દિલ્હી કેપિટલ્સ સામે ગુજરાત ટાઈટન્સની 14 રને જીત, સતત બીજી મેચ જીતી

ગુજરાત
ટાઇટન્સે IPL 2022 ની 10મી મેચ દિલ્હી
કેપિટલ્સ પર 14 રને જીતી લીધી. ટૂર્નામેન્ટમાં ગુજરાતની આ
સતત બીજી જીત છે. હાર્દિક પંડ્યાની આગેવાની હેઠળની આ ટીમ હવે પોઈન્ટ ટેબલમાં
ત્રીજા સ્થાને પહોંચી ગઈ છે. પ્રથમ બેટિંગ કરતા ગુજરાતે ગિલના 84 રનના આધારે દિલ્હી સામે 172 રનનો ટાર્ગેટ આપ્યો હતો. આ સ્કોર સામે
દિલ્હી નિર્ધારિત 20 ઓવરમાં 9 વિકેટે 157 રન જ બનાવી શકી હતી. દિલ્હી તરફથી પંતે 43 રનની અણનમ ઇનિંગ રમી હતી, જ્યારે ફર્ગ્યુસને સૌથી વધુ ચાર વિકેટ લીધી
હતી.

javascript:nicTemp();

લોકી ફર્ગ્યુસને શાનદાર બોલિંગ કરીને ગુજરાત ટાઇટન્સને IPL 2022માં સતત બીજી જીત અપાવી. ટીમે (GT vs DC) મેચમાં દિલ્હી કેપિટલ્સને 14 રનથી હરાવ્યું. T20 લીગ (IPL 2022)ની વર્તમાન સિઝનમાં, હાર્દિક પંડ્યાએ કેપ્ટન તરીકે સતત બીજી જીત નોંધાવી હતી. મેચમાં પ્રથમ રમતા ગુજરાતે 6 વિકેટે 171 રન બનાવ્યા હતા. ઓપનર બેટ્સમેન શુભમન ગિલે શાનદાર અડધી સદી ફટકારી હતી. જવાબમાં દિલ્હીની ટીમ 20 ઓવરમાં 9 વિકેટે 157 રન જ બનાવી શકી હતી. વર્તમાન સિઝનમાં 10 ટીમો મેદાનમાં ઉતરી રહી છે. ગુજરાત અને રાજસ્થાન સિવાય અન્ય તમામ ટીમો ઓછામાં ઓછી એક મેચ હારી છે.

જો કે લક્ષ્યનો પીછો કરવા ઉતરેલી દિલ્હી કેપિટલ્સની ટીમ સારી શરૂઆત કરી શકી ન હતી. બીજી ઓવરમાં ટિમ સીફર્ટને હાર્દિક પંડ્યાએ આઉટ કર્યો હતો. તેણે 3 રન બનાવ્યા હતા. પૃથ્વી શો પણ નિષ્ફળ રહ્યો હતો. તેણે 7 બોલમાં 10 રન બનાવ્યા હતા. તેને ઝડપી બોલર લોકી ફર્ગ્યુસને આઉટ કર્યો હતો. મનદીપ સિંહ પણ 16 બોલમાં 18 રન બનાવીને ફર્ગ્યુસનનો બીજો શિકાર બન્યો હતો. તેણે 4 ચોગ્ગા ફટકાર્યા હતા. ટીમે 4.5 ઓવરમાં 34 રન અને 3 વિકેટ ગુમાવી દીધી હતી.