• પાકિસ્તાન સમર્થક ટિપ્પણીઓ માટે આસામમાં 14 ધરપકડ
• CM શર્માની ચેતવણી: જરૂર પડે તો NSA લાગુ થશે
• સોશિયલ મીડિયા પર કડક નજર, 14 લોકો ઝડપાયા
• આસામમાં દેશવિરોધી ટિપ્પણીઓ સામે પોલીસની કડક કાર્યવાહી
• ‘પાકિસ્તાન ઝિંદાબાદ’ લખનારની ધરપકડ
• રાષ્ટ્રવિરોધી પોસ્ટ પર કડક પગલાં, AIUDF ધારાસભ્ય પણ ઝડપાયા

Assam : આસામના મુખ્યમંત્રી હિમંતા બિસ્વા સરમા (CM Himanta Biswas Sharma) એ 26 એપ્રિલ, 2025ના રોજ જણાવ્યું હતું કે જમ્મુ અને કાશ્મીરના પહેલગામ (Pahalgam) માં થયેલા આતંકવાદી હુમલાના પગલે પાકિસ્તાનના સમર્થનમાં સોશિયલ મીડિયા (Social Media) પર ટિપ્પણીઓ કરનારા 14 લોકોની ધરપકડ કરવામાં આવી છે. આ હુમલામાં 26 લોકો, મોટાભાગે પ્રવાસીઓ, માર્યા ગયા હતા, જેમાં આતંકવાદીઓએ ધાર્મિક ઓળખના આધારે લોકોને નિશાન બનાવ્યા હતા. સરમાએ સ્પષ્ટ શબ્દોમાં ચેતવણી આપી કે જો જરૂર પડશે તો આવા વ્યક્તિઓ સામે રાષ્ટ્રીય સુરક્ષા કાયદા (NSA) હેઠળ કડક કાર્યવાહી કરવામાં આવશે.

ભારત-પાકિસ્તાન સંબંધો અને આસામની નીતિ

ગુવાહાટીમાં ભારતીય જનતા પાર્ટી (BJP)ના રાજ્ય કાર્યાલયમાં એક કાર્યક્રમ દરમિયાન સરમાએ જણાવ્યું, “ભારત અને પાકિસ્તાન વચ્ચે કોઈ સમાનતા નથી. આ બંને દેશો દુશ્મન રાષ્ટ્રો છે અને આપણે આવું જ વલણ જાળવવું જોઈએ.” તેમણે ભારપૂર્વક કહ્યું કે આસામમાં પાકિસ્તાનના સમર્થનમાં કોઈપણ પ્રકારની પ્રવૃત્તિ સહન નહીં કરવામાં આવે. આ નિવેદન તેમણે રાજ્યમાં આગામી પંચાયત ચૂંટણીઓ (2 અને 7 મે, 2025) માટે BJPનું ચૂંટણી ઢંઢેરો બહાર પાડતી વખતે આપ્યું હતું. મુખ્યમંત્રીએ જણાવ્યું કે, આસામ પોલીસ સોશિયલ મીડિયા પ્લેટફોર્મ્સ પર સતત નજર રાખી રહી છે અને રાષ્ટ્રવિરોધી ગણાતી કોઈપણ પોસ્ટની તપાસ કરવામાં આવી રહી છે. તેમણે ચેતવણી આપી કે, “જે કોઈ પણ વ્યક્તિ પાકિસ્તાનનું સમર્થન કરશે, પછી તે પ્રત્યક્ષ કે પરોક્ષ રીતે હોય, તેની સામે NSAની જોગવાઈઓ લાગુ કરવામાં આવશે.” આ પ્રકારની કાર્યવાહીનો હેતુ રાજ્યમાં રાષ્ટ્રીય સુરક્ષા અને એકતા જાળવવાનો છે.

