હૈદરાબાદે ટોસ જીતી પહેલા બોલિંગનો કર્યો નિર્ણય, ચેન્નાઇ પહેલા કરશે બેટિંગ

ચેન્નાઈ સુપર કિંગ્સ આ વર્ષે તેની IPLના સૌથી ખરાબ તબક્કામાંથી પસાર થઈ રહી છે. ટીમ અત્યાર સુધી રમાયેલી ત્રણ મેચમાંથી એક પણ મેચ જીતી શકી નથી. ચેન્નાઈને તેની વ્યૂહરચના બદલવાની સખત જરૂર છે. 210નો સ્કોર બનાવ્યા બાદ પણ જો ટીમને હારનો સામનો કરવો પડે છે તો બોલિંગ નબળી સાબિત થાય છે. 

છેલ્લી મેચમાં બોલરોએ અન્ય ટીમને 180 રન પર રોકી હતી પરંતુ ત્યારબાદ ટીમ 126 રન પર ઓલઆઉટ થઈ ગઈ હતી. ટીમ સાથે સંકળાયેલા મોઈન અલી, ક્રિસ જોર્ડન અને ડ્વેન બ્રાવો કોઈ ખાસ છાપ છોડી શક્યા નથી. આ મેચમાં હૈદરાબાદની ટીમ બે ફેરફાર સાથે આવી છે જ્યારે ચેન્નાઈની ટીમમાં એક ફેરફાર જોવા મળ્યો છે. SRH એ શશાંક સિંઘ અને માર્કો જેન્સેનને પસંદ કર્યા છે, જ્યારે ચેન્નાઈએ ડ્વેન પ્રિટોરિયસના સ્થાને મહેશ થીક્ષાને પસંદ કર્યો છે.

આ મેચ સાથે ચેન્નાઈ કે હૈદરાબાદની ટીમની જીતનું ખાતું ખુલશે. IPL 2022 માં, રવિન્દ્ર જાડેજાની આગેવાની હેઠળની ચેન્નાઈ સુપર કિંગ્સ અને કેન વિલિયમસનની આગેવાની હેઠળની સનરાઈઝર્સ હૈદરાબાદને એક પણ જીત મળી નથી. જ્યારે CSK ત્રણ મેચ હારી છે, જ્યારે SRH બે મેચ હારી છે. આ રીતે જો આજે કોઈ ટીમ જીતશે તો આ ટૂર્નામેન્ટમાં માત્ર બે જ ટીમો એવી હશે, જેમની જીતનું ખાતું પણ ખૂલ્યું નથી. મુંબઈ ઈન્ડિયન્સ પણ હજુ સુધી એક પણ મેચ જીત્યું નથી.