KKR vs GT : ગુજરાત ટાઈટન્સે કોલકાતા નાઈટ રાઈડર્સને 39 રને હરાવ્યું

• ગુજરાત ટાઈટન્સે કોલકાતાને 39 રને હરાવ્યું
• શુભમન ગિલ ગુજરાતની જીતનો હીરો હતો
• ગુજરાતના કેપ્ટને 55 બોલમાં 90 રન બનાવ્યા

KKR vs GT : IPL 2025 માં ગુજરાત ટાઇટન્સની ટીમને રોકવી (KKR vs GT)મુશ્કેલ જ નહીં પણ અશક્ય પણ લાગે છે. શુભમન ગિલના નેતૃત્વમાં, આ ટીમે હવે KKR ને તેના હોમ ગ્રાઉન્ડ ઇડન ગાર્ડન્સ પર 39 રનથી હરાવ્યું છે. પ્રથમ બેટિંગ કરતા ગુજરાતે 20 ઓવરમાં 198 રન બનાવ્યા, જેના જવાબમાં KKR ની બેટિંગ નિષ્ફળ ગઈ અને તેઓ આ સિઝનમાં પોતાની પાંચમી મેચ હારી ગયા. બીજી તરફ, ગુજરાતની ટીમ 8 માંથી 6 મેચ જીતી છે અને પોઈન્ટ ટેબલમાં ટોચ પર છે. શુભમન ગિલ ગુજરાતની જીતનો હીરો હતો. ગુજરાતના કેપ્ટને 55 બોલમાં 90 રન બનાવ્યા. તેના સાથી ઓપનર સાઈ સુદર્શને 36 બોલમાં 52 રન બનાવ્યા. જોસ બટલરે 23 બોલમાં 41 રન બનાવ્યા.

ગુજરાતની શાનદાર બોલિંગ

સારી બેટિંગ બાદ ગુજરાતના ખેલાડીઓએ પણ સારી બોલિંગ કરી. સિરાજ, કૃષ્ણા, રાશિદ ખાન, આર સાઈ કિશોર ખૂબ અસરકારક સાબિત થયા. કોલકાતાના વિસ્ફોટક બેટ્સમેન ગુરબાઝ ફક્ત 1 રન બનાવી શક્યા. નરેને 17 રનનું યોગદાન આપ્યું. ઐયરે ૧૯ બોલમાં ફક્ત ૧૪ રન બનાવ્યા અને એક પણ બાઉન્ડ્રી ફટકારી શક્યો નહીં. રસેલે 15 બોલમાં 21 રન બનાવ્યા.

આ પણ  વાંચો -BCCI એ સેન્ટ્રલ કોન્ટ્રાક્ટ લિસ્ટની કરી જાહેરાત, માત્ર 4 ખેલાડીઓને જ મળ્યું A ગ્રેડમાં સ્થાન

KKRનો મિડલ ઓર્ડર ફરી ફ્લોપ

કોલકાતા નાઈટ રાઈડર્સે શરૂઆતની બે વિકેટ છતાં પાવરપ્લેમાં 45 રન બનાવ્યા. ત્યારબાદ, આગામી 10 ઓવરમાં, કોલકાતાના બેટ્સમેનોએ ખૂબ જ ધીમી બેટિંગ કરી. ખાસ કરીને 23.75 કરોડ રૂપિયાનો પગાર મેળવતા વેંકટેશ ઐયરનો 73 ની આસપાસનો સ્ટ્રાઈક રેટ KKR માટે ખૂબ મોંઘો સાબિત થયો. પાવર પ્લે પછી, કોલકાતા આગામી 10 ઓવરમાં ફક્ત 74 રન બનાવી શક્યું. જ્યારે ટીમ 199 રનના મોટા લક્ષ્યનો પીછો કરી રહી હતી, ત્યારે કોલકાતાએ વચ્ચેની ઓવરોમાં આક્રમક બેટિંગ કરવી જોઈતી હતી.વેંકટેશ ઐયરની ધીમી ઈનિંગ્સ કોલકાતાની ટીમ માટે મોંઘી સાબિત થઈ. 12 કરોડ રૂપિયામાં રિટેન કરાયેલો સુનીલ નારાયણ ફક્ત 17 રન બનાવી શક્યો અને બોલિંગ કરતી વખતે કોઈ વિકેટ લઈ શક્યો નહીં. મોઈન અલીનો બેટિંગ ક્રમ દર્શાવે છે કે KKRનું ટીમ કોમ્બિનેશન કેટલું બગડ્યું છે.

આ પણ  વાંચો -Preity Zinta એ Virat Kohli ને ફોનમાં શું બતાવ્યું? જુઓ વીડિયો વાયરલ

રહાણેએ હારનું કારણ જણાવ્યું

અજિંક્ય રહાણેના મતે, ૧૯૮ રન ઘણા વધારે હતા પણ તેનો પીછો કરી શકાયો હોત. પરંતુ સારી ઓપનિંગ મળી નહીં અને બેટિંગ નિષ્ફળ ગઈ. રહાણેએ સ્વીકાર્યું કે પિચ ધીમી હતી પરંતુ વચ્ચેની ઓવરોમાં સારી બેટિંગ થઈ શકી હોત. એકંદરે, રહાણેએ હાર માટે શરૂઆતના બેટ્સમેનોને જવાબદાર ઠેરવ્યા. રહાણેએ કહ્યું કે ફિલ્ડિંગ પણ નબળી હતી અને કોલકાતાને તેનું પરિણામ ભોગવવું પડ્યું.