દિલ્હી કેપિટલ્સની શાનદાર જીત, સનરાઈઝર્સ હૈદરાબાદને 21 રને હરાવ્યું

IPL 2022ની 50મી મેચમાં દિલ્હી કેપિટલ્સે
સનરાઈઝર્સ હૈદરાબાદને 21 રનથી હરાવ્યું. આ જીત સાથે દિલ્હી પોઈન્ટ ટેબલમાં 5માં
સ્થાને પહોંચી ગયું છે. આ સાથે હૈદરાબાદે હારની હેટ્રિક ફટકારી છે અને તે છઠ્ઠા
સ્થાન પર છે. પ્રથમ બેટિંગ કરતા દિલ્હીએ ડેવિડ વોર્નર અને રોવમેન પોવેલની અડધી
સદીના આધારે હૈદરાબાદ સામે 208 રનનો ટાર્ગેટ આપ્યો હતો. આ સ્કોર સામે હૈદરાબાદ
માત્ર 186 રન બનાવી શકી હતી. પૂરને 62 રનની શાનદાર ઇનિંગ રમી હતી, જ્યારે ખલીલ અહેમદે દિલ્હી તરફથી સૌથી વધુ
ત્રણ વિકેટ લીધી હતી.

javascript:nicTemp();

આ મેચમાં સનરાઈઝર્સ હૈદરાબાદ ટોસ જીતીને બોલિંગ પસંદ કરી દિલ્હી
કેપિટલ્સને પ્રથમ બેટિંગ માટે આમંત્રણ આપ્યું હતું. દિલ્હી કેપિટલ્સે પ્રથમ બેટિંગ
કરતા નિર્ધારિત 20 ઓવરમાં 3 વિકેટ ગુમાવીને 207 રન ફટકાર્યા હતા. દિલ્હી તરફથી
ડેવિડ વોર્નરે શાનદાર બેટિંગ કરી હતી. વોર્નરે 58 બોલમાં 92 રન ફટાકાર્યા હતા.
પોલેવે પણ શાનદાર બેટિંગ કરતા 35 બોલમાં 67 રન ફટકાર્યા હતા.