તમારી મરજીથી અમેરિકા છોડી દો નહીંતર...' , ગેરકાયદેસર ઇમિગ્રન્ટ્સ સામે ટ્રમ્પની વધુ એક મોટી કાર્યવાહી
- ટ્રમ્પે ગુરુવારે CBP હોમ એપ લોન્ચ કરવાની જાહેરાત કરી
- ગેરકાયદેસર ઇમિગ્રન્ટ્સને સ્વેચ્છાએ દેશ છોડવાની મંજૂરી
- સ્વેચ્છાએ દેશ છોડશે તેને ભવિષ્યમાં કાયદેસર રીતે યુએસમાં પ્રવેશની તક
USA News: યુએસ પ્રમુખ ડોનાલ્ડ ટ્રમ્પે ગુરુવારે CBP હોમ એપ લોન્ચ કરવાની જાહેરાત કરી હતી. આ એક પ્લેટફોર્મ છે જે યુએસમાં ગેરકાયદેસર રીતે રહેતા વ્યક્તિઓને સ્વેચ્છાએ દેશ છોડવાની મંજૂરી આપે છે. ટ્રમ્પે ચેતવણી આપી હતી કે જે લોકો આ વિકલ્પનો ઉપયોગ કરીને સ્વ-દેશનિકાલ નહીં કરે તેમને બળજબરીથી દેશનિકાલ અને ફરીથી પ્રવેશ પર આજીવન પ્રતિબંધનો સામનો કરવો પડશે. જો કે, તેમણે સંકેત આપ્યો હતો કે જે વ્યક્તિઓ સ્વેચ્છાએ દેશ છોડવાનું પસંદ કરે છે તેઓને ભવિષ્યમાં કાયદેસર રીતે યુએસમાં પ્રવેશવાની તક મળી શકે છે.
Indian Premier League, 2025
Mar 28, 07:30 pm
T20 | M. A. Chidambaram Stadium, Chennai
Mar 29, 07:30 pm
T20 | Narendra Modi Stadium, Ahmedabad
Mar 30, 03:30 pm
T20 | Dr. Y.S.Rajashekar Reddy Cricket Stadium, Visakhapatnam
Mar 30, 07:30 pm
T20 | Barsapara Cricket Stadium, Guwahati
Lucknow Super Giants beat Sunrisers Hyderabad by 5 wickets | Mar 27, 07:30 pm
T20 | SRH: 190/9(20.0), LSG: 193/5(16.1)
Kolkata Knight Riders beat Rajasthan Royals by 8 wickets | Mar 26, 07:30 pm
T20 | KKR: 153/2(17.3), RR: 151/9(20.0)
શું કહ્યું ડોનાલ્ડ ટ્રમ્પે ?
અમેરિકી રાષ્ટ્રપતિ ડોનાલ્ડ ટ્રમ્પે કહ્યું, 'અમારા દેશમાં ગેરકાયદેસર રીતે રહેતા લોકો કાં તો સ્વૈચ્છિક દેશનિકાલની પસંદગી સરળ રીતે કરી શકે છે અથવા તેમને સખત રીતે દેશનિકાલ કરવામાં આવશે, જે સુખદ નહીં હોય. બિડેન વહીવટીતંત્રે CBP વન એપ્લિકેશનનો ઉપયોગ કરીને 10 લાખથી વધુ ગેરકાયદેસર ઇમિગ્રન્ટ્સને યુએસમાં પ્રવેશવાની મંજૂરી આપી હતી. હવે મારું વહીવટીતંત્ર આપણા દેશમાં ગેરકાયદેસર રીતે રહેતા લોકોને સ્વેચ્છાએ દેશ છોડવાની સરળ રીત આપવા માટે CBP હોમ એપ લોન્ચ કરી રહ્યું છે.
આ પણ વાંચો : Donald Trump :ટેરિફ મુદ્દે ભારતને આપી ધમકી કહ્યું- 2 એપ્રિલથી...
આ એપ મોબાઈલ એપ સ્ટોર્સ પર ફ્રીમાં ઉપલબ્ધ
તેમણે ઉમેર્યું, "જો તેઓ સ્વેચ્છાએ દેશ છોડે છે, તો તેઓને ભવિષ્યમાં કોઈક સમયે કાયદેસર રીતે પાછા ફરવાની તક મળી શકે છે. પરંતુ જો તેઓ તે તકનો લાભ નહીં લે, તો તેમને શોધીને તેમનો દેશનિકાલ કરવામાં આવશે અને તેમને ફરીથી ક્યારેય યુનાઇટેડ સ્ટેટ્સમાં પ્રવેશવાની મંજૂરી આપવામાં આવશે નહીં. તમે ફરી ક્યારેય પ્રવેશ કરી શકશો નહીં." ટ્રમ્પે એમ પણ કહ્યું કે CBP હોમ એપ દ્વારા સ્વૈચ્છિક દેશનિકાલ સરકારી સંસાધનોને બચાવી શકે છે. તેમણે કહ્યું કે, આ એપ હવે તમામ મોબાઈલ એપ સ્ટોર્સ પર ફ્રીમાં ઉપલબ્ધ છે.
ટ્રમ્પ વહીવટીતંત્રને ટીકાનો સામનો કરવો પડ્યો
આ જાહેરાત એવા સમયે કરવામાં આવી છે, જ્યારે ટ્રમ્પ વહીવટીતંત્રે સેંકડો ઇમિગ્રન્ટ્સને દેશનિકાલ કરી દીધા છે, પરંતુ તેમની ઓળખ અથવા તેમની વિરુદ્ધ પુરાવા જાહેર કરવાનો ઇનકાર કર્યો છે. આ કારણે, ઇમિગ્રન્ટ્સના પરિવારો અને નાગરિક અધિકાર જૂથોએ વહીવટીતંત્રની ટીકા કરી છે. તેમની દલીલ છે કે આ પગલું નાગરિક સ્વાતંત્ર્યને નબળું પાડી રહ્યું છે.
આ પણ વાંચો : Elon Musk ની કંપની ‘X’એ ભારત સરકાર સામે કર્યો કેસ,જાણો સમગ્ર મામલો
