વાંચો, યોગીના મરદમુછાળા એન્કાઉન્ટર સ્પેશ્યાલિસ્ટ વિશે, જેની ચર્ચા દેશભરમાં છે

પશ્ચિમ યુપીને માફિયા અને ગેંગસ્ટરોથી મુક્ત કરાવવાની જવાબદારી તેમને 2017માં સોંપવામાં આવી હતી. 2017માં જ્યારે રાજ્યમાં યોગી આદિત્યનાથની સરકાર બની ત્યારે યોગીએ તેમને પશ્ચિમ ઉત્તર પ્રદેશને અપરાધમુક્ત કરવાની જવાબદારી સોંપી હતી. તેમને મેરઠ જોનના એડીજી તરીકે નિમણૂક કરવામા આવી હતી. પ્રશાંત કુમારની આગેવાનીમાં રાજ્યમાં એન્ડાઉન્ટર્સની વણજાર લાગી ગઇ હતી. એક પછી એક માફિયા અને ગેંગસ્ટર પકડાતા રહ્યા હતા અથવા જે ના પકડાયા તે એન્કાઉન્ટરમાં ઠાર થઇ ગયા હતા. તે વખતે રાજ્યમાં સંજીવ જીવા, મુકીમ કાલા, સુંદર ભાટી, અનિલ દુજાના જેવા ગેંગસ્ટર એક્ટિવ હતા પણ પ્રશાંત કુમારના એડીજી બન્યા બાદ આ તમામ ગેંગસ્ટરોને ખતમ કરી નાંખ્યા હતા.

યુપી પોલીસના આ જાંબાજ ઓફિસરની કાબેલિયત જોઇને 2020માં તેમને યુપીના એડીજી લો એન્ડ ઓર્ડર બનાવાયા હતા. પ્રશાંત કુમારને આખા રાજ્યની કાયદો વ્યવસ્થા સંભાળવાની ચેલેન્જ સોંપવામાં આવી હતી. તેમના નિશાના પર હવે અતિક એહમદ અને મુખ્તાર અંસારી જેવા મોટા ગેંગસ્ટર હતા. આ સિંઘમ ઓફિસરે આ બંને માફિયાની ક્રાઇમ કુંડળી તૈયાર કરી. ત્યારબાદ માફિયાઓની ગેરકાયદેસરની સંપત્તિ ધ્વસ્ત કરી અને તેમના શાર્પ શૂટર્સના એન્કાઉન્ટર તેમણે શરુ કર્યા હતા અને અત્યાર સુધી તેઓ તેમની આ કડક કાર્યવાહી બખૂબી નિભાવી રહ્યા છે.

પોતાના ખાસ અંદાજની મુછો ધરાવતા એડીજી પ્રશાંત કુમારે એમબીએ કરેલું છે અને એમએસસી અને એમ.ફિલની ડિગ્રી પણ હાંસલ કરેલી છે. પ્રશાંત કુમારને તેમની બહાદુરી માટે ત્રણ વાર રાષ્ટ્રપતિ દ્વારા પોલીસ ચન્દ્રક આપવામાં આવ્યા છે.

આ પણ વાંચો---છોકરીને જોવા આવેલા યુવકને છોકરીની માતા જ ગમી ગઇ અને....