આજે દેશના 15માં રાષ્ટ્રપતિની ચૂંટણી, ટ્રૌપદી મુર્મૂ અને યશવંત સિંહા વચ્ચે જોવા મળશે જંગ

ભારતના 15માં રાષ્ટ્રપતિની ચૂંટણી માટે લગભગ 4,800 ચૂંટાયેલા સાંસદો અને ધારાસભ્યો આજે મતદાન કરશે. એનડીએના દ્રૌપદી મુર્મૂ અને વિપક્ષના યશવંત સિંહા વચ્ચે મુકાબલો થશે. દિલ્હીમાં સંસદ ભવન અને રાજ્યોની વિધાનસભાઓમાં મતદાન શરૂ થઇ ચુક્યું છે. દેશના વડાપ્રધાન મોદી અને ગૃહ મંત્રી અમીત શાહે મતદાન દિલ્હીમાં મતદાન કર્યું. જ્યારે ગુજરાતના મુખ્યમંત્રી ભુપેન્દ્ર પટેલે ગાંધીનગરમાં મતદાન કર્યું.

આજે 15માં રાષ્ટ્રપતિની ચૂંટણી માટે મતદાન શરૂ થઇ ગયું છે. એનડીએના ઉમેદવાર દ્રૌપદી મુર્મુ અને વિપક્ષના ઉમેદવાર યશવંત સિંહા વચ્ચે આ મુકાબલો છે. જો આંકડાઓની વાત કરીએ તો દ્રૌપદી મુર્મુની જીત નિશ્ચિત માનવામાં આવે છે, જોકે પરિણામની ઔપચારિક જાહેરાત 21 જુલાઈએ કરવામાં આવશે. મતદાન પહેલા વિપક્ષી ઉમેદવાર યશવંત સિંહાએ અંતરાત્માના આધારે મતદાન કરવાની અપીલ કરી હતી. રાષ્ટ્રપતિની ચૂંટણીને ધ્યાનમાં રાખીને સોમવારે છત્તીસગઢ વિધાનસભા બિલ્ડિંગમાં મતદાન થવાનું છે, જેના માટે તમામ તૈયારીઓ પૂર્ણ કરી લેવામાં આવી છે. રાજ્યના જનસંપર્ક વિભાગના અધિકારીઓએ જણાવ્યું હતું કે, દેશના 15માં રાષ્ટ્રપતિ માટે 18 જુલાઈ, સોમવારે ચૂંટણી યોજાવાની છે. 90 સભ્યોની રાજ્ય વિધાનસભાના સભ્યોના મતદાન માટે વિધાનસભા બિલ્ડિંગના કમિટી રૂમ-2માં મતદાન મથક ઊભું કરવામાં આવ્યું છે. 

સવારે 10 થી સાંજના 5 વાગ્યા સુધી મતદાન યોજાશે. 21 જુલાઈએ મતગણતરી થશે અને આગામી રાષ્ટ્રપતિની શપથ ગ્રહણ 25 જુલાઈએ થશે. અધિકારીઓએ જણાવ્યું કે, રાષ્ટ્રપતિની ચૂંટણીમાં છત્તીસગઢના ધારાસભ્યના વોટ વેલ્યુ 129 છે. નેશનલ ડેમોક્રેટિક એલાયન્સ (NDA) તરફથી દ્રૌપદી મુર્મુ અને યુનાઈટેડ પ્રોગ્રેસિવ એલાયન્સ (UPA) તરફથી પૂર્વ કેન્દ્રીય મંત્રી યશવંત સિંહા રાષ્ટ્રપતિ પદના ઉમેદવાર છે. મહત્વનું છે કે, રાષ્ટ્રપતિની ચૂંટણીમાં કોઈપણ પક્ષ વ્હીપ જારી કરતું નથી. આ બધાની વચ્ચે અહીં અમે તમને ચૂંટણી પ્રક્રિયા વિશે જણાવીશું. રાષ્ટ્રપતિની ચૂંટણી બેલેટ પેપરથી થાય છે, ખાસ વાત એ છે કે સાંસદો લીલા રંગના બેલેટ પેપર દ્વારા મતાધિકારનો ઉપયોગ કરે છે જ્યારે ધારાસભ્યો ગુલાબી બેલેટ પેપરનો ઉપયોગ કરે છે.