IPL 2022 ની એલિમિનેટર મેચ 25 મેના રોજ કોલકાતાના ઈડન
ગાર્ડન્સ સ્ટેડિયમ ખાતે લખનૌ સુપર જાયન્ટ્સ અને રોયલ ચેલેન્જર્સ બેંગ્લોર વચ્ચે
રમાઈ રહી છે. વરસાદના કારણે ટોસમાં વિલંબ થયો છે. પરંતુ હવે વરસાદ બાદ લખનૌએ ટોસ
જીતીને બોલિંગ કરવાનો નિર્ણય લીધો હતો. વરસાદ બાદ પણ 20-20 ઓવરની રમત રમાશે. આ મેચ
જીતનાર ટીમ ક્વોલિફાયર 2માં આગળ વધશે, જ્યારે હારનાર ટીમની
યાત્રા ટુર્નામેન્ટમાં સમાપ્ત થશે. ક્વોલિફાયર 2માં બેંગ્લોર અને લખનૌ વચ્ચેની
મેચનો વિજેતા 27 મેના રોજ અમદાવાદના નરેન્દ્ર મોદી સ્ટેડિયમમાં રાજસ્થાન રોયલ્સ
સામે ટકરાશે. ક્વોલિફાયર 2નો વિજેતા 29 મેના રોજ ફાઇનલમાં ગુજરાત ટાઇટન્સ સામે
ટકરાશે.

લખનઉએ પોતાની ટીમમાં
બે ફેરફાર કર્યા છે. જેસન હોલ્ડર અને કૃષ્ણપ્પા ગૌતમને બોલાવવામાં આવ્યા છે જ્યારે
કૃણાલ પંડ્યા અને દુષ્મંતા ચમીરાએ પુનરાગમન કર્યું છે. બેંગ્લોરની ટીમમાં મોહમ્મદ
સિરાજની વાપસી થઈ છે.