રાજ્યના આ વિસ્તારમાં માત્ર એક જ વ્યક્તિ કરશે મતદાન, તંત્રએ શરૂ કરી તૈયારીઓ

ગુજરાતમાં વિધાનસભા ચૂંટણીની તારીખો જાહેર કરવામાં આવી છે. અહીં 1 અને 5 ડિસેમ્બરે બે તબક્કામાં મતદાન યોજાવાના છે. ચૂંટણી કાર્યક્રમની જાહેરાતની સાથે મુખ્ય ચૂંટણી કમિશનર સંજય કુમારે 100% ભયમુક્ત મતદાન પૂર્ણ થવાને લઈને ઘણી મહત્વપૂર્ણ માહિતી પણ આપી હતી. આ દરમિયાન તેમણે એમ પણ જણાવ્યું હતું કે ગુજરાતના ગીરના જંગલમાં માત્ર એક જ મતદાર માટે મતદાન મથક બનાવવામાં આવશે. નોંધનીય છે કે, ગુજરાતમાં વિધાનસભાની કુલ બેઠકો 182 છે. જેની ચૂંટણી આ વખતે બે તબક્કામાં થશે. અહીં કુલ 4.9 કરોડ મતદારો તેમના મતાધિકારનો ઉપયોગ કરશે. આ ચૂંટણીની સૌથી રસપ્રદ વાત એ છે કે પંચ માત્ર એક મતદાર માટે મતદાન મથક બનાવવા જઈ રહ્યું છે. ગુજરાતમાં કુલ 51,782 મતદાન મથકો બનાવવામાં આવશે. મુખ્ય ચૂંટણી કમિશનર રાજીવ કુમારે માહિતી આપી હતી કે દિવ્યાંગો માટે 182 વિશેષ મતદાન મથકો બનાવવામાં આવશે. મહિલા મતદારો માટે 1274 મતદાન મથકો હશે.

રાજ્યમાં આ વર્ષે ડિસેમ્બર મહિનાની શરૂઆતમાં ચૂંટણી યોજાવાની છે. જેને લઇને તૈયારીઓ શરૂ થઇ ગઇ છે. ત્યારે રાજ્યમાં એક એવી જગ્યા પણ છે કે જ્યા એક મતદાન મથક બનાવવામાં આવશે જ્યાં એક જ મતદાર હોય છે. આ મતદાન મથક ગીરના જંગલમાં બનાવવામાં આવશે. ચૂંટણી પંચે પત્રકાર પરિષદમાં જણાવ્યું હતું કે, તે ગીરના જંગલમાં મતદાતા માટે મતદાન મથક બનાવશે. અહીં મતદાન માટે 15 અધિકારીઓની ટીમ મોકલવામાં આવશે. ટીમ સવારે 8 થી સાંજે 6 વાગ્યા સુધી મતદાન માટે બૂથ પર રહેશે. દેશનું આ એકમાત્ર મતદાન મથક છે જ્યાં માત્ર એક જ મતદાર છે. અત્યાર સુધી ચૂંટણી પંચ ગુજરાતના મતદાર ભરતદાસ દર્શનદાસ માટે અલગ મતદાન મથકો બનાવે છે. ભરતદાસ મંદિરના પૂજારી છે. જૂનાગઢના ગીરના જંગલમાં બાણેજ નામની જગ્યાએ આવેલા એક મંદિરમાં તેઓ રહે છે. જોકે, મહંતનું 1 નવેમ્બર 2019ના રોજ અવસાન થયું હતું. મહંત ભરતદાસ બાદ મંદિરના નવા પૂજારી મહંત હરિદાસ માટે આ ખાસ બૂથ બનાવવામાં આવશે.