ભાજપના ટિકિટવાંચ્છુઓને આખી રાત ઉજાગરો, આ નેતાઓને આવ્યા ફોન

ગુજરાત વિધાનસભાની ચૂંટણી (Gujarat Assembly Elections) જાહેર થઇ ચૂકી છે ત્યારે ભાજપ ના ઉમેદવારો (BJP Candidates) પર સૌની નજર મંડાયેલી છે. બુધવારે રાત્રે દિલ્હીમાં કેન્દ્રીય ચૂંટણી સમિતિ (Central Election Committee) ની બેઠક મળી હતી અને ત્યારબાદ આજે 10 તારીખે સવારે 10 વાગે સત્તાવાર રીતે ભાજપની પહેલી યાદી જાહેર થાય તેમ લાગી રહ્યું છે પણ તે પહેલા મહત્વના સમાચાર મળી રહ્યા છે કે  બુધવારે મોડી રાત્રે જે નામો નક્કી થઇ ગયા છે તે પૈકીના ઘણા નેતાઓને ભાજપ દ્વારા ટેલિફોનિક જાણ કરીને ફોર્મ ભરવાની તૈયારી કરવા જણાવી દેવાયું હોવાનું જાણવા મળે છે. ભાજપના ટિકિટવાંચ્છુઓને આખી રાત ઉજાગરો થયો હતો.. આજે સવારે 11 વાગે પહેલા અને બીજા તબક્કાના 140 થી 150 બેઠકોના ઉમેદવારોના નામ જાહેર થાય તેવી શક્યતા છે.

આ નેતાઓને રાત્રે બેથી અઢી વાગે ફોન આવ્યા હતા અને તૈયારીઓમાં લાગી જવા જણાવાયું હતું..કેટલાક ધારાસભ્યોને રિપીટ કરાયા છે તો કેટલાકને કાપી નંખાયા છે....પ્રથમ તબક્કાની 89 બેઠકના ઉમેદવારોને સૂચના અપાઈ છે.