ગુજરાત ટાઈટન્સ અને પંજાબ કિંગ્સ વચ્ચે રોમાંચક મુકાબલો, ગુજરાતે ટોસ જીતીને બોલિંગ પસંદ કરી
IPLની વર્તમાન સિઝનની 16મી મેચ ગુજરાત
ટાઈટન્સ અને પંજાબ કિંગ્સ વચ્ચે રમાઈ રહી છે. આ મેચ મુંબઈના બ્રેબોર્ન સ્ટેડિયમમાં
રમાઈ રહી છે. ગુજરાતે ટોસ જીતીને પ્રથમ બોલિંગ કરવાનો નિર્ણય લીધો હતો.હાર્દિક
પંડ્યાની આગેવાની હેઠળની ગુજરાત ટાઇટન્સની ટીમે તેમની શરૂઆતની બંને મેચો જીતીને
ધમાકેદાર શૈલીમાં IPL 2022માં પ્રવેશ કર્યો છે. બીજી તરફ મયંક
અગ્રવાલની આગેવાની હેઠળની પંજાબ કિંગ્સે આ સિઝનમાં રમાયેલી તેમની ત્રણ મેચમાંથી બે
જીતી છે અને એકમાં હારનો સામનો કરવો પડ્યો છે.
એક તરફ
ગુજરાતનું લક્ષ્ય જીતની હેટ્રિક ફટકારવાનું રહેશે તો પંજાબ પણ ત્રીજો વિજય
નોંધાવવા માંગશે. ગુજરાતની ટીમ 2 મેચમાં 4 પોઈન્ટ સાથે પોઈન્ટ ટેબલમાં ચોથા નંબર
પર છે જ્યારે પંજાબની ટીમ 3 મેચમાં 4 પોઈન્ટ સાથે પાંચમા ક્રમે છે. પંજાબની બેટિંગ
મજબૂત છે જ્યારે ગુજરાતની તાકાત તેની બોલિંગ છે. પંજાબની ટીમમાં ઘણા વિસ્ફોટક
બેટ્સમેન છે અને તેમની બેટિંગમાં ઊંડાણ છે, જ્યારે ગુજરાતની બોલિંગમાં મોહમ્મદ શમી અને લોકી ફર્ગ્યુસન જેવા ઉત્તમ
ફાસ્ટ બોલર છે.
પંજાબ
કિંગ્સ (પ્લેઇંગ ઇલેવન)
મયંક
અગ્રવાલ (કેપ્ટન), શિખર ધવન, લિયામ લિવિંગસ્ટોન, જોની બેરસ્ટો (વિકેટમાં), જીતેશ શર્મા, શાહરૂખ ખાન, ઓડિયન સ્મિથ, કાગીસો રબાડા, રાહુલ ચહર, વૈભવ અરોરા, અર્શદીપ સિંહ.
ગુજરાત ટાઇટન્સ (પ્લેઇંગ ઇલેવન):
મેથ્યુ વેડ (wk), શુભમન ગિલ, સાઇ સુદર્શન, હાર્દિક પંડ્યા (c), ડેવિડ મિલર, રાહુલ તેવટિયા, અભિનવ મનોહર, રાશિદ ખાન, લોકી ફર્ગ્યુસન, મોહમ્મદ શમી, દર્શન નલકાંડે