America માં વધુ એક ભારતીય નાગરિકની હત્યા, 8 મહિના પહેલા જ આવ્યો હતો...

વિદેશમાં ભારતીય મૂળના લોકોના મોતનો સિલસિલો અટકી રહ્યો નથી. દાવો કરવામાં આવે છે કે આ વર્ષે અત્યાર સુધીમાં ઓછામાં ઓછા 15 થી 20 ભારતીય મૂળના લોકોના મોત થયા છે. આ દરમિયાન અમેરિકા (America)ના ટેક્સાસથી વધુ એક ભારતીય નાગરિકના મોતના સમાચાર સામે આવ્યા છે. અહીં એક દુકાનમાં લૂંટ દરમિયાન 32 વર્ષીય ભારતીય નાગરિકને ગોળી વાગી હતી. તેનું સારવાર દરમિયાન મોત નિપજ્યું હતું.

21 જૂનના રોજ ડલાસના પ્લીઝન્ટ ગ્રોવમાં ગેસ સ્ટેશન કન્વિનિયન્સ સ્ટોરમાં લૂંટ દરમિયાન દાસારી ગોપીકૃષ્ણ ગંભીર રીતે ઘાયલ થયા હતા. તેને નજીકની હોસ્પિટલમાં લઈ જવામાં આવ્યો હતો, જ્યાં શનિવારે તેનું સારવાર દરમિયાન મોત થયું હતું. મૃતકની ઓળખ દાસારી ગોપીકૃષ્ણ તરીકે થઈ છે અને તે આંધ્રપ્રદેશના બાપટલા જિલ્લાનો રહેવાસી હતો. તે આઠ મહિના પહેલા જ અમેરિકા (America) આવ્યો હતો.

લૂંટ દરમિયાન ફાયરિંગમાં મોત...

રવિવારે યોગ દિવસ કાર્યક્રમ માટે ડલાસમાં આવેલા ભારતના કોન્સલ જનરલ ડીસી મંજુનાથે પીટીઆઈને જણાવ્યું કે આ ઘટના અરકાનસાસમાં બની હતી. ગોળીબાર સંબંધિત નથી, જેમ કે અગાઉ વિવિધ સ્રોતો દ્વારા અહેવાલ આપવામાં આવ્યો હતો. ગોપીકૃષ્ણના પરિવાર પ્રત્યે સંવેદના વ્યક્ત કરતા મંજુનાથે કહ્યું કે, "અમને પ્લીઝન્ટ ગ્રોવ, ડલ્લાસ, ટેક્સાસમાં લૂંટ દરમિયાન ગોળીબારની ઘટનામાં ભારતીય નાગરિક દાસારી ગોપીકૃષ્ણના મૃત્યુ વિશે જાણીને ખૂબ જ દુઃખ થયું છે અને અમે તેમના પરિવારના સભ્યોના સંપર્કમાં છીએ." ભારતીય સંસ્થાઓ સાથે મળીને કોન્સ્યુલેટ પોસ્ટમોર્ટમ અને મૃત્યુ પ્રમાણપત્ર સહિત સ્થાનિક ઔપચારિકતાઓ બાદ ગોપીકૃષ્ણના મૃતદેહને ભારત પરત લાવવા માટે તમામ શક્ય સહાય પૂરી પાડી રહ્યું છે.

આંધ્રપ્રદેશના CM એ ગોપીકૃષ્ણના નિધન પર શોક વ્યક્ત કર્યો...

આંધ્રપ્રદેશના CM એન ચંદ્રબાબુ નાયડુએ રવિવારે ગોપીકૃષ્ણના મૃતદેહને ભારત પરત લાવવામાં મદદ કરવાનું વચન આપ્યું હતું. CM એ મૃતકોના પરિવાર પ્રત્યે સંવેદના વ્યક્ત કરી હતી. તેમણે રાજ્ય સરકાર તરફથી તેમના પરિવારને શક્ય તમામ મદદ આપવાનું વચન આપ્યું હતું. નાયડુએ સોશિયલ મીડિયા પ્લેટફોર્મ પર એક પોસ્ટમાં જણાવ્યું હતું હું તેમના પરિવાર પ્રત્યે હૃદયપૂર્વક સંવેદના વ્યક્ત કરું છું અને તેમને ખાતરી આપું છું કે તેમના મૃતદેહને ઘરે લાવવા માટે હું શક્ય તમામ મદદ કરીશ.

આ પણ વાંચો : Haryana માં બદમાશોએ કર્યું ફાયરિંગ, ખંડણીની ચિઠ્ઠી ફેંકીને ફરાર, Video Viral

આ પણ વાંચો : Ayodhya : પહેલા વરસાદમાં જ ‘રામ મંદિર’ની છત લીક થવા લાગી, મુખ્ય પૂજારીએ કર્યો મોટો દાવો

આ પણ વાંચો : Tamil Nadu માં ઝેરી દારૂ પીવાથી મૃત્યુઆંક 58 પર પહોંચ્યો, 44 મહિલાઓએ તેમના પતિ ગુમાવ્યા