દિલ્હી સામે એક વિકેટ લઇને ચહલે તોડ્યો IPL નો 14 વર્ષ જુનો રેકોર્ડ
રાજસ્થાન રોયલ્સની ટીમે બુધવારની રાત્રે દિલ્હી કેપિટલ્સ સાથે મુકાબલો કર્યો હતો અને આ રોમાંચક મેચમાં દિલ્હીની ટીમનો શાનદાર વિજય જોવા મળ્યો હતો. રાજસ્થાનને ભલે આ મેચમાં હારનો સામનો કરવો પડ્યો હોય, પરંતુ ટીમનો સ્ટાર સ્પિનર યુઝવેન્દ્ર ચહલ આ IPLમાં શાનદાર ફોર્મમાં જોવા મળી રહ્યો છે. IPL 2022ની વાત કરીએ તો તે પર્પલ કેપની રેસમાં સૌથી આગળ છે. બુધવારની મેચમાં ચહલે મિચેલ માર્શની વિકેટ લઈને 14 à
રાજસ્થાન રોયલ્સની ટીમે બુધવારની રાત્રે દિલ્હી કેપિટલ્સ સાથે મુકાબલો કર્યો હતો અને આ રોમાંચક મેચમાં દિલ્હીની ટીમનો શાનદાર વિજય જોવા મળ્યો હતો. રાજસ્થાનને ભલે આ મેચમાં હારનો સામનો કરવો પડ્યો હોય, પરંતુ ટીમનો સ્ટાર સ્પિનર યુઝવેન્દ્ર ચહલ આ IPLમાં શાનદાર ફોર્મમાં જોવા મળી રહ્યો છે. IPL 2022ની વાત કરીએ તો તે પર્પલ કેપની રેસમાં સૌથી આગળ છે. બુધવારની મેચમાં ચહલે મિચેલ માર્શની વિકેટ લઈને 14 વર્ષ જૂનો IPL રેકોર્ડ તોડ્યો હતો.
રાજસ્થાન રોયલ્સ (RR)નો સ્ટાર સ્પિનર યુઝવેન્દ્ર ચહલ વર્તમાન IPL સિઝનમાં જબરદસ્ત ફોર્મમાં જોવા મળી રહ્યો છે. આ સિઝનમાં ચહલ 23 વિકેટ સાથે સૌથી વધુ વિકેટ લેનારા બોલર્સની યાદીમાં ટોપ પર છે. દિલ્હી કેપિટલ્સ (DC) સામે રમાયેલી મેચમાં ચહલને મિચેલ માર્શના રૂપમાં એકમાત્ર વિકેટ મળી હતી, જોકે તેની ટીમ મેચ જીતી શકી ન હતી. RR મેચ 8 વિકેટથી હારી ગયું હતું, પરંતુ માર્શની વિકેટ સાથે ચહલે પાકિસ્તાનના સોહેલ તનવીરનો 14 વર્ષ જૂનો રેકોર્ડ તોડી નાખ્યો હતો. RR માટે એક સિઝનમાં સૌથી વધુ વિકેટ લેવાના મામલે યુઝવેન્દ્ર ચહલે પાકિસ્તાનના સોહેલ તનવીરને પાછળ છોડી દીધો છે.
તનવીરે IPLની પ્રથમ સિઝનમાં RR માટે 22 વિકેટ લીધી હતી, જ્યારે ચહલના નામે IPL 2022માં માર્શની વિકેટ સાથે 23 વિકેટ છે. ચહલનું લક્ષ્ય હવે જેમ્સ ફોકનરનો રેકોર્ડ હશે, જેણે 2013માં આ ટીમ માટે 28 વિકેટ લીધી હતી. ચહલને આ સિઝનમાં વધુ બે લીગ મેચ રમવાની છે, સાથે જ રાજસ્થાનના પ્લેઓફમાં પહોંચવાની પણ પૂરી સંભાવના છે. આવી સ્થિતિમાં ચહલ પાસે ડ્વેન બ્રાવો અને હર્ષલ પટેલનો 32 વિકેટનો રેકોર્ડ તોડવાની પણ સારી તક છે. મહત્વનું છે કે, IPLની એક સિઝનમાં સૌથી વધુ વિકેટ લેવાનો રેકોર્ડ આ બે બોલરોના નામે જ છે.
દિલ્હી સામેની કારમી હાર બાદ પણ સંજુ સેમસનની ટીમ પોઈન્ટ ટેબલમાં ત્રીજા સ્થાને છે. 12માંથી 7 મેચ જીતી ચૂકેલી રાજસ્થાન રોયલ્સે જો કોઈ પણ મુશ્કેલી વિના પ્લેઓફ માટે ક્વોલિફાય કરવું હોય તો હવે કોઈપણ સંજોગોમાં આગામી બે મેચ જીતવી પડશે. જો ટીમ આમ કરવામાં નિષ્ફળ જાય તો મામલો નેટ રન રેટ પર અટકી શકે છે.
Advertisement