ગેંગસ્ટર અમન સાહુના એન્કાઉન્ટર પર લોરેન્સના ભાઈ અનમોલે કરી પોસ્ટ, લખ્યું, 'બધાનો હિસાબ જલ્દી જ થશે'

• અનમોલ બિશ્નોઈએ સોશિયલ મીડિયા પર ભડકાઉ પોસ્ટ કરી
• અનમોલ બાબા સિદ્દીકી મર્ડર અને સલમાનના ઘરે ફાયરિંગ કેસમાં વોન્ટેડ
• અનમોલે ખુલ્લેઆમ પોતાનો ઈરાદો વ્યક્ત કર્યો

Anmol Bishnoi Post : ઝારખંડના પલામુમાં એક એન્કાઉન્ટરમાં કુખ્યાત ગેંગસ્ટર અમન સાહુના મોત બાદ, ગેંગસ્ટર લોરેન્સ બિશ્નોઈના ભાઈ અનમોલ બિશ્નોઈએ સોશિયલ મીડિયા પર એક ભડકાઉ પોસ્ટ મૂકી છે. અમનને પોતાનો ભાઈ ગણાવતા અનમોલે લખ્યું કે ટૂંક સમયમાં બધાનો હિસાબ થશે. અનમોલ બિશ્નોઈ પહેલાથી જ મુંબઈના બાબા સિદ્દીકી મર્ડર કેસ અને સલમાન ખાનના ઘરે ફાયરિંગ કેસમાં વોન્ટેડ છે.

અનમોલ બિશ્નોઈએ ભડકાઉ પોસ્ટ કરી

ગેંગસ્ટર લોરેન્સ બિશ્નોઈના ભાઈ અનમોલ બિશ્નોઈએ ઝારખંડના પલામુમાં બે દિવસ પહેલા પોલીસ એન્કાઉન્ટરમાં માર્યા ગયેલા કુખ્યાત ગેંગસ્ટર અમન સાહુને લઈને ભડકાઉ પોસ્ટ કરી છે. અનમોલ પોતે પણ અનેક કેસોમાં વોન્ટેડ છે. તેણે સોશિયલ મીડિયા પર પોસ્ટ કરીને કહ્યું કે અમન સાહુ તેનો 'ભાઈ' હતો અને તેના માટે તે લડાઈ ચાલુ રાખશે.

અમે અમારા ભાઈ અમન સાહુ માટે લડીશું

સોશિયલ મીડિયા પર એક પોસ્ટમાં અનમોલ બિશ્નોઈએ લખ્યું છે કે બે દિવસ પહેલા અમન સાહુ પોલીસ એન્કાઉન્ટરમાં માર્યો ગયો હતો. તે અમારો ભાઈ હતો અને અમે અમારા ભાઈ અમન સાહુ માટે લડીશું. જે પણ થયું છે તે ખૂબ જ ખોટું છે, જલ્દી જ દરેકનો હિસાબ થશે. અનમોલે પોસ્ટના અંતે ‘જય બલ્કરી’ અને ‘લોરેન્સ બિશ્નોઈ ગ્રુપ’ લખીને ખુલ્લેઆમ પોતાનો ઈરાદો વ્યક્ત કર્યો છે. મુંબઈમાં બાબા સિદ્દીકી હત્યા કેસ ઉપરાંત, અનમોલ અભિનેતા સલમાન ખાનના ઘરે ફાયરિંગ કેસમાં પણ વોન્ટેડ છે.

આ પણ વાંચો :  લદ્દાખના કારગિલમાં 5.2ની તીવ્રતાનો ભૂકંપ, જમ્મુ-કાશ્મીરમાં પણ અનુભવાયા આંચકા

અમન સાહુ એન્કાઉન્ટરમાં માર્યો ગયો

તમને જણાવી દઈએ કે ઝારખંડનો કુખ્યાત ગેંગસ્ટર અમન સાહુ તાજેતરમાં સ્પેશિયલ ટાસ્ક ફોર્સ (STF) દ્વારા એન્કાઉન્ટરમાં માર્યો ગયો હતો. પોલીસના જણાવ્યા અનુસાર, અમન સાહુએ STS જવાન પાસેથી INSAS રાઇફલ છીનવીને ભાગવાનો પ્રયાસ કર્યો હતો. આ દરમિયાન તેણે સૈનિક પર ગોળીબાર કર્યો હતો. આ હુમલામાં જવાન ઘાયલ થયો હતો. ગોળીબાર બાદ STFએ જવાબી કાર્યવાહી કરીને કુખ્યાત ગેંગસ્ટરને ઠાર માર્યો હતો. ઘાયલ કોન્સ્ટેબલનું નામ રાકેશ કુમાર છે. તેમને મેદિનીનગરના MMCHમાં દાખલ કરવામાં આવ્યા છે.

અમન સાહુએ ભાગવાનો પ્રયાસ કર્યો

ગેંગસ્ટર અમન સાહુ છત્તીસગઢની રાજધાની રાયપુરની જેલમાં હતો, જ્યાંથી તેને ઝારખંડની રાજધાની રાંચી લઈ જવામાં આવી રહ્યો હતો. આ દરમિયાન, તેણે પલામુના ચૈનપુર નજીક ભાગી જવાનો પ્રયાસ કર્યો અને પોલીસ સાથેની એન્કાઉન્ટરમાં તેનું મોત થયું. પલામુના એસપી રેશ્મા રમેશને એન્કાઉન્ટરની પુષ્ટિ કરી હતી.

આ પણ વાંચો :  એકતાનો પ્રતીક છે આ તહેવાર...' PM મોદીએ દેશવાસીઓને પાઠવી હોળીની શુભેચ્છા

અમન સાહુ પણ નક્સલવાદી હતો

અમન સાહુ રાંચીના નાનકડા ગામ મતબેનો રહેવાસી હતો. ઝારખંડમાં તેની વિરુદ્ધ ખંડણી, હત્યા સહિત 100 થી વધુ કેસ નોંધાયેલા હતા. તે એક સમયે કટ્ટર નક્સલવાદી હતો અને તેણે 2013 ની આસપાસ પોતાની ગેંગ બનાવી હતી. કોરબામાં ગોળીબાર બાદ રાયપુર પોલીસે તેની ગેંગના 4 સભ્યોની ધરપકડ કરી હતી. તાજેતરમાં, રાયપુરના શંકર નગર વિસ્તારમાં એક બિઝનેસ પાર્ટનરના ઘરની બહાર ગોળીબારની ઘટના બાદ, રાયપુર પોલીસે તેની ધરપકડ કરી હતી અને તેની પૂછપરછ કરી રહી હતી.

બિશ્નોઈ ગેંગ સાથે હતો અમનનો સંબંધ

અમન સાહુનું નામ કુખ્યાત ગેંગસ્ટર લોરેન્સ બિશ્નોઈ સાથે જોડાયું હતું. સૂત્રોના જણાવ્યા અનુસાર, અમન લોરેન્સને ગુંડાઓ સપ્લાય કરતો હતો અને બદલામાં તેને હાઇટેક હથિયારો મળતા હતા. 13 જુલાઈના રોજ રાયપુરના તેલીબંધા વિસ્તારમાં બિલ્ડરની ઓફિસ પર ગોળીબારના કેસમાં પણ અમનની ગેંગનું નામ સામે આવ્યું હતું.

આ પણ વાંચો : Delhi : હોળી પહેલા જ વરસાદ, ભારે પવન સાથે બરફના પડ્યા કરા