રાજસ્થાન રોયલ્સે રોયલ ચેલેન્જર્સ બેંગ્લોરને જીત માટે 145 રનનો ટાર્ગેટ આપ્યો

 IPL 2022ની 39મી મેચમાં રોયલ ચેલેન્જર્સ બેંગ્લોરનો સામનો રાજસ્થાન રોયલ્સ સામે થઈ રહ્યો છે. પુણેના મહારાષ્ટ્ર ક્રિકેટ એસોસિએશન સ્ટેડિયમ (MCA) ખાતે રમાઈ રહેલી સિઝનની આ 39મી મેચમાં રાજસ્થાન રોયલ્સે ટોસ હાર્યા બાદ પ્રથમ બેટિંગ કરતા 8 વિકેટે 144 રન બનાવ્યા હતા. રાજસ્થાન માટે રિયાન પરાગે અણનમ 56 રન બનાવ્યા અને IPLની પોતાની બીજી અડધી સદી પૂરી કરી. તે જ સમયે કેપ્ટન સંજુ સેમસને 27 રન બનાવ્યા હતા. તેના સિવાય બાકીના બેટ્સમેનો કંઈ ખાસ કરી શક્યા ન હતા. દેવદત્ત પડીકલ (7), જોસ બટલર (8), આર અશ્વિન (17), ડેરીલ મિશેલ (16) અને શિમરોન હેટમાયર (3) સસ્તામાં પેવેલિયન પરત ફર્યા હતા. બેંગ્લોર તરફથી મોહમ્મદ સિરાજ, જોશ હેઝલવુડ અને વાનિન્દુ હસંગાએ બે-બે જ્યારે હર્ષલ પટેલે એક વિકેટ ઝડપી હતી. બેંગ્લોર આ મેચ જીતીને IPL
2022ના પોઈન્ટ ટેબલમાં ટોપ-4માં પહોંચવા ઈચ્છશે. રોયલ ચેલેન્જર્સ બેંગ્લોરની ટીમ 2020 બાદ IPLમાં રાજસ્થાન રોયલ્સ સામે એક પણ મેચ
હારી નથી.