• રાજકોટ કેમ છો બધા, આનંદ.. આનંદ.., દિવાળીની તૈયારીઓ કેવી છે? આજે તો રાજકોટે રંગ રાખી દિધો. આપણે ત્યાં દિવાળી એટલે કરેલા કામોનો હિસાબ કિતાબ અને નવુ વર્ષ એટલે નવા સંકલ્પની શરૂઆત. આવા વખતે સૌરાષ્ટ્રના વિકાસ માટે પ્રોજેક્ટ દિવાળીની ભેટ તરીકે તમારા ચરણોમાં ધર્યાં છે.
• 21 વર્ષમાં આપણે સાથે મળીને અનેક સપના જોયા, પગલા લીધા, મારે માટે તો રાજકોટ મારી પહેલી પાઠશાળા, જેમ મહાત્મા ગાંધીનું સૌભાગ્ય હતું રાજકોટમાં પાઠશાળા મેળવવાનું એમ મારું સૌભાગ્ય હતુ. આ રાજકોટની ધરતીની તાકાત જુઓ. તમારા આશિર્વાદથી શરૂ થયેલી યાત્રા હવે દેશની વિકાસયાત્રા બની, હું તમારો કર્જદાર છું. રાજકોટનું ઋણ ક્યારેય ના ચુકવી શકું.
• રાજકોટે શિખવ્યું તે દેશને કામ આવી રહ્યું છે. દેશભરના ખેલાડીઓ ગુજરાતમાં રમત માટે આવ્યા હતા. મોટા ભાગના ખેલાડીઓએ ભારે પ્રશંસા કરી. આ ગુજરાત જોઈને રાજકોટ જોઈને દેશભરમાંથી આવીને લોકો આ કાયદો વ્યવસ્થા જોઈને મોઢામાં આંગળા નાખી ગયા.
• ભાજપ સત્તામાં આવ્યા બાદ કાયદો વ્યવસ્થા સહજ બની ગયા. અસામાજીક તત્વોથી મુક્તીનો આનંદ દરેક વર્ગને થઈ રહ્યો છે. આ બધુ જોઉં ત્યારે મને ગર્વ થતો હોય છે.
• આપણું ગુજરાત વધારેમાં વધારે સક્ષમ બને, સમર્થ બને તે માટે વાતાવરણને પ્રોત્સાહિત કરતા. સરકારના પ્રયાસોનું પરિણામ ગુજરાત આગળ વધે છે. વિકસીત ભારત માટે વિકસીત ગુજરાત આ મકસદ લઈને ચાલતા. વાઈબ્રન્ટ ગુજરાતથી દુનિયાભરમાંથી રોકાણો લાવ્યા. કૃષિ મહોત્સવ થકી કૃષિ વિકાસ કર્યો. ગરીબ કલ્યાણ મેળા થકી ગરીબને સશક્ત કર્યો.
• જ્યારે માણસને ઘર મળે ને ત્યારે તે સમ્માનથી જીવવાની શરૂઆત કરે છે અને તેના માટે સરકાર અને યોજના લાવી છે. યોજનાનું એવું ઘર જેમાં જીવવાની મજા આવે. સામાન્ય માણસના જીવનમાં બીજી કોઈ ચિંતા હોય. પરિવારમાં એક બિમારી આવે તો તકલીફ વધી જાય છે તે માટે સરકારે આયુષ્માન ભારત યોજના દ્વારા પાંચ લાખની મેડિકલ સહાય મળે છે.
• ગરીબી હટાવવાના નારા અનેક લાગ્યા. અડધી રોટલી નથી ખાવાની આખી રોટલી ખાવાની છે અને કોઈ ઘરે આવે તો તેને પણ રોટલી ખવડાવવા જેટલા તમને સક્ષમ બનાવવાના છે.
• મોરબી, રાજકોટ, જામનગર મીની જાપાનની જેમ આગળ વધશે તેવું વર્ષો પહેલા કહ્યું ત્યારે અમુકે મારી મજાક ઉડાવી, આજે આ વિસ્તાર ઔદ્યોગિક ક્ષેત્રે વિકસ્યો છે. ગયા આઠ વર્ષમાં ગામડા શહેરોમાં 3 કરોડથી વધારે પાકા ઘર, ગુજરાતમાં 10 લાખ બનાવ્યા જેમાં 7 લાખ તો ફાળવી દીધાં છે. ભુપેન્દ્રભાઈની ટીમને અભિનંદન.
• સમાજ જીવનને શક્તિશાળી બનાવવાની અમારા પ્રયાસ રાજકોટનો લાઈટ હાઉસ પ્રોજેક્ટ તેનો જ એક ભાગ છે. મધ્યમ વર્ગના લોકો માટે ઝડપથી બનશે. સૌરાષ્ટ્રને જોડવા માટે સારા રસ્તા બને છે. નવયુવાનો સ્ટાર્ટઅપ લઈને આવે તેના પ્રયાસો કરી રહ્યાં છીએ.
• ડિજીટલ ઈન્ડિયા કેટલી મોટી તાકાત બની છે. નાનો વેપારી ડિઝિટલ પેમેન્ટથી નાણાં સ્વિકારતો થયો છે.
• આજે દેશનો કોઈ ખુણો નહી હોય જ્યાં રાજકોટના પમ્પ અને એન્જીનિયરીંગના સાધનો પહોંચ્યા નહી હોય. રાજકોટની અનેક બ્રાંડ દેશ વિદેશમાં પહોંચી છે. રાજકોટનો ઓટોમોબાઈલ ઉદ્યોગ પણ વિસ્તર્યો છે.
• એક જમાનો હતો જ્યારે ગુજરાતમાં સાયકલ પણ નહોતી બનતી. તમે લખી રાખજો ગુજરાતમાં વિમાન પણ બનશે. રાજકોટમાં વિમાનના સ્પેરપાર્ટ્સ બનશે.
• મોરબીની સિરામિક ટાઈલ્સ મશહુર, દુનિયાનું સિરામિક કામના 13% મોરબીમાં જ થાય છે. મોરબી વિના અધૂરું. મચ્છુની હોનારત વખતે કોઈને કલ્પના નહોતી કે મોરબી ઉભું થાય. આજે મોરબી અનેકને ઉભા કરી રહ્યું છે.
• આટલી બધી યોજનાઓ તમારા શરણે આપું છું ત્યારે ગર્વ અનુભવું છું. હું હંમેશા રાજકોટનો ઋણી રહીશ, રાજકોટની સેવા કરવાનો મોકો જતો નહી કરું

