CBI ના હથ્થે ચડ્યો NIA નો અધિકારી, 20 લાખની લાંચ લેતા ઝડપાયો
- પટનામાં NIA અધિકારીની ધરપકડ
- 20 લાખની લાંચ લેતા ઝડપાયો
- બે વચેટિયાઓની પણ ધરપકડ
સેન્ટ્રલ બ્યુરો ઑફ ઇન્વેસ્ટિગેશન (CBI) એ NIA અધિકારીની ધરપકડ કરી છે. પટના NIA યુનિટમાં તૈનાત નાયબ પોલીસ અધિક્ષક અને બે વચેટિયાની એક વ્યક્તિ પાસેથી 20 લાખ રૂપિયાની લાંચ લેતા ધરપકડ કરવામાં આવી છે. અધિકારીઓએ આ માહિતી આપી હતી.
NIA અધિકારીને ખોટા કેસમાં ફસાવી રહ્યા હતા...
અધિકારીઓએ જણાવ્યું હતું કે આરોપી NIA અધિકારીએ તેની સામે પેન્ડિંગ કેસની તપાસ કરતા વ્યક્તિને બચાવવા માટે લાંચ લીધી હતી. તેમણે કહ્યું કે CBI ને રામૈયા કન્સ્ટ્રક્શનના માલિક રોકી યાદવ તરફથી ફરિયાદ મળી હતી કે નાયબ પોલીસ અધિક્ષક અજય પ્રતાપ સિંહ તેમના પરિવારને લાયસન્સ વિના ગેરકાયદેસર હથિયાર રાખવાના ખોટા કેસમાં ફસાવવાની ધમકી આપીને તેમની પાસેથી પૈસા પડાવી રહ્યા છે.
CBI APPREHENDS DySP NIA AND TWO MIDDLEMEN IN A CASE OF DEMANDING AND ACCEPTING BBRIBE OF Rs 20 LAKH AND CONDUCTS SEARCHES pic.twitter.com/bvR2KDRGCd
— Central Bureau of Investigation (India) (@CBIHeadquarters) October 4, 2024
આ પણ વાંચો : Mirzapur માં ભયાનક માર્ગ અકસ્માત, ટ્રેક્ટર-ટ્રોલી સાથે ટ્રક અથડાઈ, 10 મજૂરોના મોત
NIA એ કન્સ્ટ્રક્શન કંપનીના માલિકના ઘરની તપાસ કરી...
અધિકારીઓએ જણાવ્યું કે NIA એ 19 સપ્ટેમ્બરે યાદવના ઘરની તપાસ કરી હતી અને તેને 26 સપ્ટેમ્બરે કેસના તપાસ અધિકારી સિંહ સમક્ષ પૂછપરછ માટે હાજર થવા કહ્યું હતું. તેમણે કહ્યું કે અજય પ્રતાપ સિંહ પર યાદવને ધમકી આપવાનો અને તપાસના પરિણામો બચાવવા માટે 2.5 કરોડ રૂપિયાની લાંચ માંગવાનો આરોપ છે.
આ પણ વાંચો : વંદે ભારત ટ્રેન પર એકવાર ફરી પથ્થરમારો, યાત્રીઓમાં ફેલાયો ડરનો માહોલ
કાયદેસરની કાર્યવાહી હાથ ધરી...
એક અધિકારીએ જણાવ્યું કે રોકી યાદવ પોતાના પરિવારને ખોટા આરોપોથી બચાવવા માટે અજય પ્રતાપ સિંહને લાંચ આપવા માટે તૈયાર થયો હતો. આ મામલાની તપાસ દરમિયાન CBI એ NIA અધિકારીની લાંચ લેતા ધરપકડ કરી છે. હવે આરોપી અધિકારી સામે કાયદેસરની કાર્યવાહી કરવામાં આવી રહી છે.
આ પણ વાંચો : 'વૈવાહિક દુષ્કર્મ કાનૂની નહીં પણ સામાજિક મુદ્દો' SCમાં કેન્દ્ર સરકારનું એફિડેવિટ