ગુજરાત ઇલેક્શન: રાજ્ય સરકારે માંગો પૂર્ણ કરતાં વધુ એક આંદોલન સમેટાયું

ગુજરાત(Gujarat) સરકારને વધુ એક આંદોલન સમેટવામાં સફળતા મળી છે. જેમાં સરકારે 14 પૈકી 11 માંગણીઓ સંતોષવા બાંહેધરી આપતા વનરક્ષકનું આંદોલન(Van Rakshak) પણ સમેટાઇ ગયુ છે.ગુજરાત રાજ્ય વનરક્ષક મંડળ સાથે બેઠક અંગે રાજ્ય સરકારના પ્રવક્તાશ્રી  જીતુ વાઘાણી (Jitu Vaghani)એ જણાવ્યું હતું કે કર્મચારીઓ સાથે સારા વાતાવરણમાં ચર્ચા કરી છે. તેમજ વર્ષોથી નહીં સ્વીકારાયેલી માંગણીઓ સ્વીકારવામાં આવી છે. આ અગાઉ રજાઓનો પગાર મળતો ન હતો, હવે રજાના દિવસે બજાવેલ ફરજનો પગાર આપવાનો નિર્ણય લેવાયો છે. તથા કેટલીક નીતિવિષિયક બાબતો પર વિચારણા બાદ નિર્ણય લેવાની સહમતિ સધાઈ છે.

જોકે છેલ્લા 14 દિવસથી લડત ચલાવી રહેલા વનરક્ષક અને વનપાલની માંગણીઓને ઉકેલ રાજ્ય સરકાર લાવી છે. રાજ્ય સરકારની આંખ ઉગાડવા માટે વનરક્ષક અને વનપાલ કર્મચારીઓ તારીખ 19મીએ સોમવારે રેલી અને ધરણાંનો કાર્યક્રમનું આયોજન કર્યું હતું. જેમાં વનરક્ષક અને વનપાલના પડતર પ્રશ્નોમાં ગ્રેડ-પે, રજા પગાર, પીટીએ, ભરતી-બઢતીને રેસીયો વગેરે સહિતના પ્રશ્નોના ઉકેલ માટેની માંગ કર્મચારીઓએ કરી હતી.