નીતિનભાઈ પટેલે ઓછું મતદાન થવાના આ 2 કારણો જણાવ્યા,જાણો

રાજ્યમાં પહેલા (Gujarat Election 2022)તબક્કાનું મતદાન શાંતિપૂર્ણ રીતે થયું છે. પ્રથમ તબક્કામાં સરેરાશ 60 ટકા જેટલું મતદાન થયું અને 788 ઉમેદવારોનું ભાવિ ઇવીએમમાં બંધ થઇ ગયું છે. પરંતુ ચારેબાજુ ઓછા મતદાનને લઈને ચર્ચાઓ ચાલીઓ વચ્ચે નીતિનભાઈ પટેલ (Nitinbhai Patel) દ્વારા એક મહત્વપૂર્ણ નિવેદન આપવામાં આવ્યું છે. 

કડી ખાતેથી પૂર્વ ડે.સીએમ નીતિનભાઈ પટેલે પ્રથમ ચરણના પૂર્ણ થયેલ ઓછા મતદાન વિશે જણાવ્યું હતું કે, લગ્નસરાની સિઝનને લીધે મતદાન ઓછું થયું છે. ખેડૂતો માટે પણ શિયાળુ ખેતીની સિઝન છે. ખેડૂતો પણ પોતાના કામમાં હતા જેની અસર પણ કહી શકાય. ગત ચૂંટણી કરતા આ વખતે સરેરાશ 5 ટકા મતદાન ઓછું થયું છે. ઓછું મતદાન તમામ ઉમેદવારને અસર કરતું હોય છે, પરંતુ ઓછા મતદાનથી ભાજપને કોઈ નુકશાન નથી.

નીતિનભાઈ પટેલે વધુમાં જણાવ્યં હતું કે, અમારા ભાજપના કાર્યકર્તાઓએ મતદાન કરવા મતદારોને પ્રોત્સાહિત કર્યા હતા. મતદારોની લાંબી લાઈનો હતી એ ભાજપ સમર્થકોની લાઈન હતી. કોંગ્રેસના સમર્થકોની કોઈ લાઈનો નહોતી. અમે મહેસાણા જિલ્લાની સાતેય સીટો જીતવા પ્રયાસ કરી રહ્યા છીએ. મહેસાણા જિલ્લામાં અમે તમામ 7 સીટો જીતીશું. ગુજરાતમાં પણ અમે ખૂબ સારી જીત મેળવીશું. આ ચૂંટણીમાં અત્યાર સુધીમાં યોજાયેલ તમામ ચૂંટણીઓમાં સૌથી વધુ સીટો અમે જીતીશું.

આપણ  વાંચો- વડોદરામાં કેન્દ્રીય ગૃહમંત્રી અમિત શાહનો ભવ્ય રોડ શો