• રાજકોટ બે બાબતો માટે જાણીતુ છે. જેમાં એક રાજકોટ સ્વરાજના શિલ્પી મહાત્મા ગાંધીજીએ રાજકોટમાં અભ્યાસ કર્યો હતો અને બીજું નરેન્દ્રભાઈની સક્રિય રાજનીતિની શરૂઆત પણ આ શહેરમાંથી થઈ છે તેના માટે રાજકોટ જાણીતું છે.
• ગુજરાત દેશમાં સૌથી વધુ શહેરીકરણ ધરાવતુ રાજ્ય છે. તેથી શહેરમાં વસતા મધ્યમ વર્ગીય પરિવારને ઘરનું ઘર આપવાની નેમ લીધી છે.
• શહેરીકરણ સાથે ગુજરાતનું ઔદ્યોગીકરણ પણ ઝડપી થયું છે. ઔદ્યોગિકરણને સરકારે નવી દિશા આપી છે.
• આ વિસ્તારમાં વધુ ઉદ્યોગો આવશે તો રોજગારીની તકો વધશે.
• વૈશ્વિક ઓળખ બનેલા અમુલ ડેરીના પ્લાન્ટની શરૂઆત થવાની છે.
• રાજકોટ બે દાયકાથી સતત વિકાસ પામી રહ્યું છે. આજે વડાપ્રધાનશ્રી અનેક વિકાસ પ્રકલ્પો દિવાળીની ભેટરૂપે આપવાના છે. શ્રેષ્ઠ વિકાસ એજ લક્ષ્ય અને તેના માટે અમે દિવસ રાત કાર્યરત.

• મોરબી બલ્ક પાઈપ લાઈન અંતર્ગત પરિયોજનાનું લોકાર્પણ
• પ્રાદેશિક વિજ્ઞાન કેન્દ્ર અને ફ્લાઈ ઓવરનું લોકાર્પણ
• રાજકોટ-ગોંડલ-જેતપુત સિક્સ લેન રોડનું ખાતમૂહુર્ત
• 5 જિલ્લાઓમાં રૂ. 2950 કરોડના ખર્ચે જીઆઈડીસી એકમોનો શિલાન્યાસ
• રાજકોટ, મોરબી, બોટાદ, જામનગર, કચ્છમાં બનશે જીઆઈડીસી
• ગઢકામાં અમુલ ડેરીના પ્લાન્ટનો શિલાન્યાસ
• રાજકોટમાં ઈન્ડોર સ્પોર્ટ્સ કોમ્પ્લેક્સો શિલાન્યાસ
• માર્ગ, રેલવે ક્ષેત્રની અન્ય પરિયોજનાનો શિલાન્યાસ

રાજકોટમાં વડાપ્રધાનશ્રી નરેન્દ્રભાઈ મોદીનું સંબોધન...