અંકલેશ્વર બેઠક પર બે સગા ભાઇ વચ્ચે રોમાંચક મુકાબલો

ગુજરાત વિધાનસભાની ચૂંટણી (Gujarat Assembly Election)માં ભરૂચ જિલ્લાની પાંચ બેઠક ઉપર ભાજપ ( BJP)ના ઉમેદવાર જાહેર થયા બાદ કોંગ્રેસ (Congress)ના ઉમેદવારો પણ જાહેર થઈ રહ્યા છે જેમાં અંકલેશ્વર બેઠક (Ankleshwar seat) ઉપર પાંચ ટર્મથી ધારાસભ્ય અને બે વખત મંત્રી પદ ઉપર રહેલા ઈશ્વર પટેલ સામે કોંગ્રેસમાં જ તેમના જ સગા ભાઈ વિજય ઉર્ફે વલ્લભ પટેલને મેદાનમાં ઉતારવામાં આવ્યા છે. વિજય ઉર્ફે વલ્લભ પટેલ હિન્દુ તળપદા કોળી બક્ષીપંચ ઓબીસીમાંથી આવે છે.

અંકલેશ્વર મતવિસ્તારમાં કોંગ્રેસના ઉમેદવાર વિજય ઉર્ફે વલ્લભ પટેલની કોલેજથી જિલ્લા પંચાયત સફર છે. વિજય વલ્લભ ૧૯૮૧ માં જે પી કોલેજમાં જનરલ સેક્રેટરી અને ૧૯૮૪ માં એલએલબી કોલેજના જનરલ સેક્રેટરી જીએસ તરીકે તેઓ રહ્યા હતા. ૧૯૯૦ થી ૧૯૯૮ સુધી ધી ભરૂચ ડિસ્ટ્રીક બેંક સેન્ટ્રલમાં તેઓ બેંક મેનેજર તરીકે રહી ચૂક્યા છે. ૨૦૦૦ થી ૨૦૦૫ સુધી હાંસોટ તાલુકા પંચાયતના પ્રમુખ તરીકે અને ૨૦૦૫ થી ૨૦૧૦ સુધી તાલુકા પંચાયત હાંસોટ કારોબારી અધ્યક્ષ તરીકે પણ રહી ચૂક્યા છે. ૨૦૧૫ થી ૨૦૨૦ સુધીમાં તેઓ જિલ્લા પંચાયત ખરજ બેઠક ઉપરથી સદસ્ય રહી ચૂક્યા છે. ૨૦૨૦થી ૨૦૨૧ સુધીમાં વાલનેર બેઠક ઉપરથી અપક્ષ તરીકે ઉમેદવારી કરી જીત મેળવી ચૂક્યા છે.

ઉલ્લેખનિય છે કે વિજય ઉર્ફે વલ્લભ પટેલને કોંગ્રેસમાં લાવનાર સંદીપ માંગરોળા ઉપર ૮૫ કરોડની ઉચાપતની ફરિયાદ પણ થઈ ચૂકી છે

બીજી તરફ  ઈશ્વર પટેલ પાંચ વાર ધારાસભ્ય અને બે વાર મંત્રી પદ ઉપર રહી ચુક્યા છે. તેઓ પણ આ વિસ્તારમાં વર્ચસ્વ ધરાવે છે અને ભાજપે ફરી એક વાર તેમને ટિકિટ આપી છે. 

ઇશ્વર પટેલ અને તેમના ભાઇ વિજય ઉર્ફે વલ્લભ પટેલ વચ્ચે વર્ષોથી પારિવારીક વિખવાદ હોવાનું જાણવા મળે છે. 

આ પણ વાંચો--વડોદરા જીલ્લામાં ભાજપના આ 3 નેતા નારાજ, જાણો તેમની રણનીતિ