માર્કસ સ્ટોઈનિસે આઉટ થયા બાદ Umpire ને આપી ગાળો

આ મેચની અંતિમ ક્ષણોમાં માર્કસ સ્ટોઈનિસ RCB સામે પડકાર બનીને ઊભો હતો. પરંતુ, તેની વિકેટ સાથે RCBની જીત નિશ્ચિત થઈ ગઈ હતી. જોકે, આઉટ થયા બાદ સ્ટોઈનિસ તેનુ માનસિક સંતુલન ગુમાવી બેઠો હતો. જેનો વિડીયો તમે પણ જોઇ શકો છો. વાસ્તવમાં આ સમગ્ર મામલો 19મી ઓવરના બીજા બોલ દરમિયાન જોવા મળ્યો હતો. જોશ હેઝલવૂડે આ બોલ આગળ ફેક્યો હતો, જેના પર માર્કસ સ્લોગ સ્વીપ રમવા માંગતો હતો. પરંતુ, તે તેમ કરી શક્યો નહીં અને તેની વિકેટ ગુમાવી દીધી. વિકેટ પડ્યા બાદ તે ખૂબ જ ગુસ્સામાં દેખાઇ રહ્યો હતો. આ દરમિયાન, તે સ્ટમ્પ માઈક પર ગાળો આપતો પણ કેદ થયો હતો અને આ રેકોર્ડિંગ પણ થયું હતું. 

વાયરલ થઈ રહેલા વિડીયોમાં પણ તમે જોઈ શકો છો કે કેવી રીતે માર્કસ સ્ટોઈનિસ વિકેટ ગુમાવ્યા બાદ વચ્ચેના મેદાન પર ગુસ્સેથી લાલ થઇ જાય છે. આ સમયે, RCB સામે તેની વિકેટ ગુમાવ્યા પછી, તે જાણતો હતો કે તે ટીમ માટે કેટલું મોંઘું સાબિત થઈ શકે છે. કારણ કે જ્યાં સુધી તે ક્રિઝ પર હતો ત્યાં સુધી લખનૌની જીતની આશા ટકી હતી. એટલા માટે માર્કસ સ્ટોઈનિસ પોતાની વિકેટ ગુમાવ્યા બાદ ખૂબ જ નિરાશ થઈ ગયો હતો. તેથી જ ક્લીન બોલ્ડ થવાની નારાજગી તેના વર્તનમાંથી સ્પષ્ટ દેખાતી હતી.