ગુજરાત અને મુંબઈ વચ્ચે ટક્કર, ગુજરાત ટાઈટન્સે ટોસ જીતી બોલિંગ પસંદ કરી

હાર્દિક પંડ્યાની ગુજરાત ટાઇટન્સ આજે
રોહિત શર્માની આગેવાની હેઠળની મુંબઈ ઈન્ડિયન્સ સામે ટકરાઈ રહી છે. IPL 2022માં
આ બંને ટીમો પહેલીવાર આમને-સામને થશે. આ મેચમાં ગુજરાત ટાઈટન્સે ટોસ જીતીને બોલિંગ
કરવાનો નિર્ણય કર્યો છે. હાર્દિક પંડ્યા આ મેચમાં પ્લેઓફમાં પ્રવેશવા માટે તેની
ભૂતપૂર્વ ટીમ પર નજર રાખશે, ત્યારે મુંબઈ ઈન્ડિયન્સ ગુજરાત સામે
બીજી જીત મેળવવા મેદાને ઉતરશે. પોઈન્ટ ટેબલ પર નજર કરીએ તો ગુજરાત 16 પોઈન્ટ સાથે ટોપ પર છે, જ્યારે
મુંબઈ બે પોઈન્ટ સાથે 10મા
ક્રમે છે.ગુજરાત ટાઇટન્સને છેલ્લી મેચમાં પંજાબ
કિંગ્સના હાથે 8
વિકેટે હારનો સામનો કરવો પડ્યો હતો. આ સિઝનમાં તેની માત્ર બીજી હાર હતી. જ્યારે સતત
8 હારનો સામનો કર્યા પછી મુંબઈને
તેની છેલ્લી મેચમાં રાજસ્થાન રોયલ્સ સામે પ્રથમ વિજય મળ્યો હતો.