Waqf Amendment Act ના સમર્થનમાં 7 રાજ્ય સરકારો સુપ્રીમ કોર્ટ પહોંચી, નવા કાયદાને પારદર્શક અને ન્યાયી ગણાવ્યો

• Waqf Act ના સમર્થનમાં 7 રાજ્ય સરકારો સુપ્રીમ કોર્ટ પહોંચી
• ચારેય રાજ્યોએ અરજદારોની દલીલનો વિરોધ કર્યો
• બધા રાજ્યોએ કોર્ટને તેમનો પક્ષ પણ સાંભળવા જણાવ્યું

Waqf Amendment Act: સુપ્રીમ કોર્ટમાં વકફ સુધારા કાયદા પર સુનાવણી પહેલા સાત રાજ્યોની સરકારોએ સુપ્રીમ કોર્ટનો સંપર્ક કર્યો છે. મહારાષ્ટ્ર, આસામ, રાજસ્થાન, છત્તીસગઢ, હરિયાણા, મધ્યપ્રદેશ અને ઉત્તરાખંડની સરકારોએ અરજીઓ દાખલ કરી છે અને નવા કાયદાને સમર્થન આપ્યુ છે. આ રાજ્યોએ કહ્યું છે કે નવો કાયદો પારદર્શક, ન્યાયી અને વ્યવહારુ છે. કાયદા વિરુદ્ધ દાખલ કરાયેલી અરજીઓનો વિરોધ કરતા, આ બધા રાજ્યોએ કોર્ટને તેમનો પક્ષ પણ સાંભળવા જણાવ્યું છે.

નવો કાયદો સારા ઇરાદા સાથે લાવવામાં આવ્યો

રાજસ્થાન સરકારે કહ્યું છે કે નવો કાયદો ખૂબ જ સારા ઇરાદા સાથે લાવવામાં આવ્યો છે. વિગતવાર ચર્ચા અને સંસદીય પ્રક્રિયા પછી બનાવવામાં આવેલ આ કાયદો, તમામ કાયદાકીય ચિંતાઓનુ સમાધાન કરે છે. જે લોકોએ આ કાયદા વિરુદ્ધ અરજી દાખલ કરી છે તેઓ જમીની વાસ્તવિકતાઓ પ્રત્યે આંખ આડા કાન કરી રહ્યા છે. જૂના કાયદાને કારણે રાજ્યોને ઘણી સમસ્યાઓનો સામનો કરવો પડ્યો. તે સમસ્યાઓ હવે ઉકેલાઈ ગઈ છે.

આ પણ વાંચો :  Lucknow Fire: લોકબંધુ હોસ્પિટલમાં ભીષણ આગ, અનેક દર્દીઓ ફસાયા

'જૂના કાયદાની કલમ 40 નો દુરુપયોગ ચિંતાનો વિષય

અરજીમાં એમ પણ કહેવામાં આવ્યું છે કે જૂના કાયદાની કલમ 40નો દુરુપયોગ ચિંતાનો વિષય છે. તે કલમે વકફ બોર્ડને કોઈપણ મિલકતને વકફ તરીકે જાહેર કરવાની અને તેના પર દાવો કરવાની સત્તા આપી હતી. હવે જમીન મહેસૂલ રેકોર્ડમાં કોઈપણ ફેરફાર કરતા પહેલા જાહેર નોટિસ જારી કરવાની શરત લાદવામાં આવી છે. આ મિલકતો પર મનસ્વી દાવાઓને નિયંત્રિત કરવામાં મદદ કરશે.

ચારેય રાજ્યોએ અરજદારોની દલીલનો વિરોધ કર્યો છે કે વકફ સુધારો કાયદો બંધારણની વિરુદ્ધ છે. રાજ્યોએ કહ્યું છે કે આ કાયદો સિસ્ટમમાં સુધારો કરવા અને પ્રક્રિયામાં સ્પષ્ટતા લાવવા માટે છે. આમાં વક્ફ બોર્ડ ઉપરાંત સામાન્ય લોકોના હિતોનું પણ ધ્યાન રાખવામાં આવ્યું છે. આ કાયદો કોઈની સાથે ભેદભાવ કરતો નથી.   '

આ પણ વાંચો :  Murshidabad Violence: મુર્શિદાબાદમાં હિંસા બાદ મમતા બેનરજી પહેલી પ્રતિક્રિયા,જાણો શું કહ્યું