Good bye સાયરસ મિસ્ત્રી, અનિલ અંબાણી-સુપ્રિયા સુળે સહિત અનેક હસ્તીઓ હાજર રહ્યા

મિસ્ત્રીને ટાટા સન્સમાંથી હાંકી કાઢવામાં આવ્યા બાદ ચંદ્રશેખરનને 2017માં ચેરમેન તરીકે નિયુક્ત કરવામાં આવ્યા હતા. ચંદ્રશેખરને મિસ્ત્રીના નિધન પર કહ્યું કે, સાયરસ મિસ્ત્રીના અકાળે અવસાનથી હું ખૂબ જ દુઃખી છું. તેને જીવન પ્રત્યેનો જુસ્સો હતો અને આટલી નાની ઉંમરે તેણે દુનિયાને અલવિદા કહેવું પડ્યું તે ખૂબ જ દુ:ખદ છે. આ મુશ્કેલ સમયમાં મારી સંવેદના તેમના પરિવાર સાથે છે.

TCS એ પણ એક નિવેદન જારી કરીને કહ્યું કે, TCS અમારા ભૂતપૂર્વ ચેરમેન સાયરસ મિસ્ત્રીના અકાળે અવસાન પર શોક વ્યક્ત કરી રહી છે. તેઓ એક જુસ્સાદાર માણસ હતા જેમણે કંપનીના ચેરમેન તરીકે TCS પરિવાર સાથે મજબૂત સંબંધ બનાવ્યો હતો.

અમદાવાદ-મુંબઈ હાઈવે પર સાયરસ મિસ્ત્રીની કાર ડિવાઈડરમાં અથડાઈ હતી. આ અકસ્માતમાં મિસ્ત્રી અને જહાંગીર દિનશા પંડોલે મૃત્યુ પામ્યા હતા. આ બંને લોકો પાછળની સીટ પર બેઠા હતા. તે જ સમયે અનાહિતા પંડોલે (55 વર્ષ) કાર ચલાવી રહી હતી. તેઓ જાણીતા ગાયનેકોલોજિસ્ટ છે. કારમાં સાયરસ મિસ્ત્રી અને અનાહિતા પંડોલે સિવાય તેમના પતિ ડેરિયસ પંડોલે બેઠા હતા. આ અકસ્માતમાં અનાહિતા અને તેનો પતિ ડેરિયસ આબાદ બચી ગયા છે. દંપતીને ગંભીર ઈજાઓ પહોંચી છે. બંને ગુજરાતના વાપીની ખાનગી હોસ્પિટલમાં સારવાર લઈ રહ્યા હતા. હવે બંનેને મુંબઈની ખાનગી હોસ્પિટલમાં ખસેડવામાં આવ્યા છે.રાજ્ય સરકારે પહેલાથી જ અકસ્માતની તપાસના આદેશ આપી દીધા છે.

ટાટા ગ્રુપના પૂર્વ ચેરમેન સાયરસ મિસ્ત્રીનો પોસ્ટમોર્ટમ રિપોર્ટ સામે આવ્યો છે. આ મુજબ, સાયરસ મિસ્ત્રી અને તેમના મિત્ર જહાંગીર પંડોલેનું માથા અને મહત્વપૂર્ણ અવયવોમાં બાહ્ય અને આંતરિક ઇજાઓને કારણે મૃત્યુ થયું હતું. જેજે હોસ્પિટલમાં સાયરસ મિસ્ત્રી અને તેમના મિત્રનું પોસ્ટમોર્ટમ કરવામાં આવ્યું હતું.

ડોક્ટરે જણાવ્યું કે સાયરસ મિસ્ત્રી અને જહાંગીરને ઘણી ઈજાઓ છે. માથા, છાતી અને અન્ય અંગો પર ઈજાઓ થઈ હતી. જેના કારણે તેનું તુરંત મોત નિપજ્યું હતું. જેજે હોસ્પિટલ પ્રશાસન દ્વારા કહેવામાં આવ્યું હતું કે સેમ્પલને વિસેરા તપાસ માટે મોકલવામાં આવશે. જેથી એ જાણી શકાય કે તેમના શરીરમાં કોઈપણ પ્રકારનું કેમિકલ, આલ્કોહોલ કે ઝેર મળી આવ્યું નથી.