Israel એ ગાઝામાં કર્યો મોટો હવાઈ હુમલો, હમાસ નેતા અલ-બરદાવીલનુ મોત
રવિવારે સવારે દક્ષિણ ગાઝામાં ઇઝરાયલી હવાઈ હુમલામાં હમાસના રાજકીય નેતા સલાહ અલ-બરદાવીલનું મોત થયું છે.
08:06 AM Mar 23, 2025 IST
|
MIHIR PARMAR
Hamas leader al-Bardaweel
- ગાઝામાં યુદ્ધવિરામ ભંગ બાદ તણાવ
- હુમલાઓ વધુ ઉગ્ર બન્યા
- રાજકીય નેતા સલાહ અલ-બરદાવીલનું મોત
Israel-Gaza War : ઈઝરાયલી સેનાના સતત હુમલાને કારણે ગાઝામાં તણાવ વધી ગયો છે. તાજેતરમાં હમાસના ઘણા મોટા નેતાઓના મોત થયા છે. આજે (રવિવારે) સવારે થયેલા હવાઈ હુમલામાં સલાહ અલ-બરદાવીલ અને તેમની પત્ની પણ માર્યા ગયા છે. યુદ્ધવિરામ ભંગ થયા બાદ આ હુમલાઓ વધુ ઉગ્ર બન્યા છે.
હમાસ પર ઇઝરાયલી સેનાના હુમલા
છેલ્લા કેટલાક દિવસોથી ઇઝરાયલી સેના ફરી એકવાર હમાસ પર સતત હુમલા કરી રહી છે. આ હુમલાઓ હમાસ માટે આફત બની રહ્યા છે, તાજેતરના હુમલામાં ઓસામા તાબાશ નામના હમાસ નેતાનું મોત થયું હતું, જ્યારે આજે (રવિવારે) સવારે ઇઝરાયલે ફરી એકવાર મોટો હુમલો કર્યો. આ હુમલામાં હમાસના રાજકીય નેતા સલાહ અલ-બરદાવીલનું મોત થયું છે.
પ્રાપ્ત માહિતી અનુસાર, રવિવારે સવારે દક્ષિણ ગાઝામાં ઇઝરાયલી હવાઈ હુમલામાં હમાસના રાજકીય નેતા સલાહ અલ-બરદાવીલનું મોત થયું છે. હુમલામાં ખાન યુનિસના અલ-બરદાવીલને નિશાન બનાવવામાં આવ્યું હતું, જ્યાં તે તેમની પત્ની સાથે માર્યા ગયા હોવાનું કહેવાય છે.
ગાઝામાં યુદ્ધવિરામ ભંગ બાદ તણાવ
મંગળવારે, ઇઝરાયલે ગાઝા પર ફરી હુમલા શરૂ કર્યા, અને હમાસ પર 19 જાન્યુઆરીથી અમલમાં રહેલા યુદ્ધવિરામ કરારનો ભંગ કરવાનો આરોપ લગાવ્યો. આ નવા હુમલાથી આ પ્રદેશમાં લગભગ બે મહિનાથી ચાલી રહેલી શાંતિનો અંત આવ્યો. ઇઝરાયેલના વડા પ્રધાન બેન્જામિન નેતન્યાહુએ વારંવાર ભારપૂર્વક જણાવ્યું છે કે યુદ્ધનો પ્રાથમિક ઉદ્દેશ હમાસને લશ્કરી દળ તરીકે ખતમ કરવાનો છે. તેમણે કહ્યું કે તાજેતરના હુમલાઓનો હેતુ બંધકોને મુક્ત કરવા માટે દબાણ બનાવવાનો હતો.
આ પણ વાંચો : Israel attack : ઈઝરાયેલે લેબનોનમાં કર્યો હુમલો, PM નેત્યાહૂનાં આદેશ બાદ આતંકી ઠેકાણા પર હુમલાનો આદેશ
ઇઝરાયલી હુમલામાં ઘણા અધિકારીઓ માર્યા ગયા
મંગળવારના ઇઝરાયેલના હુમલામાં હમાસના કેટલાક ઉચ્ચ અધિકારીઓ પણ માર્યા ગયા હતા. આમાં હમાસની ડી ફેક્ટો સરકારના વડા એસામ અદાલિસ અને આંતરિક સુરક્ષા વડા મહમૂદ અબુ વત્ફાનો સમાવેશ થાય છે. આ હુમલામાં હમાસના અન્ય કેટલાક અધિકારીઓ પણ માર્યા ગયા હતા. પેલેસ્ટિનિયન આરોગ્ય અધિકારીઓએ જણાવ્યું હતું કે એકલા મંગળવારે ઓછામાં ઓછા 400 લોકો માર્યા ગયા હતા, જેમાંથી અડધાથી વધુ મહિલાઓ અને બાળકો હતા. વધતા મૃત્યુએ ગાઝામાં માનવતાવાદી પરિસ્થિતિ પર આંતરરાષ્ટ્રીય ચિંતા વધારી દીધી છે.
કોણ હતા સલાહ અલ-બરદાવીલ?
1959માં ખાન યુનુસમાં જન્મેલા સલાહ અલ-બરદાવીલ હમાસના વરિષ્ઠ સભ્ય હતા. તેઓ 2021 માં ચળવળના પોલિટબ્યુરો માટે ચૂંટાયા હતા અને ગાઝામાં હમાસના પ્રાદેશિક પોલિટબ્યુરોનો પણ ભાગ હતા. 2006માં, બરદાવીલે હમાસની ચેન્જ એન્ડ રિફોર્મ લિસ્ટમાં ઉમેદવાર તરીકે પેલેસ્ટિનિયન લેજિસ્લેટિવ કાઉન્સિલ (PLC)માં સીટ જીતી હતી.
આ પણ વાંચો : Sunita Williams ને અવકાશમાં કરેલા ઓવરટાઇમનો મળશે પગાર, ટ્રમ્પે કરી જાહેરાત