રોયલ ચેલેન્જર્સ બેંગ્લોરે ટોસ જીતી પહેલા બેટિંગનો કર્યો નિર્ણય
IPL 2022 ની 43મી મેચમાં, ટેબલમાં ટોચ પર રહેલી ગુજરાત ટાઇટન્સનો મુકાબલો રોયલ ચેલેન્જર્સ બેંગ્લોર સામે થશે. ફાફ ડુ પ્લેસિસની આગેવાની હેઠળ રોયલ ચેલેન્જર્સ બેંગ્લોરે ટોસ જીતીને પ્રથમ બેટિંગ કરવાનો નિર્ણય લીધો છે. બંને ટીમો બદલાવ સાથે મેદાનમાં ઉતરવાની છે. ગુજરાત ટાઇટન્સના કેપ્ટન હાર્દિક પંડ્યાએ તેની પ્લેઇંગ ઇલેવનમાં બે ફેરફાર કર્યા છે. તેણે યશ દયાલ અને અભિનવ મનોહરના સ્થાને પ્રદીપ સાંગàª
IPL 2022 ની 43મી મેચમાં, ટેબલમાં ટોચ પર રહેલી ગુજરાત ટાઇટન્સનો મુકાબલો રોયલ ચેલેન્જર્સ બેંગ્લોર સામે થશે. ફાફ ડુ પ્લેસિસની આગેવાની હેઠળ રોયલ ચેલેન્જર્સ બેંગ્લોરે ટોસ જીતીને પ્રથમ બેટિંગ કરવાનો નિર્ણય લીધો છે. બંને ટીમો બદલાવ સાથે મેદાનમાં ઉતરવાની છે. ગુજરાત ટાઇટન્સના કેપ્ટન હાર્દિક પંડ્યાએ તેની પ્લેઇંગ ઇલેવનમાં બે ફેરફાર કર્યા છે. તેણે યશ દયાલ અને અભિનવ મનોહરના સ્થાને પ્રદીપ સાંગવાન અને સાઈ સુદર્શનને પ્લેઈંગ ઈલેવનમાં સામેલ કર્યા છે. ગુજરાતની વાત કરીએ તો આ ટીમે 8 મેચ રમીને 7 મેચ જીતી છે. GT નો રનિંગ રેટ પણ +0.371 છે. બીજી તરફ બેંગ્લોરે 9 મેચ રમી છે અને 5 વખત જીત મેળવી છે. જોકે, હવે આરસીબી ટીમનો આત્મવિશ્વાસ ઘટતો હોય તેવું લાગી રહ્યું છે.
Advertisement
બેંગ્લોરની ટીમ આત્મવિશ્વાસથી ભરપૂર ગુજરાત ટાઇટન્સ સામે રમવા ઉતરશે ત્યારે બધાની નજર ફરી એકવાર વિરાટ કોહલીના બેટ પર રહેશે. જે લાંબા સમયથી મૌન છે. કોહલી આ સીઝનમાં નવ મેચમાં માત્ર 128 રન જ બનાવી શક્યો છે અને તેનો સર્વોચ્ચ સ્કોર 48 રન છે. છેલ્લી મેચમાં તેને ઇનિંગ્સની શરૂઆત કરવા મોકલવામાં આવ્યો હતો પરંતુ તે માત્ર નવ રન બનાવી શક્યો હતો. તે પ્રથમ બે મેચમાં ખાતું પણ ખોલી શક્યો ન હતો. RCB હાલમાં નવમાંથી પાંચ મેચ જીતીને પાંચમાં સ્થાને છે. બીજી તરફ ટાઇટન્સે સમગ્ર ટૂર્નામેન્ટમાં અસાધારણ રીતે સારો દેખાવ કર્યો છે. ટાઇટન્સ, જેણે આઠમાંથી સાત મેચ જીતી છે, તેણે સળંગ પાંચ મેચ જીતી છે. આ મેચ જીતવાથી પ્લેઓફમાં તેનું સ્થાન લગભગ નિશ્ચિત થઈ જશે.
GT પ્લેઇંગ 11 -
રિદ્ધિમાન સાહા, શુભમન ગિલ, હાર્દિક પંડ્યા, ડેવિડ મિલર, રાહુલ તેવટિયા, સાઇ સુદર્શન, રાશિદ ખાન, અલઝારી જોસેફ, પ્રદીપ સાંગવાન, લોકી ફર્ગ્યુસન, મોહમ્મદ શમી
A look at the Playing XI of the two sides 👇
Follow the match ▶️ https://t.co/FVnv8ovvEQ #TATAIPL | #GTvRCB pic.twitter.com/PIjUsgS85Z
— IndianPremierLeague (@IPL) April 30, 2022
RCB પ્લેઈંગ 11 -
વિરાટ કોહલી, ફાફ ડુ પ્લેસિસ, રજત પાટીદાર, ગ્લેન મેક્સવેલ, શાહબાઝ અહેમદ, સુયશ પ્રભુદેસાઈ, દિનેશ કાર્તિક, વનિન્દો હસરંગા, હર્ષલ પટેલ, મોહમ્મદ સિરાજ, જોશ હેઝલવુડ
Advertisement