રાજકોટમાં કણકોટ કોલેજમાં યોજાશે 8 બેઠકની મતગણતરી

ગુજરાત વિધાનસભા ચૂંટણીનું (Gujarat Assembly Election) મતદાન પૂર્ણ થતાં હવે મત ગણતરીનું કાઉન્ડ ડાઉન શરુ થયું છે. રાજકોટ (Rajkot)જિલ્લાની વિધાનસભા 8 સીટ મત ગણતરી કણકોટ ખાતે કરવામાં આવશે. કણકોટની સરકારી ઈજનેર કોલેજમાં તમામ 8 સીટ મત ગણતરી એકસાથે થશે શરૂ કરાશે.

મતગણતરી કેન્દ્રમાં એક વિધાનસભા વાઇઝ 14 જેટલા ટેબલ પર મત ગણતરી કરવામાં આવશે.સવારે 8 કલાકે મત ગણતરી શરુ થશે જેમાં પહેલા બેલેટ પેપરની મતગણતરી કરવામાં આવશે.મતગણતરીમાં  8000 જેટલો સ્ટાફ કામે લાગશે.કણકોટ ઈજનેર કોલેજ ખાતે ચુસ્ત પોલીસ બંદોબસ વચ્ચે EVM સ્ટ્રોંગ રૂમ માં સિલ કરવામાં આવ્યા છે. મતગણતરી કેન્દ્રમાં થ્રી લેયર સુરક્ષા ગોઠવાઇ છે. 

રાજકોટ જિલ્લા ચૂંટણી અધિકારી અરુણ મહેશ બાબુ તથા અધિક જિલ્લા ચૂંટણી અધિકારી એસ. જે. ખાચરએ મતગણતરીની પ્રક્રિયા શાંતિ અને સલામતી સાથે સુચારૂ રીતે યોજાય તે માટે સરકારી ઈજનેરી કોલેજ, કણકોટ ખાતે સ્થિત મતગણતરી કેન્દ્રની મુલાકાત લીધી હતી. અરુણ મહેશ બાબુએ ઇ.વી.એમ.રીસીવિંગ સેન્ટરના સ્ટ્રોંગ રૂમનું નિરીક્ષણ કરી આવશ્યક માર્ગદર્શન પૂરું પાડ્યું હતું. તેમજ સી.સી.ટી.વી. કેમેરા અને એલ.ઈ.ડી. સ્ક્રીનની વ્યવસ્થા, અધિકારીઓ અને રાજકીય પક્ષોના ઉમેદવારોની બેઠક વ્યવસ્થા, કોન્ફરન્સ રૂમ, કંટ્રોલ રૂમ સહિતની કામગીરીની સર્વગ્રાહી સમીક્ષા કરી હતી. 

  

તેમણે આ ઉપરાંત મતગણતરી કેન્દ્ર ખાતે તૈનાત પોલીસ સ્ટાફ અને મિલિટ્રી જવાનોને મળી ત્રિસ્તરીય સુરક્ષા વ્યવસ્થા અંગે ચકાસણી કરી હતી. તેમજ તેમની સાથે વાતચીત કરી તેમના રહેવા-જમવાની વ્યવસ્થા વિશે દરકાર કરી હતી. સાથો સાથે મીડિયા સર્ટિફિકેશન એન્ડ મોનિટરિંગ કમિટીના કાર્ય વિશે સભ્ય સચિવ સોનલબેન જોશીપુરા સાથે ચર્ચા કરી હતી. 

આ પણ વાંચો--યુવકને ઢોરમાર મારવાના બનાવમાં પગલાં ના લેવાતા લોકોમાં આક્રોષ