રાજકોટમાં રખડતા ઢોર પર અંકુશ ક્યારે? પોલીસ કમિશ્નરના જાહેરનામાનો ઉલાળિયો

રાજકોટમાં દિવસેને દિવસે ઢોરનો ત્રાસ વધી રહ્યો છે, ત્યારે આજે વધુ એક વીડિયો વાયરલ થયો છે. જેમાં ઢોરપકડ પાર્ટી સાથે ઉગ્ર બોલાચાલી થયો હોવાનો વીડિયો વાયરલ થયો છે. કેટલાક શખ્સોએ કણકોટમાં ઉગ્ર બોલાચાલી કરી ઢોર પકડવા મામલે માથાકૂટ કરી. વિજલન્સની ટીમે વચ્ચે પડી મામલો થાળે પાડ્યો હતો. તંત્ર માટે રખડતા ઢોર હવે ચેલેન્જ બની ગયો છે. ત્યારે દિવસે ને દિવસે પાર્ટીનો ત્રાસ વધી રહ્યો છે. જાહેરનામાને 17 દિવસ વીત્યા બાદ પશુપાલકોમાં ઉદાસીનતા જોવા મળી રહી છે.

સમગ્ર ઘટનાને લઇ મ્યુનિસિપલ કમિશનર અમિત અરોરાએ મીડિયા સાથેની વાતચીતમાં જણાવ્યું હતું કે રાજકોટ શહેરમાં રખડતા ઢોર તે ખૂબ જ ગંભીર સમસ્યા છે. પરંતુ સતત રાજકોટ મહાનગરપાલિકાની પાંચ જટલી ટીમ રાજકોટ શહેરના અલગ અલગ વિસ્તારોમાં કામગીરી કરી રહી છે અને સાથે જ જ્યાં જ્યાં અનિત્ય બનાવ બન્યા છે ત્યાં પોલીસ ફરિયાદ પણ નોંધાવવામાં આવી છે અને પોલીસ કમિશનરના સહયોગથી ઈનફેર્સ મેના ટીમો પણ સાથે રાખવામાં આવી છે.

ઉલ્લેખનીય છે કે, પોલીસ કમિશનરના જાહેરનામાના નિયમ પાલનમાં ઉદાસીન ઢોર રજીસ્ટ્રેશનમાં માત્ર 3 અરજી જ આવી. દોઢ મહિનામાં રજીસ્ટ્રેશન નહીં કરાવે તેના ઘર બહાર બાંધેલા હશે તો પણ ગુન્હો દાખલ થશે. પશુ પાલકો પાસે માલિકીની જગ્યાના અભાવના કારણે તેઓ રજીસ્ટ્રેશન કરાવી નથી રહ્યા. જાહેરનામા મુજબ પશુપાલકોએ ટેગિંગ અને રજીસ્ટ્રેશન ફરજિયાત છે. મહત્વનું છે કે, એક અઠવાડિયામાં મનપાએ 291 ઢોર પકડ્યા. એક્સ આર્મીમેન અને બે મહિલા પોલીસ કોન્સ્ટેબલને અડફેટે લીધા. દિવસ દરિમયાન પાંચથી છ ટીમો દ્વારા કાર્યવાહી કરવામાં આવી. અલગ-અલગ ટીમને પોલીસ પ્રોટેકશન આપવામાં આવ્યું. હાલમાં અમુક બનાવો બનતા હોય અને કાયદેરસરની કાર્યવાહી હાથ ધરવામાં આવે. કણકોટની ઘટનાને લઇને તેમણે કહ્યું કાયદેસરની કાર્યવાહી હાથ ધરવામાં આવશે.