રાજકીય પક્ષોએ કહેવું પડશે કે ક્રિમીનલ સિવાય કોઇ બીજો ઉમેદવાર કેમ ના મળ્યો
ગુજરાત વિધાનસભા ચૂંટણી (Gujarat Assembly Elections)ની તારીખો જાહેર થઇ ચુકી છે. કેન્દ્રીય ચૂંટણી પંચે (Election Commission) ગુનાહિત પૃષ્ઠભૂમિ (Criminal Background) ધરાવતા ઉમેદવારો માટે કડક વલણ અપનાવ્યું છે. કમિશને સ્પષ્ટ કર્યું છે કે ઉમેદવાર અને પક્ષ બંનેએ ગુનાઓ સંબંધિત માહિતી જાહેર કરવી પડશે. ECએ કહ્યું કે આના દ્વારા મતદારોને ખબર પડશે કે માત્ર ગુનાહિત પૃષ્ઠભૂમિ ધરાવતા લોકો જ પક્ષને મળ્યા છે. ઉમેદવાર અને પક્ષે ત્રણ વખત જ
09:18 AM Nov 03, 2022 IST
|
Vipul Pandya
ગુજરાત વિધાનસભા ચૂંટણી (Gujarat Assembly Elections)ની તારીખો જાહેર થઇ ચુકી છે. કેન્દ્રીય ચૂંટણી પંચે (Election Commission) ગુનાહિત પૃષ્ઠભૂમિ (Criminal Background) ધરાવતા ઉમેદવારો માટે કડક વલણ અપનાવ્યું છે. કમિશને સ્પષ્ટ કર્યું છે કે ઉમેદવાર અને પક્ષ બંનેએ ગુનાઓ સંબંધિત માહિતી જાહેર કરવી પડશે. ECએ કહ્યું કે આના દ્વારા મતદારોને ખબર પડશે કે માત્ર ગુનાહિત પૃષ્ઠભૂમિ ધરાવતા લોકો જ પક્ષને મળ્યા છે.
ઉમેદવાર અને પક્ષે ત્રણ વખત જાહેરાત આપવી પડશે
કમિશન દ્વારા જારી કરાયેલા એક જાહેરનામા અનુસાર, જે ઉમેદવારો અગાઉ ગુનામાં સંડોવાયેલા છે, તેમને પ્રચાર દરમિયાન અખબારો અને ટીવી ચેનલો દ્વારા ત્રણ વખત પ્રકાશિત કરવા પડશે. ઉપરાંત, ગુનાહિત પૃષ્ઠભૂમિના ઉમેદવારને મેદાનમાં ઉતારનાર પક્ષે પણ ઉમેદવાર વિશેની માહિતી તેની વેબસાઇટ, અખબારો અને ચેનલો પર ત્રણ વખત પ્રદર્શિત કરવાની રહેશે.
શું કહ્યું મુખ્ય ચૂંટણી કમિશનરે
મુખ્ય ચૂંટણી કમિશનર રાજીવ કુમારે કહ્યું કે જો કોઈ ઉમેદવારની ગુનાહિત પૃષ્ઠભૂમિ હોય, તો ઉમેદવારે ફરજિયાતપણે એક રાષ્ટ્રીય, એક પ્રાદેશિક અને સોશિયલ મીડિયા પર તેની માહિતી પ્રકાશિત કરવી પડશે. સાથે જ પક્ષોએ પણ ખુલાસો કરવો પડશે અને જાહેર કરવું પડશે કે તેમને ગુનેગાર સિવાય કોઈ ઉમેદવાર કેમ મળ્યો નથી. તેઓએ કારણો આપવા પડશે અને તેને જાહેર કરવું પડશે, જેથી મતદારોને ખબર પડે કે પક્ષને તે વિસ્તારમાં ઉમેદવાર શોધવામાં આટલી મુશ્કેલી કેમ લાગી.
ત્રણ વખત માહિતી આપવી પડશે, જાણો ક્યારે
ECI અનુસાર, ઉમેદવારી પત્ર પરત ખેંચવાની તારીખથી પહેલા ચાર દિવસ દરમિયાન માહિતી જાહેર કરવાની રહેશે. આ પછી બીજી વખત આગામી 5 થી 8 દિવસમાં અને ત્રીજી વખત ચૂંટણીના બે દિવસ પહેલા પ્રસિદ્ધ કરવાની રહેશે.
ગુજરાતની ચૂંટણી કાર્યક્રમ
ગુરુવારે પંચે ચૂંટણીની તારીખોની જાહેરાત કરી છે. આ અંતર્ગત રાજ્યની 182 સીટોવાળી વિધાનસભા માટે બે તબક્કામાં મતદાન થશે. પ્રથમ તબક્કામાં 89 બેઠકો માટે 1 ડિસેમ્બરે મતદાન થશે. જ્યારે બીજા તબક્કામાં 93 બેઠકો પર 5 ડિસેમ્બરે મતદાન થશે. હિમાચલ પ્રદેશની સાથે 8 ડિસેમ્બરે મતગણતરી થશે. હિમાચલ પ્રદેશમાં 12 નવેમ્બરે મતદાન થશે.
Next Article