રાજસ્થાનની રોયલ જીત, હૈદરાબાદને 61 રને હરાવી વિજયી શરૂઆત કરી

IPL 2022 ની પાંચમી મેચમાં રાજસ્થાન રોયલ્સનો મુકાબલો પૂણેના મહારાષ્ટ્ર ક્રિકેટ એસોસિએશન (MCA) સ્ટેડિયમમાં સનરાઇઝર્સ હૈદરાબાદ સામે થયો હતો. રાજસ્થાને
હૈદરાબાદને 61 રને હરાવી લીગમાં તેમના અભિયાનની વિજયી શરૂઆત કરી હતી. ટોસ હાર્યા
બાદ બેટિંગ કરવાનું પસંદ કરતા રાજસ્થાને 6 વિકેટે 210 રનનો વિશાળ સ્કોર બનાવ્યો
અને ત્યારબાદ નિર્ધારિત 20 ઓવરમાં હૈદરાબાદને 7 વિકેટે 149 રન કરી શક્યું હતું.

The @rajasthanroyals start their #TATAIPL campaign on a winning note.

Three wickets for @yuzi_chahal and two wickets apiece for Trent Boult and Prasidh Krishna as #RR win by 61 runs.

Scorecard - https://t.co/WOQ4HjEIEr #SRHvRR #TATAIPL pic.twitter.com/5baoMqXxip

— IndianPremierLeague (@IPL) March 29, 2022

" title="" target="">javascript:nicTemp();

આ મેચમાં કેપ્ટન
સંજુ સેમસને રાજસ્થાન માટે પોતાની 100મી મેચમાં 55 રન બનાવ્યા અને તેની 16મી અડધી
સદી ફટકારી. તેમના સિવાય જોસ બટલરે 35, દેવદત્ત પડિકલે 41, યશસ્વી જયસ્વાલે 20 અને શિમરોન હેટમાયરે 13 બોલમાં 32 રન બનાવ્યા
હતા. હૈદરાબાદ તરફથી ઉમરાન મલિક અને ટી નટરાજને બે-બે જ્યારે રોમારીયો શેફર્ડ અને
ભુવનેશ્વર કુમારે એક-એક વિકેટ લીધી હતી.

રાજસ્થાન તરફથી
મળેલા 211 રનના લક્ષ્યાંકનો પીછો કરવા ઉતરેલી હૈદરાબાદની ટીમ આખી ઓવર રમીને 7
વિકેટે 149 રન જ બનાવી શકી હતી. કેપ્ટન કેન વિલિયમસન (2), રાહુલ ત્રિપાઠી (0), નિકોલસ પૂરન (0), અભિષેક શર્મા (9), અબ્દુલ સમદ (4), રોમારિયો શેફર્ડ (24) ખાસ કરી શક્યા ન હતા. તેના સિવાય એડન મકરમ
(અણનમ 57) અને વોશિંટન સુંદરે 40 રન બનાવ્યા હતા. રાજસ્થાન તરફથી યુઝવેન્દ્ર ચહલે
ત્રણ અને પ્રખ્યાત કૃષ્ણા અને ટ્રેન્ટ બોલ્ટે બે-બે વિકેટ લીધી હતી.