વિવાદો બાદ પ્રેમચંદ અગ્રવાલે આપ્યું રાજીનામું, વિપક્ષ એટેકિંગ મોડમાં, રાજકીય તાપમાન પણ 'હાઈ

• પ્રેમચંદ અગ્રવાલે રાજીનામું આપ્યું
• મંત્રી પ્રેમચંદ અગ્રવાલ સામે જનતાનુ વિરોધ પ્રદર્શન
• કોંગ્રેસના નેતાઓની પ્રતિક્રિયાઓ સામે આવી

Premchand Agarwal's resignation : વિધાનસભા સત્ર દરમિયાન પોતાના વિવાદાસ્પદ નિવેદનના કારણે ચર્ચામાં આવેલા ધામી સરકારમાં કેબિનેટ મંત્રી પ્રેમચંદ અગ્રવાલે આખરે રાજીનામું આપી દીધું છે. 21 ફેબ્રુઆરી 2025ના રોજ ગૃહમાં આપેલા નિવેદન બાદ જનતા છેલ્લા 22 દિવસથી મંત્રી પ્રેમચંદ અગ્રવાલ સામે વિરોધ પ્રદર્શન કરી રહી હતી અને તેમના રાજીનામાની માંગ કરી રહી હતી. 16 માર્ચના રોજ મંત્રી અગ્રવાલે સીએમ પુષ્કર સિંહ ધામીને પોતાનું રાજીનામું સુપરત કર્યું હતું. આ રાજીનામા બાદ કોંગ્રેસના નેતાઓની પ્રતિક્રિયાઓ સામે આવી રહી છે.

પ્રધાન પ્રેમચંદ અગ્રવાલના વિવાદાસ્પદ નિવેદન સામે જાહેર વિરોધ આખરે તેમના રાજીનામામાં પરિણમ્યો. 16 માર્ચ, રવિવારે બપોરે તેમણે પ્રેસ કોન્ફરન્સમાં મંત્રી પદ પરથી રાજીનામું આપવાની જાહેરાત કરી હતી. થોડા સમય પછી, તેઓ સીએમ ધામીને મળ્યા અને રાજીનામું સોંપ્યું. આ પહેલા તેઓ મુઝફ્ફરનગરના શહીદ સ્મારક પહોંચ્યા હતા અને રાજ્યના આંદોલનકારીઓને શ્રદ્ધાંજલિ પણ અર્પણ કરી હતી. એક તરફ તેમના અચાનક રાજીનામાથી ભાજપના નેતાઓમાં ખળભળાટ મચી ગયો છે તો બીજી તરફ કોંગ્રેસના નેતાઓ રાજીનામા દ્વારા પ્રાયશ્ચિત માટે તેમનો આભાર માની રહ્યા છે.

આ પણ વાંચો :  PM Modi interview: મહાન ગણિતશાસ્ત્રી શ્રીનિવાસ રામાનુજનને PM મોદીએ કેમ કર્યા યાદ?