિતરણ કરવામાં આવ્યું હતું, તેથી 45 મિનિટ વેડફાઈ ગઈ હતી અને સામાન્યીકરણના આધારે ગ્રેસ માર્ક્સ આપવામાં આવ્યા હતા. હવે સવાલ એ છે કે ન તો NEET બ્રોશર, ન તો NTA ની સૂચનાઓ કે ન તો મોદી સરકારની સૂચનાઓ કહે છે કે આવા ગ્રેસ માર્ક્સ આપવા જોઈએ. તે પણ જ્યારે NEET ટોપર્સને ગ્રેસ માર્ક અથવા નોર્મલાઇઝેશનના આધારે નક્કી કરવામાં આવે છે. આ પોતે જ આશ્ચર્યજનક હતું અને સમગ્ર પ્રક્રિયા પર પ્રશ્નો ઉભા કર્યા હતા. તેમણે વધુમાં કહ્યું કે આ પ્રશ્ન એ પણ ઊભો થાય છે કે શું 2019 થી 2023 સુધી 600 માર્કસ મેળવનાર બાળક સરકારી કોલેજમાં એડમિશન લઈ શક્યું હોત? આ વખતે કટઓફ 134 થી વધીને 163 થયો અને 660 સ્કોર કરનાર વ્યક્તિ ભાગ્યે જ સરકારી મેડિકલ કોલેજમાં એડમિશન લઈ શકે.
ફિઝિક્સવાલાએ પુરાવા સાથે આક્ષેપો કર્યા...
Sharing the truth for everyone to decide. #NEETResults #NEET #RemoveNormalization pic.twitter.com/3svYMj66dH
— Alakh Pandey (PhysicsWallah) (@PhysicswallahAP) June 6, 2024
આ પછી, ફિઝિક્સવાલાના સ્થાપક અલખ પાંડેએ દાવો કર્યો કે તેઓ NEET 2024 માં NTA નું સૌથી મોટું રહસ્ય પુરાવા સાથે રજૂ કરી રહ્યા છે. તેમણે એક વીડિયો પણ બનાવ્યો અને શેર કર્યો. તેમણે વીડિયોમાં એક OMR સીટ શેર કરી અને કહ્યું કે જો તમે તેની ગણતરી કરશો તો તમને 368 માર્ક્સ મળશે અને NTA એ પરિણામમાં તેને 453 માર્ક્સ આપ્યા છે એટલે કે કુલ 85 માર્ક્સનો તફાવત છે એટલે કે તેને ગ્રેસ માર્ક મળ્યો કે કેવી રીતે મળ્યો? તેનો રેન્ક આ નંબર 85 કરતા લાખો આગળ ગયો હશે અને એક સામાન્ય બાળક લાખો રેન્ક પાછળ ગયો હશે. આવા કેટલાં પરિણામો આવ્યા કોણ જાણે, એટલે જ આ વખતે કટઓફ આટલો ઊંચો ગયો છે.
NEET (UG) - 2024 was conducted by the National Testing Agency (NTA) on 5th May at 4750 Centres in 571 cities (including 14 cities abroad) for more than 24 lakh candidates. In light of recent queries raised by the candidates, it has been felt necessary to issue the clarifications:… pic.twitter.com/8aZ3rcl2DI
— ANI (@ANI) June 6, 2024
NTA એ જવાબ આપ્યો...
અહીં NTA એ જવાબ આપ્યો કે નેશનલ ટેસ્ટિંગ એજન્સી (NTA) દ્વારા 5 મેના રોજ 571 શહેરોમાં (વિદેશના 14 શહેરો સહિત) 4750 કેન્દ્રો પર 24 લાખથી વધુ ઉમેદવારો માટે NEET (UG) – 2024 નું આયોજન કરવામાં આવ્યું હતું. ઉમેદવારો દ્વારા ઉઠાવવામાં આવેલા તાજેતરના પ્રશ્નોને ધ્યાનમાં રાખીને, સ્પષ્ટતા જારી કરવાની રહેશે. NTA એ વધુમાં જણાવ્યું હતું કે ઉમેદવારોના એકંદર પ્રદર્શનના આધારે દર વર્ષે NEET કટઓફ સ્કોર્સ નક્કી કરવામાં આવે છે. કટઓફમાં વધારો પરીક્ષાની સ્પર્ધાત્મક પ્રકૃતિ અને આ વર્ષે ઉમેદવારો દ્વારા હાંસલ કરાયેલ ઉચ્ચ પ્રદર્શન ધોરણોને પ્રતિબિંબિત કરે છે. લાયકાત ધરાવતા ઉમેદવારોના કટ-ઓફ અને સરેરાશ ગુણ (720માંથી) દર વર્ષે બદલાય છે.
આ પણ વાંચો : Rahul Gandhi ને મળી મોટી રાહત, બેંગલુરુ કોર્ટે માનહાનિના કેસમાં જામીન આપ્યા…
આ પણ વાંચો : Chhattisgarh : નારાયણપુરમાં સુરક્ષા દળોના કેમ્પ પર નક્સલી હુમલો
આ પણ વાંચો : Kedarnath Dham માં ભક્તોની ભારે ભીડ, 28 દિવસમાં 7 લાખથી વધુ ભક્તોએ બાબાના દર્શન કર્યા…