My job is clear- to come down hard on Pro-Pakistani and Pro-Bangladeshi elements in Assam and to take stringent action against them. pic.twitter.com/AIQ0HvotIw

— Himanta Biswa Sarma (@himantabiswa) April 26, 2025

ધરપકડની વિગતો

આસામ પોલીસે 24 એપ્રિલથી શરૂ કરેલી આ કાર્યવાહીમાં અત્યાર સુધીમાં 14 લોકોની ધરપકડ કરવામાં આવી છે. આમાંથી ગુરુવારે (24 એપ્રિલ) ઓલ ઈન્ડિયા યુનાઈટેડ ડેમોક્રેટિક ફ્રન્ટ (AIUDF)ના ધારાસભ્ય અમીનુલ ઇસ્લામ સહિત બે લોકોની ધરપકડ કરવામાં આવી હતી. અમીનુલ ઇસ્લામ પર આરોપ છે કે તેમણે પહેલગામ હુમલાને “સરકારી ષડયંત્ર” ગણાવીને પાકિસ્તાનનું સમર્થન કર્યું હતું. શુક્રવારે (25 એપ્રિલ) વધુ 6 લોકોની ધરપકડ કરવામાં આવી, જેમાં વિવિધ જિલ્લાઓ જેવા કે સિલચર (કચર), હૈલાકાંડી, મોરીગાંવ, નાગાંવ, સિવસાગર, બરપેટા અને બિસ્વનાથના રહેવાસીઓનો સમાવેશ થાય છે. શનિવારે (26 એપ્રિલ) દિવસ દરમિયાન વધુ 6 લોકોની ધરપકડ કરવામાં આવી, જેમાં કચર જિલ્લામાંથી બે, તેમજ હૈલાકાંડી, નાગાંવ, શ્રીભૂમિ અને હાજોમાંથી એક-એક વ્યક્તિનો સમાવેશ થાય છે.

#Update on Crackdown against traitors- 19:00 hrs of 26 April 2025

1️⃣Sumon Mazumdar alias Bulbul Alom Mazumdar- arrested by @HailakandiPolic
2️⃣Mashud Azhar- arrested by @nagaonpolice

Total 14 arrests made till now against people who have made seditious comments.

— Himanta Biswa Sarma (@himantabiswa) April 26, 2025

ખાસ કરીને, શ્રીભૂમિ જિલ્લામાં શુક્રવારે રાત્રે એક વ્યક્તિની ધરપકડ કરવામાં આવી હતી, જેણે ફેસબુક પર “પાકિસ્તાન ઝિંદાબાદ” લખ્યું હતું. કચર પોલીસે પણ બે વ્યક્તિઓ, બક્તર હુસૈન બરભુઈયા (રામનગર) અને મોહમ્મદ ઇમરાન હુસૈન બરભુઈયા (માલુગ્રામ ગણીવાલા),ની ધરપકડ કરી હતી, જેઓએ પાકિસ્તાનના સમર્થનમાં સોશિયલ મીડિયા પોસ્ટ્સ કરી હતી.

રાજદ્રોહના આરોપો

શુક્રવારે કૃષક મુક્તિ સંગ્રામ સમિતિના એક નેતા, અનિલ બાનિયાની પણ “ભારત વિરોધી ટિપ્પણી” કરવા બદલ બિસ્વનાથમાંથી ધરપકડ કરવામાં આવી હતી. આ ઉપરાંત, અન્ય ધરપકડ કરાયેલા લોકોમાં પત્રકાર, વકીલ, અસમ યુનિવર્સિટીનો વિદ્યાર્થી અને એક વિદ્યાર્થી નેતાનો સમાવેશ થાય છે. આ તમામ પર ભારતીય ન્યાય સંહિતાની કલમ 152 (રાજદ્રોહ) સહિતની અન્ય કલમો હેઠળ કેસ નોંધવામાં આવ્યા છે.

આ પણ વાંચો :  LIVE:Pahelgam Terrorist attack: આજે PM મોદી 'મન કી બાત' કાર્યક્રમમાં દેશ અને દુનિયાને સંબોધિત કરશે